തൊലിപ്പുറത്തുള്ള​ വിശ്വാസമാണ്​​ ആളുകൾ തമ്മിലുള്ള അകൽച്ചക്ക്​ കാരണം -മന്ത്രി ജലീൽ

കോഴിക്കോട്​: പുതുതലമുറയുടെ തൊലിപ്പുറത്തുള്ള​ വിശ്വാസമാണ്​​ ആളുകൾ തമ്മിലുള്ള അകൽച്ചക്ക്​ കാരണമെന്ന്​ മന്ത്രി ഡോ. കെ.ടി. ജലീൽ. ഇന്ന്​ ഏത്​ വിശ്വാസിയാണെന്ന്​ പലർക്കും നെറ്റിയിൽ ഒട്ടിച്ചു​െവക്കണം. മത നിരപേക്ഷത ഉയർത്തിപ്പിടിച്ച യഥാർഥ വിശ്വാസികൾ പഴയ തലമുറക്കാരായിരുന്നുവെന്നും അദ്ദേഹം പറഞ്ഞു. സാമൂഹിക സുരക്ഷ മിഷനും കോഴിക്കോട്​ കോർപ്പറേഷനും സംയുക്​തമായി സംഘടിപ്പിച്ച വയോജന ഒാണാഘോഷം ഉദ്​ഘാടനം ചെയ്യുകയായിരുന്നു മന്ത്രി.

ബലിപെരുന്നാളായതോടെ പലരും പറയുന്നത്​ ഒരുപാട്​ നാൽക്കാലികളെ ബലികൊടുക്കുന്നു എന്നാണ്​. ഇക്കാര്യം ഞാൻ നന്നായി നിരീക്ഷിച്ചു. ബലി കൊടുക്കുന്നവയിലൊന്നുപോലും പശുവല്ല. നാട്ടിൻ പുറങ്ങളിലെ അറവുശാലകളിലും പശുവി​െന അറക്കുന്നില്ല. ഒരുപാടുപേർ ബഹുമാനത്തോടെ കാണുന്ന മൃഗത്തെ അറുക്കേണ്ടതില്ല എന്നാണ്​ മിക്കവരും തീരുമാനിച്ചത്​. എന്നിട്ടും ചിലർ തെറ്റിദ്ധാരണകൾ പരത്തുകയും ചെയ്യാത്ത കാര്യം ചെയ്​തെന്ന്​ പറഞ്ഞ്​ കുറ്റപ്പെടുത്തുകയും കുഴപ്പങ്ങളുണ്ടാക്കാൻ ശ്രമിക്കുകയാണ്​ -മന്ത്രി പറഞ്ഞു.

ബാല്യവും യൗവ്വനവും പോലെയുള്ള ഒരു ജീവിത അവസ്​ഥയാണ്​ വാർധക്യവും. ഇന്ന്​ നമ്മളനുഭവിക്കുന്ന പല സുഖസൗര്യങ്ങൾക്ക്​ പിന്നിലും മുൻതലമുറയുടെ ത്യാഗമുണ്ട്​ എന്ന്​ എല്ലാവരും ഒാർക്കണമെന്നും അദ്ദേഹം പറഞ്ഞു.