ശബരിഗിരിയിലും രണ്ടാം പവര്‍ ഹൗസിന്​ നീക്കം; ശേഷി ഇരട്ടിയാകും

തി​രു​വ​ന​ന്ത​പു​രം: ഇ​ടു​ക്കി​ക്ക്‌ പി​ന്നാ​ലെ സം​സ്ഥാ​ന​ത്തെ ര​ണ്ടാ​മ​ത്തെ വ​ലി​യ ജ​ല​വൈ​ദ്യു​തി പ​ദ്ധ​തി​യാ​യ ശ​ബ​രി​ഗി​രി​യി​ലും ര​ണ്ടാം പ​വ​ർ​ഹൗ​സ്​ സ്ഥാ​പി​ക്കു​ന്നു. പ​ദ്ധ​തി​യു​ടെ വി​ശ​ദ പ്രോ​ജ​ക്ട്‌ റി​പ്പോ​ര്‍ട്ട്‌ ത​യാ​റാ​ക്കാ​ന്‍ കേ​ന്ദ്ര പൊ​തു​മേ​ഖ​ല സ്ഥാ​പ​ന​മാ​യ വാ​പ്കോ​സി​ന്‌ (വാ​ട്ട​ര്‍ ആ​ൻ​ഡ്​​ പ​വ​ര്‍ ക​ണ്‍സ​ള്‍ട്ട​ന്‍സി സ​ര്‍വി​സ​സ്‌) എ​ട്ട​ര​ക്കോ​ടി രൂ​പ​ക്ക്​ ക​രാ​ര്‍ ന​ല്‍കി. ശ​ബ​രി​ഗി​രി എ​ക്സ്റ്റെ​ന്‍ഷ​ന്‍ സ്കീം ​യാ​ഥാ​ര്‍ഥ്യ​മാ​കു​ന്ന​തോ​ടെ പ​ദ്ധ​തി​ശേ​ഷി 340 ല്‍നി​ന്ന്‌ 600 മെ​ഗാ​വാ​ട്ടാ​യി ഉ​യ​രു​മെ​ന്നാ​ണ്‌ വി​ല​യി​രു​ത്ത​ൽ. ഇ​ടു​ക്കി എ​ക്സ്‌​റ്റെ​ന്‍ഷ​ന്‍ പ​ദ്ധ​തി​യു​ടെ വി​ശ​ദ പ്രോ​ജ​ക്റ്റ് റി​പ്പോ​ര്‍ട്ട് ത​യാ​റാ​ക്കു​ന്ന​തും വാ​പ്കോ​സാ​ണെ​ന്ന്​ മ​ന്ത്രി കെ. ​കൃ​ഷ്ണ​ൻ​കു​ട്ടി അ​റി​യി​ച്ചു.

പീ​ക്ക്‌​ലോ​ഡ്‌ വൈ​ദ്യു​തി ആ​വ​ശ്യ​ത്തി​നാ​ണ് പ്ര​ധാ​ന​മാ​യും ശ​ബ​രി​ഗി​രി പ​ദ്ധ​തി ഉ​പ​യോ​ഗി​ക്കു​ന്ന​ത്‌. 60 മെ​ഗാ​വാ​ട്ട്‌ വീ​തം ശേ​ഷി​യു​ള്ള ര​ണ്ടും 55 മെ​ഗാ​വാ​ട്ട്‌ വീ​തം ശേ​ഷി​യു​ള്ള നാ​ലും ജ​ന​റേ​റ്റ​റാ​ണ്‌ (340 മെ​ഗാ​വാ​ട്ട്) നി​ല​വി​ലു​ള്ള​ത്‌. 1968 ല്‍ ​ക​മീ​ഷ​ന്‍ ചെ​യ്യു​മ്പോ​ള്‍ 300 മെ​ഗാ​വാ​ട്ടാ​യി​രു​ന്നു ശേ​ഷി. 2004 - 2009 ല്‍ ​ന​ട​ത്തി​യ പു​ന​രു​ദ്ധാ​ര​ണ​ത്തി​ലൂ​ടെ​യാ​ണ്‌ ഇ​ത്‌ 340 മെ​ഗാ​വാ​ട്ടാ​യ​ത്‌.

പ​മ്പ ന​ദി​യി​ലാ​ണ്‌ ശ​ബ​രി​ഗി​രി പ​ദ്ധ​തി​യു​ടെ പ്ര​ധാ​ന റി​സ​ര്‍വോ​യ​ർ. മൂ​ഴി​യാ​റി​ല്‍ സ്ഥി​തി​ചെ​യ്യു​ന്ന പ​വ​ർ​ഹൗ​സി​ലേ​ക്ക്‌ 5.138 കി​ലോ​മീ​റ്റ​ർ ട​ണ​ലി​ലൂ​ടെ വെ​ള്ളം എ​ത്തി​ച്ച്‌ 2.6 കി.​മീ​റ്റ​ർ വീ​തം നീ​ള​മു​ള്ള മൂ​ന്ന്‌ പെ​ന്‍സ്റ്റോ​ക്കു​ക​ളി​ലൂ​ടെ​യാ​ണ് പ​വ​ർ​ഹൗ​സി​ല്‍ വെ​ള്ള​മെ​ത്തി​ക്കു​ന്ന​ത്‌. ശേ​ഷി 1.96 മ​ട​ങ്ങ്​ വ​ര്‍ധി​പ്പി​ച്ച്‌ 666 മെ​ഗാ​വാ​ട്ട്‌ വ​രെ ഉ​യ​ര്‍ത്താ​ൻ സാ​ധ്യ​ത​യു​ണ്ടെ​ന്ന്​ സി​വി​ല്‍ ഇ​ന്‍വെ​സ്റ്റി​ഗേ​ഷ​ന്‍ ചീ​ഫ്‌ എ​ന്‍ജി​നീ​യ​റു​ടെ റി​പ്പോ​ര്‍ട്ടി​ന്‍റെ അ​ടി​സ്ഥാ​ന​ത്തി​ലാ​ണ്‌ വി​പു​ലീ​ക​ര​ണ പ​ദ്ധ​തി ത​യാ​റാ​കു​ന്ന​ത്. വാ​ണി​ജ്യ സാ​ധ്യ​ത റി​പ്പോ​ര്‍ട്ട് ഒ​രു മാ​സ​ത്തി​ന​കം സ​മ​ര്‍പ്പി​ക്കാ​നാ​ണ്​ നി​ർ​ദേ​ശം. പ​രി​സ്ഥി​തി ആ​ഘാ​ത വി​ല​യി​രു​ത്ത​ല്‍ അ​ട​ക്കം ഡി.​പി.​ആ​ര്‍ 18 മാ​സ​ത്തി​ന​കം സ​മ​ര്‍പ്പി​ക്ക​ണ​മെ​ന്നാ​ണ്‌ വാ​പ്കോ​സു​മാ​യു​ള്ള ക​രാ​ര്‍ നി​ര്‍ദേ​ശം.