മന്ത്രി ശശീന്ദ്രന് പൊലീസി​െൻറയും ക്ലീൻ ചിറ്റ്​

കുണ്ടറ: സ്​ത്രീപീഡന പരാതി പിൻവലിക്കാൻ ഫോൺ വിളിച്ച സംഭവത്തിൽ മന്ത്രി എ.കെ. ശശീന്ദ്രൻ കുറ്റക്കാരനല്ലെന്ന്​ പൊലീസ് റിപ്പോർട്ടും. നിയമവകുപ്പി​െൻറ ക്ലീൻ ചിറ്റിന് പിന്നാലെയാണ്​ മന്ത്രിക്ക്​ അനുകൂലമായ പൊലീസ്​ റിപ്പോർട്ടും വന്നത്​. പരാതിക്കാരിയെ മന്ത്രി ഫോണിൽ വിളിച്ചിട്ടില്ലെന്നും അവരുടെ പിതാവിനെയാണ് വിളിച്ചതെന്നും റിപ്പോർട്ടിൽ ചൂണ്ടിക്കാട്ടുന്നു. ഈ ഫോൺ വിളിയാക​െട്ട, ഏതാനും മിനിറ്റുകൾ മാത്രം നീണ്ടതുമാണ്. കേസ് പിൻവലിക്കാനോ പരാതിക്കാരിയെ ഭീഷണിപ്പെടുത്താനോ ശ്രമിച്ചിട്ടില്ല. പരാതിക്കാരിയുടെ പേരോ അവർ​െക്കതിരായ എന്തെങ്കിലും പരാമർശമോ സംഭാഷണത്തിലില്ല. അതിനാൽ തന്നെ ഈ ഫോൺ സംഭാഷണത്തി​െൻറ അടിസ്ഥാനത്തിൽ മന്ത്രിക്കെതിരെ കേസെടുക്കാനാകില്ലെന്നും റിപ്പോർട്ട് വ്യക്തമാക്കുന്നു. പ്രശ്നം 'നല്ല രീതിയിൽ പരിഹരിക്കണം' എന്നാണ് സംഭാഷണത്തിൽ പറയുന്നത്​.

ശാസ്താംകോട്ട ഡിവൈ.എസ്.പി ജില്ല പൊലീസ് മേധാവിക്കാണ് റിപ്പോർട്ട് കൈമാറിയത്. കഴിഞ്ഞയാഴ്ച ജില്ല ഗവ. പ്ലീഡർ മലയാള നിഘണ്ടുവിലെ വാക്കർഥം വിശദീകരിച്ച്​ നൽകിയ നിയമോപദേശത്തിൽ 'നല്ല രീതിയിൽ പരിഹരിക്കുക' എന്ന മന്ത്രിയുടെ വാക്കുകൾ, 'കുറവ് തിരുത്തണമെന്നും' 'നല്ല രീതിയിൽ അവസാനിപ്പിക്കണമെന്നു'മുള്ള അർഥത്തിലാണെന്നായിരുന്നു വിശദീകരണം. യൂത്ത് ലീഗ് നേതാവി​െൻറ പരാതിയിലാണ് പൊലീസ് റിപ്പോർട്ട് നൽകിയത്​.

ജൂൺ 28 നാണ് യുവതി എൻ.സി.പി സംസ്ഥാന കമ്മിറ്റിയംഗം പീഡിപ്പിക്കാൻ ശ്രമിച്ചെന്ന പരാതി കണ്ടറ പൊലീസിന് നൽകിയത്. പരാതിക്കാരിയുടെ പിതാവും എൻ.സി.പി മുൻ മണ്ഡലം സെക്രട്ടറിയുമായി മന്ത്രി നടത്തിയ ഫോൺ സംഭാഷണമാണ് കേസിന് ആധാരം.