സദാചാര പൊലീസ്​ ചമഞ്ഞ്  മർദനം:  രണ്ടുപേർ അറസ്​റ്റിൽ

പന്തളം: സദാചാര പൊലീസ്​ ചമഞ്ഞ് യുവാവിനെ മർദിച്ച സംഭവത്തിൽ രണ്ടുപേർ അറസ്​റ്റിൽ. പൂഴിക്കാട് കൃഷ്ണാലയത്തിൽ ഹരികൃഷ്ണൻ (23), പൂഴിക്കാട് വല്യത്ത് വീട്ടിൽ സതീഷ് (25) എന്നിവരാണ് അറസ്​റ്റിലായത്. ഞയറാഴ്​ച വൈകീട്ട് ആറുമണിയോടെയാണ് സംഭവമെന്ന് പൊലീസ്​ പറഞ്ഞു. പൂഴിക്കാട് ക്ഷേത്രത്തിൽ ദർശനം നടത്തി മടങ്ങിയ വിവാഹനിശ്ചയം കഴിഞ്ഞ യുവാവിനെയും യുവതിയെയും ഹരികൃഷ്ണനും സതീഷും അസഭ്യം പറഞ്ഞു. തുടർന്ന് വാക്​തർക്കമുണ്ടാവുകയും ഇരുവരും ചേർന്ന് പൂഴിക്കാട് സ്വദേശിയായ യുവാവിനെ മർദിക്കുകയുമായിരു​െന്നന്ന് പൊലീസ്​ പറയുന്നു. സംഭവസ്ഥലത്തെത്തിയ പൊലീസ്​ പ്രതികളെ അറസ്​റ്റ്​ ചെയ്യുകയായിരുന്നു. പരിക്കേറ്റ യുവാവ് പന്തളത്തെ സ്വകാര്യ ആശുപത്രിയിൽ ചികിത്സയിലാണ്.  പ്രതികളെ അടൂർ കോടതിയിൽ ഹാജരാക്കി.