എം.എൻ. കാരശ്ശേരിയടക്കമുള്ള സാംസ്​കാരിക പ്രവർത്തകർക്ക്​ നേരെ കൈയേറ്റം

കോഴിക്കോട്​: കൂടരഞ്ഞിക്കടുത്ത്​ കക്കാടംപൊയിലിൽ തടയണകളും അനധികൃത നിർമാണങ്ങളും സന്ദർശിക്കാനെത്തിയ ജനകീയ രാഷ്​ട്രീയ മുന്നണി പ്രവർത്തകർക്കുനേരെ ആക്രമണം. എം.എൻ. കാരശ്ശേരി, സി.ആർ. നീലകണ്​ഠൻ, ഡോ. ആസാദ്​, കുസുമം ജോസഫ്​, കെ.എം. ഷാജഹാൻ തുടങ്ങി നാൽപതോളം പേരെയാണ്​ നാട്ടുകാരും മറ്റും ആക്രമിച്ചതെന്ന്​ കോഴിക്കോട്​ റൂറൽ എസ്​.പിക്ക്​ നൽകിയ പരാതിയിൽ പറയുന്നു. പി.വി. അൻവർ എം.എൽ.എയുടെ ഗുണ്ടകളാണ്​ ആക്രമണത്തിനും ​ൈകയേറ്റതിനും പിന്നിലെന്ന്​ ജനകീയ രാഷ്​ട്രീയ മുന്നണി പ്രവർത്തകർ പറഞ്ഞു. സി.പി.എം ലോക്കൽ സെക്രട്ടറിയായ ജലീലി​​െൻറ നേതൃത്വത്തിൽ നടന്ന കൈയേറ്റത്തിന്​ പിന്നിൽ ലീഗ്​, കോൺഗ്രസ്​ പ്രാദേശിക നേതാക്കളുമുണ്ടായിരുന്നെന്നും അവർ ആരോപിച്ചു. പി.വി. അൻവറിനെ എന്തിനാണ്​ നിങ്ങൾ ലക്ഷ്യമിടുന്നതെന്നാണ്​ ഇവർ ​സാംസ്​കാരിക പ്രവർത്തകരോട്​ ​ചോദിച്ചത്​.

സമുദ്രനിരപ്പില്‍നിന്ന് മൂവായിരത്തോളം അടി ഉയരത്തിലുള്ള കക്കാടംപൊയില്‍ പ്രദേശത്തെ തടയണകളും പാറമടകളും അനധികൃത നിർമാണങ്ങളും കൈയേറ്റങ്ങളും സംബന്ധിച്ച് ഉയര്‍ന്നുവന്ന പരാതികളുടെ നിജസ്ഥിതി അന്വേഷിക്കാനാണ്​ ജനകീയ രാഷ്​ട്രീയ മുന്നണി പ്രവർത്തകർ എത്തിയത്​. എഴുത്തുകാരും കലാകാരന്മാരും പരിസ്ഥിതി ശാസ്ത്രജ്ഞരും സാമൂഹിക-സാംസ്കാരിക പ്രവർത്തകരുമടങ്ങിയ സംഘം ഞായറാഴ്​ച രാവിലെ ഒമ്പതു​ മണിയോടെയാണ്​ കോഴിക്കോട്​ നഗരത്തിൽനിന്ന്​ പ്രത്യേക ബസിൽ കക്കാടം​െപായിലിലേക്ക് പോയത്​​. തേനരുവിയിലെ ക്വാറി സന്ദർശിച്ച സംഘം കക്കാടംപൊയിലിലെ അമ്യുസ്​മ​െൻറ്​ പാർക്ക്​ സന്ദർശിക്കാൻ പോകുന്നതിനിടെയാണ്​ നൂറിലേറെ പേർ തടഞ്ഞതും കൈയേറ്റം ചെയ്​തതുമെന്ന്​ സംഘത്തിലുണ്ടായിരുന്ന കുസുമം ജോസഫ്​ പറഞ്ഞു. മദ്യപിച്ചാണ്​ പലരും എത്തിയതെന്നും കൈപിടിച്ച്​ തിരിച്ചെന്നും അവർ പറഞ്ഞു.

നിലമ്പൂരിലെ മാധ്യമപ്രവർത്തകനായ വിനോദി​​െൻറ ഫോൺ ഈ സംഘം പിടിച്ചുകൊണ്ടുപോയി. പിന്നീട്​ മണിക്കൂറുകൾക്കുശേഷമാണ്​ തിരിച്ചു​െകാടുത്തത്​. തിരുവമ്പാടി ​െപാലീസ്​ സ്​ഥലത്തെത്തിയെങ്കിലും കാര്യമായി ഇടപെട്ടില്ലെന്നും ആരോപണമുണ്ട്​. വൈകീട്ട്​ കോഴിക്കോട് നഗരത്തിൽ തിരിച്ചെത്തിയ സംഘം സിറ്റി ​െപാലീസ്​ കമീഷണറുടെ ഓഫിസിലെത്തി വിവരം ധരിപ്പിച്ചു. റൂറൽ ​െപാലീസ്​ പരിധിയിലായിരുന്നതിനാൽ പിന്നീട്​ വടകര എസ്​.പി ഓഫിസിലേക്ക്​ പരാതി ​ഇ-മെയിൽ ചെയ്​തു. മാനാഞ്ചിറ എസ്​.കെ സ്​ക്വയറിൽ പ്രതിഷേധയോഗവും നടത്തി.

ആൾക്കൂട്ട ആക്രമണംകൊണ്ട്​ ജനകീയപ്ര​ക്ഷോഭങ്ങളെ ഇല്ലാതാക്കാനാകുമെന്ന്​ പി.വി. അൻവറോ അൻവറി​​െൻറ മുന്നണിയോ മറ്റു മുന്നണിക്കാരോ കരുതേ​െണ്ടന്ന്​ എം.എൻ. കാരശ്ശേരി പറഞ്ഞു. സി.ആർ. നീലകണ്​ഠൻ, ഡോ. ആസാദ്​, കുസുമം ജോസഫ്​, കെ.എം. ഷാജഹാൻ തുടങ്ങിയവർ സംസാരിച്ചു. സംഭവത്തെക്കുറിച്ച്​ പി.വി. അൻവറി​​െൻറ പ്രതികരണം തേടിയെങ്കിലും ലഭ്യമായില്ല. പരിസ്ഥിതി മനുഷ്യാവകാശ പ്രവർത്തകരെ കൈയേറ്റം നടത്തിയ ഗുണ്ടകൾക്കെതിരെ ശക്തമായ നിയമ നടപടി സ്വീകരിക്കണമെന്ന് ആർ.എം.പി.ഐ സംസ്ഥാന സെക്രട്ടറി എൻ. വേണു പ്രസ്താവനയിൽ ആവശ്യപ്പെട്ടു.