മാപ്പും പറയില്ല, ഒരു കോപ്പും പറയില്ല -എം.എം. മണി

തൊടുപുഴ: കൈയേറ്റക്കാരുടെ മിശിഹ എന്ന സി.പി.​െഎ നൽകിയ സ്ഥാനം സന്തോഷപൂർവം സ്വീകരിക്കുന്നെന്ന്​ മന്ത്രി എം.എം. മണി. താൻ ജനങ്ങൾക്കിടയിൽ പ്രവർത്തിക്കുന്നവനാണ്​. സി.പി.​െഎ ജില്ല സെക്രട്ടറി ശിവരാമൻ പണം വാങ്ങിയെന്ന്​ പറഞ്ഞിട്ടില്ല. അതുകൊണ്ടുതന്നെ മാപ്പും പറയില്ല ഒരു കോപ്പും പറയില്ല-മണി വ്യക്തമാക്കി. ജോയിസ്​ ജോർജ്​ എം.പിയുടെ പട്ടയം റദ്ദാക്കിയത്​ നിയമവിരുദ്ധമെന്ന്​ ഇനിയും പറയും. ജില്ലയിൽ മുന്നണി ബന്ധം വേണോ വേണ്ടയോ എന്ന്​ സി.പി.​െഎ തീരുമാനിക്ക​െട്ട. ഞങ്ങളും അത്തരം നിലപാടെടുത്താൽ എന്താകും സ്ഥിതിയെന്ന്​ ആലോചിക്കണം. ശിവരാമൻ കാര്യങ്ങൾ അറിയാതെ​യാണ്​ സംസാരിക്കുന്നതെന്നും മണി മൂലമറ്റത്ത്​ മാധ്യമ പ്രവർത്തകരോട്​ പറഞ്ഞു. 

മണി മാപ്പുപറഞ്ഞില്ലെങ്കിൽ യോജിച്ചുപോകില്ല -സി.പി.​െഎ
തൊടുപുഴ: ജോയിസ്​ ജോർജി​​​െൻറ പട്ടയം റദ്ദാക്കിയത്​ സി.പി.​െഎ പണം പറ്റിയാണെന്ന മന്ത്രി എം.എം. മണിയുടെ ആരോപണം തെളിയിക്കണം. അല്ലെങ്കിൽ പ്രസ്​താവന പിൻവലിച്ച്​ മാപ്പ്​ പറയണമെന്ന്​ സി.പി.​െഎ ജില്ല സെക്രട്ടറി കെ.കെ. ശിവരാമൻ. രണ്ടിൽ ഒന്നുണ്ടാകുന്നില്ലെങ്കിൽ ജില്ലയിൽ സി.പി.എമ്മുമായി യോജിച്ചു പോകാൻ കഴിയില്ലെന്ന്​ ശിവരാമൻ വാർത്തസമ്മേളനത്തിൽ അറിയിച്ചു. തെറ്റായ വിവരങ്ങളുടെ അടിസ്ഥാനത്തിലാണ്​ ആരോപണം ഉന്നയിച്ചതെങ്കിൽ അത്​ തുറന്നുപറയണം. ആരോപണത്തി​​​െൻറ രാഷ്​ട്രീയ ഉത്തരവാദിത്തം മണിയോ അദ്ദേഹത്തി​​​െൻറ പാർട്ടിയോ ഏറ്റെടുത്തേ മതിയാകൂ. അതുണ്ടാകുന്നില്ലെങ്കിൽ യോജിച്ച്​ മുന്നോട്ടുപോക്കുണ്ടാകില്ലെന്ന്​ ജില്ല സെക്രട്ടറി വ്യക്തമാക്കി. ജോയിസ് ജോര്‍ജി​​​െൻറയും കുടുംബാംഗങ്ങളുടെയും പട്ടയം റദ്ദാക്കിയത്​ സബ്​കലക്​ടറാണ്​. അത് നിയമപരമായ നടപടിയാണ്. അത്​ ചോദ്യം ചെയ്യാൻ നിയമപരമായ സംവിധാനം നാട്ടിലുണ്ട്. സി.പി.ഐയുടെയോ മറ്റ് ഏതെങ്കിലും പാര്‍ട്ടിയുടെയോ നിർദേശം അനുസരിച്ചല്ല സബ്​കലക്​ടർ പ്രവര്‍ത്തിക്കുന്നത്. 

ജോയിസ് ജോര്‍ജ് കൈയേറ്റക്കാരനാണെന്ന് സി.പി.ഐ കരുതുന്നില്ല. അങ്ങനെ ഒരിടത്തും പറഞ്ഞിട്ടുമില്ല. കുറിഞ്ഞി ഉദ്യാനത്തി​​​െൻറ നിര്‍ദിഷ്​ട മേഖലയിലെ കൈയേറ്റക്കാരെ രക്ഷിക്കുന്നതിന് വേണ്ടിയാണ് ജോയിസിനെ മറയാക്കി എം.എം. മണി അങ്കപ്പുറപ്പാട് നടത്തുന്നത്. ജില്ലയില്‍ കൈയേറ്റ നടപടി ആരംഭിക്കുമ്പോഴെല്ലാം അതിനെതിരായ നിലപാടുമായി എം.എം. മണി ഉറഞ്ഞുതുള്ളാറുണ്ട്. കൈയേറ്റക്കാരുടെ മിശിഹയായി എം.എം. മണി മാറിക്കഴി​െഞ്ഞന്ന്​ ശിവരാമൻ ആരോപിച്ചു. സി.പി.ഐ പണം കൈപ്പറ്റിയെന്ന ആരോപണത്തെപ്പറ്റി സി.പി.എം നിലപാട് വ്യക്തമാക്കണം. ജോയി​സ്​ ജോർജിന്​ പോലുമില്ലാത്ത വിഷമമാണ്​ മണിക്ക്​. കൈ​േയറ്റക്കാർക്കെതിരെ നടപടി വരു​േമ്പാൾ അസ്വസ്ഥനാകുകയാണ്​ മണി. പരിശോധനയെ പേടിക്കുന്നത്​ എന്തിനാണെന്ന്​ മനസ്സിലാകുന്നില്ല. തട്ടിക്കൂട്ട്​ പട്ടയമാണെങ്കിൽ ഭയപ്പെടേണ്ടിവരും. പരിശോധന നടക്ക​െട്ടയെന്നാണ്​ നിലപാടെടുക്കേണ്ടത്​. നെറിവുകെട്ട ആരോപണമാണ്​ മണിയുടേതെന്നും ശിവരാമൻ കുറ്റപ്പെടുത്തി. വാര്‍ത്തസമ്മേളനത്തില്‍ അസി. സെക്രട്ടറി സി.എ. ഏലിയാസ്, സംസ്ഥാന കൗണ്‍സിൽ അംഗങ്ങളായ മാത്യു വര്‍ഗീസ്, കെ. സലിംകുമാര്‍, താലൂക്ക് കമ്മിറ്റി സെക്രട്ടറി പി.പി. ജോയി എന്നിവരും പങ്കെടുത്തു.