പ്രായപൂർത്തിയാകാത്ത സഹോദരിമാർക്ക്​ പീഡനം​; രണ്ട്​ കേസിൽ ഇരട്ടജീവപര്യന്തം അപൂർവം

ആ​ർ.​എ​സ്. വി​ജ​യ് മോ​ഹ​ൻതി​രു​വ​ന​ന്ത​പു​രം: പ്രാ​യ​പൂ​ർ​ത്തി​യാ​കാ​ത്ത സ​ഹോ​ദ​രി​മാ​രെ ക്രൂ​ര​മാ​യി പീ​ഡി​പ്പി​ച്ച കേ​സി​ൽ ഒ​രേ പ്ര​തി​ക്ക്​ ര​ണ്ട്​ കേ​സു​ക​ളി​ൽ ഇ​ര​ട്ട​ജീ​വ​പ​ര്യ​ന്തം കി​ട്ടു​ന്ന​ത്​ അ​പൂ​ർ​വം. സ​ഹോ​ദ​രി​മാ​രാ​യ ഒ​മ്പ​തു​കാ​രി​യെ​യും ആ​റു​വ​യ​സ്സു​കാ​രി​യെ​യും അ​മ്മൂ​മ്മ​യു​ടെ കാ​മു​ക​ൻ പീ​ഡി​പ്പി​ച്ച സം​ഭ​വ​ത്തി​ൽ മം​ഗ​ല​പു​രം പൊ​ലീ​സ്​ ര​ജി​സ്റ്റ​ർ ചെ​യ്ത കേ​സി​ലാ​ണ്​ തി​രു​വ​ന​ന്ത​പു​രം പ്ര​ത്യേ​ക അ​തി​വേ​ഗ കോ​ട​തി ജ​ഡ്ജി ആ​ർ. രേ​ഖ​യു​ടെ അ​പൂ​ർ​വ വി​ധി. അ​നി​യ​ത്തി​യാ​യ ആ​റു​വ​യ​സ്സു​കാ​രി​യെ പീ​ഡി​പ്പി​ച്ച കേ​സി​ൽ അ​മ്മൂ​മ്മ​യു​ടെ കാ​മു​ക​ൻ വി​ക്ര​മ​ന്​ (63) ക​ഴി​ഞ്ഞ​യാ​ഴ്ച ഇ​തേ കോ​ട​തി ഇ​ര​ട്ട ജീ​വ​പ​ര്യ​ന്തം ക​ഠി​ന ത​ട​വി​ന് ശി​ക്ഷി​ച്ചി​രു​ന്നു. ആ​റു​മാ​സ​ത്തോ​ളം ത​ട​വ​റ​ക്ക്​ സ​മാ​ന സാ​ഹ​ച​ര്യ​ത്തി​ൽ ക്രൂ​ര​പീ​ഡ​ന​മാ​ണ്​ കു​രു​ന്നു​ക​ൾ അ​നു​ഭ​വി​ച്ച​ത്. കു​ട്ടി​ക​ളു​ടെ ബാ​ല്യം ന​ഷ്ട്ട​പ്പെ​ടു​ത്തി​യ പ്ര​തി ഒ​രു ദ​യ​യും അ​ർ​ഹി​ക്കു​ന്ന​ല്ല​ന്നും വി​ധി​ന്യാ​യ​ത്തി​ൽ പ​റ​യു​ന്നു.

മു​രു​ക്കും​പു​ഴ, വ​രി​യ്ക്ക​മു​ക്ക് എ​ന്നി​വി​ട​ങ്ങ​ളി​ൽ താ​മ​സി​ക്കു​മ്പോ​ഴാ​ണ് പ്ര​തി അ​മ്മൂ​മ്മ​യെ​ക്കൊ​പ്പം താ​മ​സി​ക്കാ​ൻ എ​ത്തി​യ​ത്. അ​മ്മ ദു​ബൈ​യി​ൽ ജോ​ലി​ക്ക് പോ​യ​തി​നു​ശേ​ഷം കു​ട്ടി​ക​ളെ വി​ളി​ച്ചി​ട്ടി​ല്ല. അ​ച്ഛ​നും തി​രി​ഞ്ഞു​നോ​ക്കി​യി​ല്ല. അ​മ്മൂ​മ്മ​യോ​ട്​ പ്ര​തി​ക്ക് അ​ടു​പ്പ​മു​ള്ള​തി​നാ​ൽ അ​വ​രോ​ടും വി​വ​രം പ​റ​യാ​നാ​യി​ല്ല. മു​രു​ക്കും​പു​ഴ​യി​ൽ താ​മ​സി​ക്കു​മ്പോ​ൾ കു​ട്ടി​ക​ൾ ക​ര​ഞ്ഞ​പ്പോ​ൾ​​ വി​വ​രം അ​യ​ൽ​വാ​സി​യു​ടെ ശ്ര​ദ്ധ​യി​ൽ​പെ​ടു​ക​യാ​യി​രു​ന്നു. തു​ട​ർ​ന്ന്​ സം​ഭ​വം വീ​ട്ടു​ട​മ​സ്ഥ​യോ​ടും മം​ഗ​ല​പു​രം പൊ​ലീ​സി​ലും അ​റി​യി​ച്ചു.

ര​ണ്ട് കേ​സു​ക​ളും ചി​ട്ട​യാ​യി ന​ട​ത്താ​ൻ പ്രോ​സി​ക്യൂ​ഷ​ന്​ സാ​ധി​ച്ച​തി​നാ​ൽ പ്ര​തി​ക്ക് ക​ടു​ത്ത ശി​ക്ഷ ല​ഭി​ക്കു​ക​യാ​യി​രു​ന്നു. പ്രോ​സി​ക്യൂ​ഷ​ന്​ വേ​ണ്ടി സ്പെ​ഷ​ൽ പ​ബ്ലി​ക്‌ പ്രോ​സി​ക്യൂ​ട്ട​ർ ആ​ർ.​എ​സ്. വി​ജ​യ് മോ​ഹ​ൻ ഹാ​ജ​രാ​യി. കേ​സി​ലെ സാ​ക്ഷി​ക​ൾ പ്രോ​സീ​ക്യൂ​ഷ​ന്​ അ​നു​കൂ​ല​മാ​യി മൊ​ഴി​ന​ൽ​കു​ക​യും ചെ​യ്തു.