മോഹൻലാലിന്‍റെ ആനക്കൊമ്പ് കേസ്: ഏഴ് വർഷമായിട്ടും തീർപ്പാക്കാത്തത് എന്ത് കൊണ്ടെന്ന് ഹൈകോടതി

കൊച്ചി: മോഹൻലാലിന്‍റെ ആനക്കൊമ്പ് കേസില്‍ വിമർശനവുമായി ഹൈകോടതി. കേസില്‍ എന്തുകൊണ്ടാണ് കാലതാമസമെന്ന് കോടത ി ചോദിച്ചു.

വനം വകുപ്പ് രജിസ്റ്റർ ചെയ്ത കേസ് എന്തുകൊണ്ട് തീർപ്പാക്കിയില്ലെന്ന് ചോദിച്ച ഹൈക്കോടതി പെരുമ്പ ാവൂർ മജിസ്ട്രേട്ടിനോട് റിപ്പോർട്ട് സമർപ്പിക്കാനും ആവശ്യപ്പെട്ടു. മൂന്നാഴ്ചക്കകം റിപ്പോർട്ട് കോടതിയില്‍ സമർപ്പിക്കണം. കേസ് ഒരു മാസത്തിന് ശേഷം വീണ്ടും പരിഗണിക്കും.

2012 ജൂണിലാണ് മോഹന്‍ലാലിന്‍റെ തേവരയിലുള്ള വീട്ടില്‍നിന്ന് ആദായ നികുതി വകുപ്പ് നാല് ആനക്കൊമ്പുകള്‍ കണ്ടെത്തിയത്. രഹസ്യ വിവരത്തെ തുടര്‍ന്നായിരുന്നു ആദായനികുതി വകുപ്പിന്‍റെ റെയ്‍ഡ്. ആനക്കൊമ്പുകള്‍ 65,000 രൂപ കൊടുത്ത് വാങ്ങിയെന്നായിരുന്നു മോഹന്‍ലാന്‍റെ വിശദീകരണം. ആനക്കൊമ്പ് സൂക്ഷിക്കാൻ ലൈസൻസ് ഇല്ലാത്ത മോഹന്‍ലാല്‍ മറ്റ് രണ്ട് പേരുടെ ലൈസൻസിലാണ് ആനക്കൊമ്പുകള്‍ സൂക്ഷിച്ചതെന്നും അന്വേഷണസംഘം കണ്ടെത്തിയിരുന്നു.