‘മുരളീധരനെയും ശശി തരൂരിനെയും അവഗണിച്ചത് ശരിയായില്ല’; കെ.പി.സി.സി നേതൃത്വത്തിനെതിരെ എം.കെ. രാഘവൻ

കോഴിക്കോട്: കെ.പി.സി.സി നേതൃത്വത്തിനെതിരെ വിമർശനവുമായി എം.കെ. രാഘവൻ. വൈക്കം സത്യഗ്രഹശതാബ്ദി വേദിയിൽ കെ. മുരളീധരനെയും ശശി തരൂരിനെയും അവഗണിച്ചത് ശരിയായില്ലെന്ന് എം.കെ. രാഘവൻ എം.പി. ഇരുവരെയും സംസാരിക്കാൻ അനുവദിക്കണമായിരുന്നുവെന്ന് രാഘവൻ പറഞ്ഞു.

നേതൃത്വം എല്ലാവരെയും ഉൾക്കൊള്ളണം. അതിനുള്ള മനസ്സ് നേതൃത്വത്തിന് ഉണ്ടാക​ണം. മുതിർന്ന നേതാക്കളെ ഉൾക്കൊണ്ടു പോവാനുള്ള നേതൃത്വമാണാവശ്യമെന്നും രാഘവൻ കൂട്ടിച്ചേർത്തു. കോഴിക്കോട്ട് മാധ്യമങ്ങളോട് പ്രതികരിക്കുകയായിരുന്നു അദ്ദേഹം.