ലഹരി വിരുദ്ധ കാമ്പയിനിൽ മാറ്റമില്ലെന്ന് മന്ത്രി; സഭ സ്കൂളുകൾ തുറക്കില്ലെന്ന് കെ.സി.ബി.സി

തിരുവനന്തപുരം: ഒക്ടോബർ രണ്ടുമുതൽ നവംബർ ഒന്നുവരെയുള്ള തീവ്ര ലഹരി വിരുദ്ധ കാമ്പയിനിൽ മുഴുവൻ വിദ്യാർഥികളും അധ്യാപകരും അനധ്യാപകരും അണിനിരക്കണമെന്ന് മന്ത്രി വി. ശിവൻകുട്ടി. വിദ്യാലയങ്ങൾക്ക് അവധിയാണെങ്കിലും പരിപാടികൾ നടത്തുന്നതിന് നടപടിയെടുക്കണമെന്നും മന്ത്രി നിർദേശിച്ചു.

ഞായറാഴ്ചയിലെ പരിപാടി മാറ്റിവെക്കണമെന്ന് കെ.സി.ബി.സി ഉൾപ്പെടെയുള്ള ക്രിസ്ത്യൻ സംഘടനകൾ ആവശ്യമുന്നയിച്ചതിന് പിന്നാലെയാണ് സ്കൂൾതലത്തിലെ പരിപാടികൾക്ക് മാറ്റമില്ലെന്ന് വ്യക്തമാക്കി വിദ്യാഭ്യാസ മന്ത്രിയുടെ ഓഫിസ് വാർത്താകുറിപ്പിറക്കിയത്. എന്നാൽ, വി​ശ്വാ​സ​പ​ര​മാ​യ ആ​ച​രാ​നു​ഷ്ഠാ​ന​ങ്ങ​ളി​ൽ ക​ത്തോ​ലി​ക്ക​രാ​യ കു​ട്ടി​ക​ൾ​ക്കും ര​ക്ഷി​താ​ക്ക​ൾ​ക്കും അ​ധ്യാ​പ​ക​ർ​ക്കും പ​ങ്കെ​ടു​ക്കേ​ണ്ട​തു​ണ്ടെന്നും ഗാ​ന്ധി​ജ​യ​ന്തി ദി​ന​മാ​യ ഞാ​യ​റാ​ഴ്ച പ്ര​വൃ​ത്തി​ദി​ന​മാ​ക്കാ​നു​ള്ള സ​ർ​ക്കാ​ർ നി​ർ​ദേ​ശം ക​ത്തോ​ലി​ക്ക വി​ദ്യാ​ഭ്യാ​സ സ്ഥാ​പ​ന​ങ്ങ​ൾ പാ​ലി​ക്കില്ലെന്നും കെ.​സി.​ബി.​സി സ​ർ​ക്കു​ല​ർ വഴി അറിയിച്ചു.

ഗാന്ധി ജയന്തി ദിനത്തിൽ ലഹരി വിരുദ്ധ പ്രവർത്തനങ്ങൾക്ക് തുടക്കമിടുന്നതിന് പ്രത്യേക പ്രാധാന്യമുണ്ടെന്ന് മന്ത്രി അറിയിച്ചതിനുപിന്നാലെയാണ് കെ.സി.ബി.സി സർക്കുലർ പുറത്തിറക്കിയത്.

പരമാവധി വിദ്യാർഥികളുടെ പങ്കാളിത്തം ഗാന്ധി ജയന്തി ദിനത്തിലെ പരിപാടികൾക്ക് ഉണ്ടാകണമെന്ന് മന്ത്രി അഭ്യർഥിച്ചു. ഒക്ടോബർ രണ്ടിന് 10നുള്ള ഉദ്ഘാടന പരിപാടി എല്ലാവരിലേക്കും എത്തിക്കാനുള്ള പ്രവർത്തനങ്ങൾ സ്കൂൾതലത്തിൽ നടത്തണം. വിദ്യാലയസമിതികൾ മുൻകൈയെടുത്ത് പ്രചാരണ ബോർഡുകൾ സ്ഥാപിക്കണം.

ഒക്ടോബർ 6, 7 തീയതികളിൽ രക്ഷാകർത്താക്കൾക്കുള്ള ബോധവത്കരണ പരിപാടികൾ വിജയിപ്പിക്കാനുള്ള പ്രവർത്തനങ്ങൾ പി.ടി.എ, എം.പി.ടി.എ, വികസനസമിതി തുടങ്ങിയവയുടെ നേതൃത്വത്തിൽ നടത്തണം. ഒരുമാസം സ്കൂൾതലത്തിൽ വിവിധ ലഹരി വിരുദ്ധ പ്രവർത്തനങ്ങൾ ആസൂത്രണം ചെയ്ത് നടപ്പാക്കണം. നവംബർ ഒന്നിന് വൈകീട്ട് മൂന്ന് മുതൽ വിദ്യാലയങ്ങൾ കേന്ദ്രീകരിച്ചുള്ള ലഹരി വിരുദ്ധ ശൃംഖല വിജയിപ്പിക്കാനുള്ള പ്രവർത്തനങ്ങൾ മുൻകൂട്ടി നടപ്പാക്കണമെന്നും മന്ത്രി അഭ്യർഥിച്ചു.

മന്ത്രിയുടെ നിർദേശം തള്ളിയ കെ.​സി.​ബി.​സി, ഞാ​യ​റാ​ഴ്ച​ക്ക്​ പ​ക​രം മ​റ്റൊ​രു ദി​വ​സം ലഹരി വിരുദ്ധ ദിനമായി ആ​ച​രി​ക്ക​ണ​മെ​ന്ന് സ്കൂളുകൾക്ക് നൽകിയ അറിയിപ്പിൽ പറഞ്ഞു.

ഞായറാഴ്ച പ്രവൃത്തി ദിനമാക്കരുത് -സി.എസ്.ഐ ഐ ബി​ഷ​പ്സ് കൗ​ൺ​സി​ൽ

കോ​ട്ട​യം: ക്രൈ​സ്ത​വ സ​മൂ​ഹ​ത്തി​ന്‍റെ ആ​രാ​ധ​ന സ്വാ​ത​ന്ത്ര്യം ഹ​നി​ക്കു​ന്ന ത​ര​ത്തി​ൽ ഒ​ക്ടോ​ബ​ർ ര​ണ്ട് ഞാ​യ​റാ​ഴ്ച കേ​ര​ള​ത്തി​ലെ വി​ദ്യാ​ല​യ​ങ്ങ​ൾ​ക്ക് പ്ര​വൃ​ത്തി ദി​വ​സ​മാ​ക്കി​യ​തി​ൽ കേ​ര​ള റീ​ജ​ന​ൽ സി.​എ​സ്.​ഐ ബി​ഷ​പ്സ് കൗ​ൺ​സി​ൽ പ്ര​തി​ഷേ​ധി​ച്ചു.

ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന ന്യൂ​ന​പ​ക്ഷ സ​മൂ​ഹ​ത്തി​ന്‍റെ ആ​രാ​ധ​ന സ്വാ​ത​ന്ത്ര്യം സം​ര​ക്ഷി​ക്കേ​ണ്ട ബാ​ധ്യ​ത സ​ർ​ക്കാ​റി​നു​ണ്ട്. അ​തി​നാ​ൽ തീ​രു​മാ​ന​ത്തി​ൽ​നി​ന്ന് പി​ന്മാ​റ​ണം. ല​ഹ​രി​വി​രു​ദ്ധ ബോ​ധ​വ​ത്ക​ര​ണ പ​രി​പാ​ടി​ക​ൾ മ​റ്റൊ​രു പ്ര​വൃ​ത്തി ദി​ന​ത്തി​ൽ ന​ട​ത്താ​ൻ സ​ർ​ക്കാ​ർ ത​യാ​റാ​വ​ണം. സ​ർ​ക്കാ​ർ മു​ൻ​കൈ എ​ടു​ത്ത് ന​ട​ത്തു​ന്ന എ​ല്ലാ ല​ഹ​രി വി​രു​ദ്ധ പ്ര​വ​ർ​ത്ത​ന​ങ്ങ​ളി​ലും സ​ഭ​യു​ടെ പൂ​ർ​ണ പി​ന്തു​ണ​യും സ​ഹ​ക​ര​ണ​വും ബി​ഷ​പ്സ്​ കൗ​ൺ​സി​ൽ ഉ​റ​പ്പു​ന​ൽ​കി. സി.​എ​സ്.​ഐ മോ​ഡ​റേ​റ്റ​ർ ബി​ഷ​പ് ഡോ. ​എ. ധ​ർ​മ​രാ​ജ് റ​സാ​ലം അ​ധ്യ​ക്ഷ​ത വ​ഹി​ച്ചു. ബി​ഷ​പ് ബേ​ക്ക​ർ നൈ​നാ​ൻ ഫെ​ൻ, ബി​ഷ​പ് ഡോ. ​റോ​യി​സ് മ​നോ​ജ് വി​ക്ട​ർ, ബി​ഷ​പ് ഡോ. ​ഉ​മ്മ​ൻ ജോ​ർ​ജ്, ബി​ഷ​പ് വി.​എ​സ്. ഫ്രാ​ൻ​സി​സ്, ബി​ഷ​പ് ഡോ. ​മ​ല​യി​ൽ സാ​ബു കോ​ശി ചെ​റി​യാ​ൻ എ​ന്നി​വ​ർ സം​സാ​രി​ച്ചു.'