സദാചാര പൊലീസ്​ ചമഞ്ഞ്​ അക്രമം: എട്ട്​ യുവാക്കൾ റിമാൻഡിൽ

കാസർകോട്​: സദാചാര പൊലീസ്​ ചമഞ്ഞ്​ ദലിത്​ വിഭാഗത്തിൽപെട്ടവരായ യുവാവിനെയും വിദ്യാർഥിനിയെയും വിസ്​താരം നടത്തി ആക്രമിച്ച സംഭവത്തിൽ എട്ടുപേരെ ബേക്കൽ സി.​െഎയുടെ  നേതൃത്വത്തിൽ അറസ്​റ്റ്​ ചെയ്​തു. ഇവരെ ഹോസ്​ദുർഗ്​ ഒന്നാം​ ക്ലാസ്​ കോടതിയിൽ ഹാജരാക്കി റിമാൻഡ്​ ചെയ്​തു. പെരിയ മൊയോലം സ്വദേശികളായ രാധാകൃഷ്​ണൻ (43), ശ്യാംരാജ്​(21), ശിവപ്രസാദ് ​(19), അഖിൽ (29), ശ്രീരാഗ്​(20), സുജിത്​(29), സുമിത്​(24), അജയ്​ ജിഷ്​ണു (19) എന്നിവരാണ്​ റിമാൻഡിലായത്​.

മേയ്​ 31ന്​ പെരിയ മൊയോലത്താണ്​ കേസിന്​ കാരണമായ സംഭവം​. കോളജ്​ വിദ്യാർഥിനിയും കൊളത്തൂരിലെ യുവാവും തമ്മിൽ മൊ​യോലത്ത​ുവെച്ച്​ സംസാരിക്കുന്നതിനിടയിലാണ്​ പ്രതികൾ ചോദ്യം ചെയ്യാനെത്തിയത്​. തങ്ങൾ സുഹൃത്തുക്കളാണ്​ എന്നറിയിച്ചിട്ടും വിടാൻ കൂട്ടാക്കാത്ത പ്രതികൾ പെൺകുട്ടിയുടെ ചിത്രങ്ങൾ തുടർച്ചയായി എടുത്തുകൊണ്ടിരുന്നു. മാനഹാനി ഭയന്ന പെൺകുട്ടി ത​​​െൻറ ബാഗിലുണ്ടായിരുന്ന ബ്ലേഡ്​ കൊണ്ട്​ സംഭവസ്​ഥലത്തു​െവച്ചുതന്നെ കൈഞരമ്പു മുറിച്ചു.

രക്തം വാർന്നൊഴുകി തളർന്ന പെൺകുട്ടിയെ അതുവഴി വന്ന കാറിൽ പെരിയ കമ്യൂണിറ്റി​ ഹെൽത്ത്​ സ​​െൻററിൽ പ്രവേശിപ്പിച്ചു. മുറിവ്​ ആഴത്തിലുള്ളതിനാൽ പെൺകുട്ടിയെ ജില്ല ആശുപത്രിയിലേക്ക്​ മാറ്റാൻ ഡോക്​ടർമാർ നിർദേശിച്ചു. സംഭവമറിഞ്ഞ്​ ആശുപത്രിയി​ലെത്തിയ കാഞ്ഞങ്ങാട്​ ഡിവൈ.എസ്​.പി കെ.വി. ദാമോദരൻ പ്രതികളെക്കുറിച്ച്​ അന്വേഷണം നടത്തി. കൂടെയുണ്ടായ യുവാവിൽ നിന്നുള്ള മൊഴിയുടെ അടിസ്​ഥാനത്തിലാണ്​ അറസ്​റ്റ്​ രേഖപ്പെടുത്തിയത്​.