ഗവർണർ വിവരം കെട്ടവൻ -എം.എം. മണി

തൃശൂർ: ഗവർണർ ആരിഫ് മുഹമ്മദ് ഖാനെ കടന്നാക്രമിച്ച് എം.എം. മണി എം.എൽ.എ. കെ.കെ. രാഗേഷിനും മുഖ്യമന്ത്രി പിണറായി വിജയനുമെതിരായ ആരോപണങ്ങൾ വിഡ്ഢിത്തമാണെന്നും ഗവർണർ പമ്പര വിഡ്ഢിയായി മാറിയെന്നും മണി പരിഹസിച്ചു.

ഇത്രയും ബുദ്ധിശൂന്യനെ ഗവർണറായി കേന്ദ്രം അടിച്ചേൽപ്പിച്ചത് മര്യാദകേടാണ്. ആർ.എസ്.എസ് നേതാവ് മോഹൻ ഭാഗവതിനെ കാണാൻ പോയതോടെ ഗവർണറാരാണെന്ന് വ്യക്തമായി. ഇരിക്കുന്ന പദവിയോട് ഗവർണർ നീതി പുലർത്തിയില്ല.

വിവരംകെട്ട ഗവർണർ എത്രയും വേഗം രാജിവെച്ച് ഒഴിയുന്നതാണ് കേരളത്തിന് നല്ലത്. ഗവർണറെ പിന്താങ്ങിയിരുന്ന വി.ഡി. സതീശൻ ഇനിയെന്ത് പറയുമെന്ന് അറിയണമെന്നും അദ്ദേഹം പറഞ്ഞു.