സ​്ത്രീകൾക്കു നേരെ സ്വന്തം കുടുംബങ്ങളിൽ നിന്നുള്ള ലൈംഗികാതിക്രമം വർധിക്കുന്നു -​ മന്ത്രി ശൈലജ

കൊച്ചി: സംസ്ഥാനത്ത്​ സ​്ത്രീകൾക്കു നേരെ സ്വന്തം കുടുംബങ്ങളിൽ നിന്നു തന്നെയുള്ള ലൈംഗികാതിക്രമം വർധിക്കുന്നുവെന്ന്​ മന്ത്രി കെ.കെ. ശൈലജ. സമൂഹത്തെ ചൂഴ്ന്നുനില്‍ക്കുന്ന യാഥാസ്ഥിതിക മാനസികാവസ്ഥയില്‍ മാറ്റം വന്നാലേ ഇത്​ തടയാനാകൂ എന്ന്​ അവർ പറഞ്ഞു. ഗാര്‍ഹിക പീഡനത്തില്‍നിന്ന്​ സ്ത്രീകള്‍ക്ക് സംരക്ഷണം നല്‍കുന്ന നിയമം സംബന്ധിച്ച്​ സാമൂഹിക നീതി വകുപ്പ്  സംഘടിപ്പിച്ച  സംസ്ഥാനതല സെമിനാര്‍ ഉദ്ഘാടനം ചെയ്യുകയായിരുന്നു മന്ത്രി. 

എല്ലാ ജില്ലയിലും ഉടന്‍ വിമന്‍ പ്രൊട്ടക്​ഷന്‍ ഓഫിസര്‍മാരെ നിയമിക്കുമെന്ന് മന്ത്രി പറഞ്ഞു. വണ്‍ സ്​റ്റോപ്പ് ക്രൈസിസ് സ​െൻററുകള്‍ക്കായി കേന്ദ്രം 40 ലക്ഷം അനുവദിച്ചിട്ടുണ്ട്. ഇതുപയോഗിച്ച് നാല്​ ജില്ലകളില്‍ രണ്ട്​ വര്‍ഷത്തിനുള്ളില്‍ സ​െൻറർ തുടങ്ങും. വൈദ്യ^നിയമ സഹായം, ​െപാലീസ്, ഷോര്‍ട്ട് സ്‌റ്റേ തുടങ്ങിയ സൗകര്യങ്ങള്‍ ഇവിടെയുണ്ടാകും.  ഇതര സംസ്ഥാന തൊഴിലാളികളുടെ കുട്ടികള്‍ക്കായി സാമൂഹിക നീതി വകുപ്പി​​െൻറ നേതൃത്വത്തില്‍  ക്രഷ് ആരംഭിക്കുമെന്നും മന്ത്രി പറഞ്ഞു.