പീഡന പരാതി പാർട്ടിയല്ല, പൊലീസാണ്​ അന്വേഷിക്കേണ്ടത്​ -എം.എം. ഹസൻ

കോട്ടയം: പി.കെ. ശശി എം.എൽ.എക്കെതിരായ പീഡന പരാതി പാർട്ടിയല്ല പൊലീസാണ്​ അന്വേഷിക്കേണ്ടതെന്ന്​ കെ.പി.സി.സി പ്രസിഡൻറ് എം.എം. ഹസൻ. പരാതി പാർട്ടി അന്വേഷിക്കുമെന്ന്​ പറയുന്നത്​ കേരളത്തിൽ നിലനിൽക്കുന്ന ഇരട്ടനീതിയുടെ ഉദാഹരണമെന്നും അദ്ദേഹം കോട്ടയത്ത്​ മാധ്യമപ്രവർത്തകരോട്​ പറഞ്ഞു.

സ്ത്രീ സുരക്ഷക്കായി രാജ്യതലസ്​ഥാനത്ത്​ സമരം നടത്തുന്ന വൃന്ദ കാരാട്ട്​ ആദ്യം സമരം നടത്തേണ്ടത് എ.കെ.ജി സ​​െൻററിനു​ മുന്നിലാണ്​. കേസിൽ വനിത കമീഷൻ നിലപാട് പക്ഷപാതപരമാണ്​. പാർട്ടി ഒാഫിസിനെ പൊലീസ്​ സ്​റ്റേഷനാക്കി മാറ്റാനാണ്​ സി.പി.എം ശ്രമിക്കുന്നതെന്നും അദ്ദേഹം കുറ്റപ്പെട​ുത്തി.