തിരുവനന്തപുരം മൃഗശാലയില്‍ നിന്ന് ചാടിപ്പോയ ഹനുമാന്‍ കുരങ്ങിനെ പിടികൂടി

തിരുവനന്തപുരം: മൃഗശാലയില്‍ നിന്ന് ചാടിപ്പോയ ഹനുമാന്‍ കുരങ്ങിനെ പിടികൂടി. ജര്‍മ്മന്‍ സാസ്‌കാരിക കേന്ദ്രത്തിലെ ശുചിമുറിയില്‍ നിന്നാണ് പിടികൂടിയത്. ഒരു മാസം മുമ്പാണ് പെൺകുരങ്ങ് മൃശാലയിൽ നിന്ന് ചാടിപ്പോയത്.

ജീവനക്കാർ കൂട് തുറക്കുന്നതിനിടെയാണ് മൂന്ന് വയസുള്ള പെൺ കുരങ്ങ് ചാടിപ്പോയിരുന്നത്. വ്യാപക തിരച്ചിലാണ് പിന്നെ നടത്തിയത്. ഒടുവിൽ കോമ്പൗണ്ടിലെ മരത്തിനു മുകളിൽ തന്നെ കുരങ്ങിനെ കണ്ടെത്തി. പിന്നീട് ദിവസങ്ങളോളം ഉ​യ​ര​മു​ള്ള ആ​ഞ്ഞി​ലി മരത്തിന് മുകളിൽ തന്നെ തുടർന്നിരുന്നു.

പിന്നീട് ഏതാനും ദിവസം മുന്‍പു വരെ പാളയം പബ്ലിക് ലൈബ്രറി പരിസരത്തെ മരത്തിലായിരുന്നു കുരങ്ങിന്‍റെ വാസം. രണ്ടു ദിവസം ശക്തമായ മഴ പെയ്‌തതിനു പിന്നാലെ വീണ്ടും കാണാതാവുകയായിരുന്നു. തുടർന്നുള്ള തിരച്ചിലിലാണ് ജര്‍മ്മന്‍ സാസ്‌കാരിക കേന്ദ്രത്തിലെ ശുചിമുറിയില്‍ നിന്ന് കണ്ടെത്തിയത്.

നേരത്തെ, കുരങ്ങിനെ താ​ഴേ​യി​റ​ക്കാ​ൻ മൃ​ഗ​ശാ​ല അ​ധി​കൃ​ത​ർ പ​ല മാ​ർ​ഗ​ങ്ങ​ളും നോ​ക്കി​യെ​ങ്കി​ലും ഫ​ല​മുണ്ടായിരുന്നില്ല. മ​ര​ത്തി​ന് താ​ഴേ​വെ​ച്ചി​രു​ന്ന പ​ഴവും ശി​ഖ​ര​ങ്ങ​ളു​ടെ ഇ​ട​യി​ൽ​വെ​ച്ച ത​ണ്ണി​മ​ത്ത​ന്‍റെ ക​ഷ​ണ​ങ്ങ​ളുമെല്ലാം കുരങ്ങൻ കൊണ്ടുപോയിരുന്നു.

തിരുപ്പതി ശ്രീ വെങ്കിടേശ്വര സുവോളജിക്കൽ പാർക്കിൽനിന്നാണ് ഹനുമാൻ കുരങ്ങിനെ തിരുവനന്തപുരം മൃഗശാലയിലെത്തിച്ചത്.