വാനരവസൂരി: യുവാവിന്‍റെ മരണം, അതിജാഗ്രതയോടെ ആരോഗ്യവകുപ്പ്; സ​മ്പ​ർ​ക്ക​പ്പ​ട്ടി​ക ത​യാ​റാ​ക്കും

ചാ​വ​ക്കാ​ട്: തൃ​ശൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ മ​രി​ച്ച യു​വാ​വി​ന് വാ​ന​ര വ​സൂ​രിയായരുന്നുവെന്ന് സംശയിക്കപ്പെടുന്ന സാ​ഹ​ച​ര്യ​ത്തി​ൽ ആ​രോ​ഗ്യ വ​കു​പ്പ് അ​തി ജാ​ഗ്ര​ത​യി​ൽ. യു​വാ​വു​മാ​യി അ​ടു​ത്ത ബ​ന്ധം പു​ല​ർ​ത്തി​യ​വ​രു​ടെ സ​മ്പ​ർ​ക്ക​പ്പ​ട്ടി​ക ത​യാ​റാ​ക്കും.

22കാ​ര​നാ​യ യു​വാ​വ് ക​ഴി​ഞ്ഞ 22നാ​ണ് യു.​എ.​ഇ​യി​ൽ​നി​ന്ന് നാ​ട്ടി​ലെ​ത്തി​യ​ത്. ത​ല​വേ​ദ​ന​യെ തു​ട​ർ​ന്ന് ക​ഴി​ഞ്ഞ 27ന് ​ത​ള​ർ​ന്നു​വീ​ഴു​ക​യാ​യി​രു​ന്നു. ഉ​ട​നെ ചാ​വ​ക്കാ​ട്ടെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. അ​വി​ടെ​നി​ന്ന് തൃ​ശൂ​രി​ലെ സ്വ​കാ​ര്യ ആ​ശു​പ​ത്രി​യി​ലേ​ക്ക്​ മാ​റ്റു​ക​യാ​യി​രു​ന്നു. ശ​നി​യാ​ഴ്ച രാ​ത്രി ഒ​മ്പ​തോ​ടെ മൃ​ത​ദേ​ഹം കു​ര​ഞ്ഞി​യൂ​ർ ജു​മു​അ​ത്ത് പ​ള്ളി ഖ​ബ​ർ​സ്ഥാ​നി​ൽ ഖ​ബ​റ​ട​ക്കി.

യു.​എ.​ഇ​യി​ൽ​നി​ന്ന് കോ​ഴി​ക്കോ​ട് എ​യ​ർ​പോ​ർ​ട്ടി​ലാ​ണ് യു​വാ​വ് എ​ത്തി​യ​ത്. അ​വി​ടെ​നി​ന്ന് കൂ​ട്ടി​ക്കൊ​ണ്ടു​വ​രാ​ൻ നാ​ലു യു​വാ​ക്ക​ളാ​ണ് പോ​യ​ത്. വീ​ട്ടി​ൽ മാ​താ​വും സ​ഹോ​ദ​രി​യു​മാ​ണു​ള്ള​ത്. യു​വാ​വു​മാ​യി ഏ​റെ അ​ടു​ത്ത​വ​രും ഒ​പ്പം പ​ന്ത് ക​ളി​ച്ച​വ​രും സ​മ്പ​ർ​ക്ക​പ്പ​ട്ടി​ക​യി​ലു​ണ്ടാ​കും. സ്വ​കാ​ര്യ ആ​ശു​പ​ത്രി​ക​ളി​ലേ​ക്കു​ള്ള യാ​ത്ര​യും റൂ​ട്ട് മാ​പ്പി​ൽ വ​രും. യു​വാ​വു​മാ​യി സ​മ്പ​ർ​ക്ക​മു​ണ്ടാ​യി​രു​ന്ന​വ​രോ​ട് ക്വാ​റ​ന്‍റീ​നി​ൽ പോ​കാ​ൻ നി​ർ​ദേ​ശി​ച്ചു.

തി​ങ്ക​ളാ​ഴ്ച പു​ന്ന​യൂ​ർ പ​ഞ്ചാ​യ​ത്തി​ലെ ആ​റ്, എ​ട്ട് വാ​ർ​ഡു​ക​ളി​ൽ കാ​മ്പ​യി​ൻ സം​ഘ​ടി​പ്പി​ക്കും. മെ​ഡി​ക്ക​ൽ സം​ഘം വീ​ടു​ക​ളി​ൽ ബോ​ധ​വ​ത്ക​ര​ണം ന​ട​ത്തും. യോ​ഗ​ത്തി​ൽ പു​ന്ന​യൂ​ർ പ​ഞ്ചാ​യ​ത്ത് പ്ര​സി​ഡ​ന്‍റ്​ ടി.​വി. സു​രേ​ന്ദ്ര​ൻ, മെ​ഡി​ക്ക​ൽ ഓ​ഫി​സ​ർ സു​ജി​ത്ത്, ഹെ​ൽ​ത്ത് ഇ​ൻ​സ്പെ​ക്ട​ർ ഹ​രി​ദാ​സ് എ​ന്നി​വ​ർ പ​ങ്കെ​ടു​ത്തു.