പൊതുവിദ്യാലയങ്ങളിൽ 1.75 ലക്ഷം കുട്ടികൾ പുതുതായി പ്രവേശനം നേടി
text_fieldsതിരുവനന്തപുരം: പൊതുവിദ്യാലയങ്ങളില് ഒന്നുമുതല് പത്തുവരെ ക്ലാസുകളില് ഈ അധ്യയന വര്ഷം (2020-21) പുതുതായി 1.75 ലക്ഷം കുട്ടികള് പ്രവേശനം നേടി. ഈ വര്ഷത്തെ കുട്ടികളുടെ കണക്കെടുപ്പിനുശേഷമുള്ള പ്രാഥമിക വിലയിരുത്തലാണിതെന്ന് മുഖ്യമന്ത്രി അറിയിച്ചു.
പൊതുവിദ്യാഭ്യാസ സംരക്ഷണയജ്ഞം നടപ്പാക്കാന് തുടങ്ങിയശേഷം നാല് വര്ഷത്തിനുള്ളില് 6.8 ലക്ഷം കുട്ടികളാണ് പൊതുവിദ്യാഭ്യാസ മേഖലയില് പുതുതായി വന്നത്. ഈ വര്ഷം ഒന്നാം ക്ലാസില് മാത്രം 8170 കുട്ടികള് മുന് വര്ഷത്തേക്കാള് കൂടുതലായി പ്രവേശനം നേടി. ഏറ്റവും കൂടുതല് കുട്ടികള് ചേര്ന്നത് അഞ്ചാം ക്ലാസിലാണ് -മുന്വര്ഷത്തേക്കാള് 43,789 കുട്ടികള് അധികം. എട്ടാം ക്ലാസില് അധികമായി വന്നത് 35,606 കുട്ടികളാണ്. സര്ക്കാര്-എയ്ഡഡ് മേഖലയില് 1,75,074 കുട്ടികള് അധികമായി പ്രവേശനം നേടി. ഈ മേഖലയില് 33,75,304 ലക്ഷം കുട്ടികളാണ് ഇപ്പോഴുള്ളത്. മൊത്തം കുട്ടികളുടെ എണ്ണത്തിലും കഴിഞ്ഞ വര്ഷത്തേക്കാള് 47,760 പേരുടെ വര്ധനയുണ്ടായി. അതേസമയം അണ് എയ്ഡഡ് വിദ്യാലയങ്ങളില് മൊത്തം വിദ്യാർഥികളുടെ എണ്ണത്തില് 91,510 പേരുടെ കുറവുണ്ടായി.
കൈറ്റ് തയാറാക്കിയ 'സമ്പൂര്ണ' സ്കൂള് മാനേജ്മെൻറ് പോര്ട്ടല് വഴി ഡിസംബര് 28 വരെ രേഖപ്പെടുത്തിയ കണക്കുകളാണിത്. ഈ വര്ഷത്തെ പ്രവേശന നടപടികള് പൂര്ത്തിയാകുമ്പോള് കുട്ടികളുടെ എണ്ണത്തില് ഇനിയും വര്ധനയുണ്ടാകുമെന്നും മുഖ്യമന്ത്രി അറിയിച്ചു. കഴിഞ്ഞ വർഷം സർക്കാർ, എയ്ഡഡ് സ്കൂളുകളിൽ ഒന്നാം ക്ലാസിൽ ചേർന്നത് 268536 കുട്ടികളായിരുന്നു. ഇത്തവണ 8170 കുട്ടികൾ വർധിച്ച് 276706 ആയി ഉയർന്നു.
പൊതുവിദ്യാഭ്യാസ സംരക്ഷണയജ്ഞത്തിെൻറ ഭാഗമായി സ്കൂളുകളില് മികച്ച അടിസ്ഥാന സൗകര്യം ഏര്പ്പെടുത്തുകയും പഠന നിലവാരം ഉയര്ത്തുകയും ചെയ്തതിെൻറ ഫലമാണ് പുത്തന് ഉണര്വെന്ന് മുഖ്യമന്ത്രി പറഞ്ഞു. അന്താരാഷ്ട്ര നിലവാരത്തിലുള്ള ഡിജിറ്റല് സൗകര്യങ്ങളാണ് ഇപ്പോള് പൊതുവിദ്യാലയങ്ങളിലുള്ളതെന്നും മുഖ്യമന്ത്രി ചൂണ്ടിക്കാട്ടി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.