ബി.ജെ.പിയും വിനോദ് റായിയും മാപ്പ് പറയണം -ഹസൻ

തിരുവനന്തപുരം: രണ്ടാം യു.പി.എ സര്‍ക്കാറിനെതിരായ 2 ജി സ്‌പെക്​ട്രം കേസ് രാഷ്​​ട്രീയപ്രേരിതമാണെന്ന് സി.ബി.ഐ കോടതി വിധിയിലൂടെ ജനങ്ങള്‍ക്ക് ബോധ്യമായെന്ന് കെ.പി.സി.സി പ്രസിഡൻറ്​ എം.എം. ഹസന്‍. 1.76 ലക്ഷം കോടിയുടെ ക്രമക്കേട് നടന്നെന്ന സി.എ.ജിയുടെ കണ്ടെത്തല്‍ സാങ്കല്‍പികമായിരു​െന്നന്ന് ആരോപണം ഉയര്‍ന്നപ്പോള്‍ തന്നെ കോണ്‍ഗ്രസ് വ്യക്​തമാക്കിയിരുന്നു. വിനോദ് റായ് ബി.ജെ.പിയുടെ ഏജൻറാണെന്ന ആരോപണം തെളിയിക്കുന്നത് കൂടിയാണ് കോടതി വിധി. രാഷ്​ട്രീയ പ്രേരിതമായി കെട്ടിച്ചമച്ച കേസിലൂടെ അധികാരത്തിലെത്തിയ ബി.ജെ.പിയും അതിന് സഹായിച്ച വിനോദ് റായിയും മാപ്പ് പറയണമെന്നും ഹസന്‍ ആവശ്യപ്പെട്ടു.