നഷ്ടമായത് ജനകീയനായ നേതാവിനെ - സ്പീക്കർ

തിരുവന്തപുരം: ആര്യാടൻ മുഹമ്മദിന്റെ നിര്യാണത്തിൽ നിയമസഭാ സ്പീക്കർ എ.എൻ.ഷംസീർ അനുശോചിച്ചു. ജനകീയനായ നേതാവായിരുന്നു അദ്ദേഹം. ശ്രദ്ധേയനായ നിയമസഭാ സാമാജികൻ എന്ന നിലയിലും മതനിരപേക്ഷ നിലപാടുകൾ ഉയർത്തിപ്പിടിക്കുന്നതിന് മുൻപന്തിയിൽ നിന്ന വ്യക്തി എന്ന നിലയിലും അദ്ദേഹം വലിയ പങ്ക് വഹിച്ചു. കുടുംബാംഗങ്ങളുടേയും സുഹൃത്തുക്കളുടേയും പാർട്ടി പ്രവർത്തകരുടേയും ദു:ഖത്തിൽ പങ്കു ചേർന്നതായും സ്പീക്കർ പറഞ്ഞു.