സ്വര്‍ണക്കവര്‍ച്ചാ കേസിൽ അറസ്റ്റിലായ മുഹമ്മദ് ശിഹാബിന്‌ ബി.ജെ.പി നേതാക്കളുമായി ബന്ധം

കോഴിക്കോട്: കരിപ്പൂർ സ്വർണക്കവർച്ചാ കേസിൽ അറസ്‌റ്റിലായ മഞ്ചേരി പാണ്ടിക്കാട്‌ സ്വദേശി മുഹമ്മദലി ശിഹാബിന് ബി.ജെ.പി നേതാക്കളുമായി അടുത്ത ബന്ധം. മലപ്പുറം പാർലമെന്റ്‌ ഉപതെരഞ്ഞെടുപ്പിൽ സ്ഥാനാർഥിയായ എ.പി അബ്ദുല്ലക്കുട്ടിയുടെ തെരഞ്ഞെടുപ്പ്‌ പ്രചാരണ പരിപാടികളുടെ ചുമതല വ​ഹിച്ചിരുന്നത് ശിഹാബായിരുന്നു. ഇയാൾക്ക്‌ ക്വട്ടേഷൻ, സ്വർണക്കവർച്ച, ഹവാല പണമിടപാട്‌ സംഘങ്ങളുമായും അടുത്ത ബന്ധമാണുള്ളത്.

2014 ഫെ​ബ്രു​വ​രി 10ന് ​ഓ​മ​ശ്ശേ​രി സ്വ​ദേ​ശി മാ​ക്കി​ൽ അ​ബ്​​ദു​ൽ അ​സീ​സി​നെ ത​ട്ടി​ക്കൊ​ണ്ടു​പോ​യി മ​ർ​ദി​ച്ച് കൊ​ല്ലാ​ൻ ശ്ര​മി​ച്ച കേ​സി​ലെ പ്ര​തി​യാ​ണ് ശിഹാബ്. കേ​സി​ൽ ശി​ഹാ​ബി​നെ​യും മ​റ്റു പ്ര​തി​ക​ളെയും പി​ന്നീ​ട് അ​റ​സ്​​റ്റ്​ ചെ​യ്തി​രു​ന്നു. ഒ​രു പ്ര​തി​യെ​യും കാ​റും ഇ​തു​വ​രെ പി​ടി​കൂ​ടാ​നാ​യി​ട്ടി​ല്ല.

കൊ​ട്ടി​യം മൈ​ലാ​പ്പൂ​ർ സ്വ​ദേ​ശി ഷ​ഹാ​ലു​ദ്ദീ​നെ​യും കു​ടും​ബ​ത്തേ​യും ത​ട്ടി​ക്കൊ​ണ്ടു​പോ​യി ഒ​രേ​ക്ക​ർ ഭൂ​മി​യും ആ​റു സെൻറ് പു​ര​യി​ട​വും ത​ട്ടി​യെ​ടു​ത്തെ​ന്ന കേ​സി​ലും കൊ​ടു​വ​ള്ളി പാ​ല​ക്കു​റ്റി റി​യാ​സി​നെ ത​ട്ടി​ക്കൊ​ണ്ടു​പോ​യി വ​ധി​ക്കാ​ൻ ശ്ര​മി​ച്ച കേ​സി​ലും പ്ര​തി​യാ​ണ് ശി​ഹാ​ബ്. കു​ഴ​ൽ​പ​ണ​വും ക​ള്ള​ക്ക​ട​ത്ത് സ്വ​ർ​ണ​വും കൊ​ള്ള​യ​ടി​ക്കു​ന്ന​വ​രി​ൽ​നി​ന്ന് ഇ​വ തി​രി​ച്ചു​പി​ടി​ക്കു​ന്ന​ ക്വ​ട്ടേ​ഷ​ൻ ഏ​റ്റെ​ടു​ക്കു​ന്നതാണ്​ പ്ര​ധാ​ന ജോ​ലി.