വി.എസ് പുന്നപ്ര-വയലാർ സമരനായകനല്ലെന്ന് എം.എം. ലോറൻസ്
text_fieldsഎം.എം. ലോറൻസ്
കൊച്ചി: മുൻ മുഖ്യമന്ത്രി വി.എസ്. അച്യുതാനന്ദനെതിരെ മുതിർന്ന കമ്യൂണിസ്റ്റ് നേതാവ് എം.എം. ലോറൻസ്. വി.എസ് പുന്നപ്ര-വയലാർ സമരനായകനല്ലെന്ന് അദ്ദേഹം പറഞ്ഞു. വി.എസ് അത്ര നല്ല ആളൊന്നുമല്ലായിരുന്നു. അദ്ദേഹം ഒരുപാട് നുണ പറഞ്ഞിട്ടുണ്ട്. കാലിൽ ബയണറ്റ് കുത്തിയിറക്കിയെന്നൊക്കെ പറഞ്ഞിരുന്നു. ബയണറ്റ് കുത്തിയിറക്കിയാൽ പിന്നെ നടക്കാൻ കഴിയുമോ. എന്നിട്ടും അദ്ദേഹം നടക്കുകയായിരുന്നല്ലോ. പുന്നപ്ര സമരം നടക്കുമ്പോൾ വി.എസ് തയ്യൽതൊഴിലാളിയായിരുന്നു. സമരം നടക്കുന്നുവെന്നറിഞ്ഞ് പിന്നീട് അദ്ദേഹം അങ്ങോട്ട് എത്തുകയായിരുന്നുവെന്നും ലോറൻസ് കൂട്ടിച്ചേർത്തു.
ഫലസ്തീനെതിരായ ഇസ്രായേൽ ആക്രമണത്തിൽ പാർട്ടി നിലപാടാണ് ഉയർത്തിപ്പിടിക്കുന്നതെന്ന് ലോറൻസ് വ്യക്തമാക്കി. എറണാകുളം കുമാരനാശാൻ നഗറിലെ വസതിയിൽ കവി ബാലചന്ദ്രൻ ചുള്ളിക്കാട് സന്ദർശിക്കാനെത്തിയപ്പോൾ മാധ്യമപ്രവർത്തകരോട് സംസാരിക്കുകയായിരുന്നു ലോറൻസ്.
തോട്ടിത്തൊഴിലാളികളുടെ അവകാശ സംരക്ഷണത്തിന് സമരം ചെയ്ത ലോറൻസിനെക്കുറിച്ച് രചിച്ച കവിത ചുള്ളിക്കാട് ചൊല്ലിക്കേൾപ്പിച്ചു. ലോറൻസ് ആവശ്യപ്പെട്ടത് പ്രകാരമാണ് കവിത ചൊല്ലിയത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.