അണക്കെട്ടുകൾ തുറന്നതിൽ കെ.എസ്​.ഇ.ബിക്ക്​ വീഴ്​ച പറ്റിയിട്ടില്ല -മന്ത്രി മണി

തൊടുപുഴ: അണക്കെട്ടുകൾ തുറന്നതിൽ വൈദ്യുതി വകുപ്പിന് ഒരു വീഴ്ചയും പറ്റിയിട്ടില്ലെന്ന് മന്ത്രി എം.എം. മണി. വീഴ്ചയുണ്ടെന്ന് ചിലർ പറഞ്ഞു പരത്തുന്നത് കാര്യങ്ങൾ നല്ലരീതിയിൽ നടക്കുന്നതിലെ മനഃക്ലേശം കൊണ്ടാണെന്നും അദ്ദേഹം പറഞ്ഞു. ഇടുക്കി പ്രസ്​ക്ലബിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.

ഇത്തവണ അതിരൂക്ഷമായ പ്രകൃതിക്ഷോഭമാണ് ഉണ്ടായത്. അത് അപ്രതീക്ഷിതമായിരുന്നു. വൈദ്യുതി വകുപ്പി​​​െൻറയും ജലഅതോറിറ്റിയു​െടയും അണക്കെട്ടുകളെല്ലാം തുറക്കേണ്ടി വന്നു. അതിന് മുമ്പുതന്നെ അണക്കെട്ടുകൾ തുറക്കാൻ എല്ലാ മുന്നൊരുക്കവും നടന്നിരുന്നു. ഓരോ ഘട്ടത്തിലും ആവശ്യമായ ചർച്ചകൾ നടത്തിയാണ് തീരുമാനങ്ങളെടുത്തത്. ഇടുക്കിയിൽ വളരെ നേര​േത്ത ഒരുക്കം തുടങ്ങി. റവന്യൂ സെക്രട്ടറി പി.എച്ച്. കുര്യന് ചുമതല നൽകി.

പെരിയാറി​​​െൻറ ഇരുകരയിലുള്ളവരെയും മാറ്റിപാർപ്പിച്ചു. കൃത്യമായ സമയങ്ങളിൽ അലർട്ടും നൽകി. 2398 അടിയിൽ തുറക്കാനായിരുന്നു തീരുമാനിച്ചിരുന്നത്. എന്നാൽ, ഇടമലയാർ ആദ്യം തുറന്നുവിടേണ്ട അവസ്ഥ വന്നതിനാൽ പിന്നീടാണ് ഇടുക്കി തുറന്നത്​. ഇതൊക്കെ പ്രതിപക്ഷ നേതാവും അണക്കെട്ടിലെത്തി വിലയിരുത്തിയതാണ്. ഇപ്പോൾ അദ്ദേഹം ആരോപണം ഉന്നയിക്കുന്നതിൽ ദുരൂഹതയുണ്ട്.

ബാണാസുര സാഗർ തുറക്കാനും കലക്ടർക്ക് നിർദേശം നൽകിയിരുന്നു. ബോർഡി​​​െൻറ ഭാഗത്തുനിന്ന് ചെയ്യേണ്ടതെല്ലാം ചെയ്തിട്ടുണ്ട്. ഇക്കാര്യം പരിശോധിക്കുന്നതിൽ വിരോധമില്ല. കലക്ടറുടെ നടപടിയും അന്വേഷിക്കാവുന്നതാണ്. ചർച്ചകളിലൂടെയല്ലാതെ ഒറ്റക്ക്​ ഒരു തീരുമാനവും എടുത്തിട്ടില്ലെന്നും അദ്ദേഹം പറഞ്ഞു.