മലപ്പുറത്തിന്‍റെ വിപ്ലവവീര്യം ഗെയിൽ മനസിലാക്കുന്നത്​ നല്ലത് -എം.​െഎ ഷാനവാസ്

മലപ്പുറം: ജനങ്ങളെ അടിച്ചമർത്തി മുന്നോട്ടു പോയവരൊക്കെ വീണിട്ടു​ണ്ടെന്നും മലപ്പുറത്തി​​െൻറ വിപ്ലവ വീര്യം ഗെയിൽ അധികൃതർ മനസിലാക്കുന്നത്​ നന്നായിരിക്കുമെന്നും എം.​െഎ ഷാനവാസ്​ എം.പി. ജനവാസ കേന്ദ്രം ഒഴിവാക്കണം എന്ന ആവശ്യത്തിൽ ഉറച്ചു നിൽക്കുന്നതായും ഷാനവാസ് വ്യക്തമാക്കി. 

ഏറ്റെടുക്കുന്ന സ്​ഥലത്തിന്​ സർക്കാർ വിലയല്ല, വിപണിവില ലഭിക്കണം. ഇൗ ആവശ്യങ്ങൾ അംഗീകരിക്കുന്നത്​ വരെ ജനകീയ സമരത്തോടൊപ്പം ഉണ്ടാകും. സമരസമിതി നേതാക്കൾ എന്തു സംസാരിക്കണമെന്ന്​ തീരുമാനിക്കുന്നത്​ വ്യവസായ മന്ത്രി എ.സി മൊയ്​തീനല്ല. അവസാനത്തെ പൈപ്പിട്ടാലും പ്രതിഷേധവുമായി മുന്നോട്ടുപോകുമെന്നും അദ്ദേഹം പറഞ്ഞു. 

ഗെയിൽ പൈപ്​ ലൈൻ വിരുദ്ധ ജനകീയ സമരസമിതിയുടെ രണ്ടാംഘട്ട സമര പരിപാടികൾക്ക്​ തുടക്കം കുറിച്ച്​ മലപ്പുറം സിവിൽ സ്​​റ്റേഷന്​ സമീപം സംഘടിപ്പിച്ച പ്രതിഷേധ ധർണ ഉദ്​ഘാടനം ചെയ്യുകയായിരുന്നു അദ്ദേഹം.