യുവതിയോട് മോശം പെരുമാറ്റം; യുവാവ് അറസ്റ്റിൽ

പന്തളം: കെ.എസ്.ആർ.ടി.സി ബസിൽ നിയമ വിദ്യാർഥിനിയോട് മോശമായി പെരുമാറിയെന്ന പരാതിയിൽ സർക്കാർ ജീവനക്കാരനെ അറസ്റ്റ് ചെയ്തു. പത്തനംതിട്ട മൈലപ്ര ചരിവ് പറമ്പിൽ സുരാജിനെയാണ് (36) പന്തളം പൊലീസ് അറസ്റ്റ് ചെയ്തത്. പത്തനംതിട്ട മൈനർ ഇറിഗേഷൻ വകുപ്പിലെ ഡിവിഷനൽ അക്കൗണ്ടന്റാണ്.

കോട്ടയം-തിരുവനന്തപുരം സൂപ്പർ ഫാസ്റ്റ് ബസിൽ തിങ്കളാഴ്ച രാവിലെ 9.30ഓടെ കാരക്കാട് ജങ്ഷനു സമീപമായിരുന്നു സംഭവം. വിദ്യാർഥിനിയുടെ പരാതിയെത്തുടർന്ന് കെ.എസ്.ആർ.ടി.സി ബസ് യുവാവുമായി പന്തളം പൊലീസ് സ്റ്റേഷനിലെത്തി. തുടർന്ന് പന്തളം പോലീസ് കസ്റ്റഡിയിലെടുത്തു.