'എല്ലാവരും പറഞ്ഞാൽ അതിരപ്പിള്ളി ജലവൈദ്യുത പദ്ധതി നടപ്പാക്കും'

ഇരിട്ടി: എല്ലാവരും പറയുകയാണെങ്കിൽ അതിരപ്പിള്ളി ജലവൈദ്യുത പദ്ധതി നടപ്പാക്കുമെന്നു മന്ത്രി എം.എം.മണി. ‘അതിരപ്പിള്ളി വൈദ്യുതി പദ്ധതി നടപ്പാക്കുമെന്ന് കർക്കശമായി ഞാൻ എവിടെയും പറഞ്ഞിട്ടില്ല. അഭിപ്രായ സമന്വയം ഉണ്ടെങ്കിൽ നടപ്പാക്കുമെന്നാണു നിയമസഭയിൽ പറഞ്ഞത്. അപ്പോഴെ തുടങ്ങി, പിടക്കൽ. അറക്കുമ്പോഴല്ലെ പിടക്കൽ ആവശ്യമുള്ളൂ. ഈ സൂക്കേടു നമുക്കേ ഉള്ളൂ.’ മണി പറഞ്ഞു. പേരാവൂർ നിയോജക മണ്ഡലം സമ്പൂർണ വൈദ്യുതീകരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.