മൊഫിയ പർവീണിന്‍റെ ആത്മഹത്യ: ഒന്നാംപ്രതി ഭർത്താവിനും ജാമ്യം

കൊ​ച്ചി: ആ​ലു​വ സ്വ​ദേ​ശി​നി മൊ​ഫി​യ പ​ര്‍വീ​ണി​ന്‍റെ ആ​ത്മ​ഹ​ത്യ​കേ​സി​ൽ ഭ​ർ​ത്താ​വി​ന്​ ഹൈ​കോ​ട​തി​യു​ടെ ജാ​മ്യം. ഒ​ന്നാം പ്ര​തി കോ​ത​മം​ഗ​ലം ഇ​ര​മ​ല്ലൂ​ർ മേ​ലേ​ക്കു​ടി​യി​ൽ മു​ഹ​മ്മ​ദ് സു​ഹൈ​ലി​നാ​ണ്​ സിം​ഗി​ൾ ബെ​ഞ്ച്​ ഉ​പാ​ധി​ക​ളോ​ടെ ജാ​മ്യം അ​നു​വ​ദി​ച്ച​ത്. ല​ക്ഷം രൂ​പ​യു​ടെ ബോ​ണ്ടും തു​ല്യ തു​ക​ക്കു​ള്ള ര​ണ്ട് ആ​ൾ​ജാ​മ്യ​വു​മാ​ണ് മു​ഖ്യ വ്യ​വ​സ്ഥ. ര​ണ്ടും മൂ​ന്നും പ്ര​തി​ക​ളാ​യ സു​ഹൈ​ലി​ന്റെ മാ​താ​പി​താ​ക്ക​ൾ റു​ഖി​യ, യൂ​സ​ഫ് എ​ന്നി​വ​ർ​ക്ക് ജ​നു​വ​രി നാ​ലി​ന് കോ​ട​തി ജാ​മ്യം അ​നു​വ​ദി​ച്ചി​രു​ന്നു.

മൊ​ഫി​യ​യെ ന​വം​ബ​ർ 22ന് ​മ​രി​ച്ച​നി​ല​യി​ൽ ക​ണ്ടെ​ത്തി​യ കേ​സി​ൽ 25ന് ​അ​റ​സ്റ്റി​ലാ​യ​ത്​ മു​ത​ൽ സു​ഹൈ​ൽ ജു​ഡീ​ഷ്യ​ൽ ക​സ്റ്റ​ഡി​യി​ലാ​യി​രു​ന്നു. ഭ​ർ​തൃ​വീ​ട്ടി​ലെ പീ​ഡ​ന​ങ്ങ​ളെ​ത്തു​ട​ർ​ന്ന് ആ​ത്മ​ഹ​ത്യ ചെ​യ്ത​താ​ണെ​ന്ന് ക​ണ്ടെ​ത്തി​യ​തോ​ടെ​യാ​ണ്​ അ​റ​സ്റ്റ്. റു​ഖി​യ​ക്കും യൂ​സ​ഫി​നും ജാ​മ്യം അ​നു​വ​ദി​ച്ച​പ്പോ​ൾ സു​ഹൈ​ലി​നെ​തി​രാ​യ ആ​രോ​പ​ണ​ങ്ങ​ൾ ഗൗ​ര​വമാ​ണെ​ന്ന് വി​ല​യി​രു​ത്തി​യാ​ണ്​ ജാ​മ്യം നി​ഷേ​ധി​ച്ച​ത്.

കേ​സി​ൽ കു​റ്റ​പ​ത്രം സ​മ​ർ​പ്പി​ക്കു​ക​യും ഹ​ര​ജി​ക്കാ​ര​ൻ 65 ദി​വ​സ​ത്തി​ലേ​റെ​ ക​സ്റ്റ​ഡി​യി​ൽ ക​ഴി​യു​ന്ന​തും വി​ല​യി​രു​ത്തി​യാ​ണ് ജാ​മ്യം അ​നു​വ​ദി​ച്ച​ത്. പ്ര​തി​ക്കെ​തി​രെ ഗു​രു​ത​ര ആ​രോ​പ​ണ​ങ്ങ​ളാ​ണു​ള്ള​തെ​ന്നും ജാ​മ്യം ന​ൽ​ക​രു​തെ​ന്നു​മു​ള്ള പ്രോ​സി​ക്യൂ​ഷ​ന്‍റെ വാ​ദം കോ​ട​തി ത​ള്ളി.