കോവിഡ്​ വാക്സിനെടുത്തവരെ 'ചിരിപ്പിച്ചുകൊല്ലും' ആരോഗ്യമന്ത്രാലയം

ഗുരുവായൂർ: ഭാര്യയും ഭർത്താവും ഒരേ ദിവസം ഒരേ ആശുപത്രിയിൽ നിന്ന് കോവിഡ് വാക്സിനെടുത്തു. എന്നാൽ കേന്ദ്ര ആരോഗ്യ കുടുംബക്ഷേമ മന്ത്രാലയത്തി​െൻറ വെബ് സൈറ്റിൽനിന്ന് ഡൗൺലോഡ് ചെയ്ത സർട്ടിഫിക്കറ്റിൽ രേഖപ്പെടുത്തിയത് പ്രകാരം​ ഭർത്താവിന് വാക്സിൻ എടുത്തത് ചാവക്കാട് താലൂക്ക് ആശുപത്രിയിലും ഭാര്യക്ക് ഡൽഹിയിലെ ഒരു ആശുപത്രിയിലും.

ചാവക്കാട് താലൂക്ക് ആശുപത്രിയിൽ പോയി ഒരേ ദിവസം വാക്സിനെടുത്ത ഗുരുവായൂർ സ്വദേശി വേണു എടുക്കഴിയൂരിനും ഭാര്യ റിട്ട.അധ്യാപിക സുന്ദരിക്കുമാണ് ഇത്തരം സർട്ടിഫിക്കറ്റ് ലഭിച്ചത്. സ്ഥലത്തിൽ മാത്രമല്ല, കുത്തി​െവച്ച വാക്സിനിലും സർട്ടിഫിക്കറ്റിൽ മാറ്റമുണ്ട്. വേണുവിന് കോവിഷീൽഡും സുന്ദരിക്ക് കോവാക്സിനും കുത്തിവെച്ചെന്നാണ് രേഖ.

'കേന്ദ്ര ആരോഗ്യ കുടുംബക്ഷേമ മന്ത്രാലയത്തി​െൻറ ചിരിപ്പിക്കാനുള്ള കഴിവ് അപാരം തന്നെ' എന്ന അടിക്കുറിപ്പോടെ വേണു സമൂഹമാധ്യമത്തിൽ ഈ സർട്ടിഫിക്കറ്റുകൾ പോസ്​റ്റ്​ ചെയ്തിട്ടുണ്ട്.