മന്ത്രി എം.എം. മണി ആശുപത്രിയിൽ

തിരുവനന്തപുരം: കാലിന് ചെറിയ ബലക്കുറവ് അനുഭവപ്പെട്ടതിനെ തുടർന്ന് വൈദ്യുതി വകുപ്പ്​ മന്ത്രി എം.എം. മണിയെ ആശുപത ്രിയിൽ പ്രവേശിപ്പിച്ചു.​​ ബുധനാഴ്ച മന്ത്രിസഭായോഗത്തിന് ശേഷമാണ് അദ്ദേഹം മെഡിക്കൽ കോളേജ് ആശുപത്രിയിൽ ചികിത്സ തേടിയത്​.

നിലവിൽ ന്യൂറോ സർജറി ഐ.സി.യു.വിലാണ്. എം.ആർ.ഐ. സ്‌കാനിങ്ങിന്​ വിധേയമാക്കിയ മന്ത്രിക്ക്​ ന്യൂറോ സംബന്ധമായ ചികിത്സകൾ ആരംഭിച്ചിട്ടുണ്ട്​. അദ്ദേഹത്തിൻെറ ആരോഗ്യനില തൃപ്തികരമാണെന്ന് ആശുപത്രി വൃത്തങ്ങൾ അറിയിച്ചു.