തെരഞ്ഞെടുപ്പിൽ ഉദ്യോസ്​ഥരെ സഹായിക്കാൻ പോള്‍ മാനേജര്‍ ആപ്​

കോഴിക്കോട്​: തദേശ തെരഞ്ഞെടുപ്പില്‍ വോട്ടെടുപ്പുമായി ബന്ധപ്പെട്ട വിവരങ്ങള്‍ ഉദ്യേഗസ്​ഥർക്ക്​ എളുപ്പത്തില്‍ കൈമാറാന്‍ മൊബൈല്‍ ആപ്ലിക്കേഷനും. നാഷണല്‍ ഇന്‍ഫര്‍മാറ്റിക് സെൻറർ തയാറാക്കിയ പോള്‍ മാനേജര്‍ മൊബൈല്‍ ആപ്ലിക്കേഷനിലൂടെ ഉദ്യോഗസ്​ഥർക്ക്​ ഒാരോ സമയത്തെയും വിവരങ്ങൾ അറിയാനാകും..

ഇലക്ട്രോണിക് വോട്ടിംഗ് യന്ത്രവും പോളിംഗ് സാമഗ്രികളുമായി വോട്ടെടുപ്പി​െൻറ തലേന്ന് ഉദ്യോഗസ്ഥര്‍ വിതരണ കേന്ദ്രത്തില്‍നിന്ന് പുറപ്പെടുന്നതു മുതല്‍ വോട്ടെടുപ്പ് അവസാനിപ്പിച്ച്​ തിരികെ എത്തുന്നതുവരെയുള്ള വിവരങ്ങള്‍ തത്സമയം മേലുദ്യോഗസ്ഥരെ അറിയിക്കുന്നതിനാണ് ആ ആന്‍ഡ്രോയ്ഡ് ആപ്ലിക്കേഷന്‍ ഉപയോഗിക്കുന്നത്.

അടിയന്തര സാഹചര്യത്തില്‍ എസ്.ഒ.എസ് ബട്ടൻ അമര്‍ത്തിയാല്‍ ഉടന്‍ വിവരം പോലീസിനും ലഭിക്കും. പ്രിസൈഡിംഗ് ഓഫീസര്‍, ഫസ്റ്റ് പോളിംഗ് ഓഫീസര്‍, സെക്ടറല്‍ ഓഫീസര്‍ എന്നിവര്‍ക്ക് ഈ ആപ്ലിക്കേഷന്‍ ഉപയോഗിക്കാനാവും.

സെക്ടറല്‍ ഓഫീസര്‍ക്ക് ത​െൻറ ചുമതലയിലുള്ള എല്ലാ ബൂത്തുകളുടെയും വിവരങ്ങള്‍ ആപ്പില്‍ കാണാനാകും. ഓരോ ബൂത്തുകളുമായും ബന്ധപ്പെട്ട ഉദ്യോഗസ്ഥരുടെ വിവരങ്ങളും ഫോണ്‍ നമ്പറുകളും ആപ്ലിക്കേഷനില്‍ ലഭിക്കും.