‘മൂ​വ്​​മെ​ന്‍റ്​ ഓ​ഫ്​ സെ​ക്യു​ല​ർ കോ​ഓ​ഡി​നേ​ഷ​ൻ’; ഇടത്​ അനുഭാവികളുടെ രാഷ്ട്രീയ കൂട്ടായ്മക്ക്​ നീക്കം

കോ​ഴി​ക്കോ​ട്​: ഐ.​എ​ൻ.​എ​ൽ വ​ഹാ​ബ്​ വി​ഭാ​ഗ​വും പി.​ടി.​എ. റ​ഹീ​മി​ന്‍റെ നേ​തൃ​ത്വ​ത്തി​ൽ രൂ​പം​ന​ൽ​കി​യ നാ​ഷ​ന​ൽ സെ​ക്യു​ല​ർ കോ​ൺ​ഫ​റ​ൻ​സും (എ​ൻ.​എ​സ്.​സി) മു​സ്​​ലിം ലീ​ഗി​ൽ​നി​ന്ന് വി​വി​ധ കാ​ര​ണ​ങ്ങ​ളാ​ൽ പു​റ​ത്തു​​പോ​യ​വ​രും ചേ​ർ​ന്ന്​ പു​തി​യ കൂ​ട്ടാ​യ്മ രൂ​പ​പ്പെ​ടു​ത്തു​ന്നു.

‘മൂ​വ്​​മെ​ന്‍റ്​ ഓ​ഫ്​ സെ​ക്യു​ല​ർ കോ​ഓ​ഡി​നേ​ഷ​ൻ’ എ​ന്ന പേ​രി​ൽ തി​ങ്ക​ളാ​ഴ്ച ന​ട​ത്തു​ന്ന ഫ​ല​സ്തീ​ൻ കാ​മ്പ​യി​നാ​ണ്​ കൂ​ട്ടാ​യ്മ​യു​ടെ ആ​ദ്യ​പ​രി​പാ​ടി. തു​ട​ർ​ന്നും സ​ഹ​ക​ര​ണം വി​ക​സി​പ്പി​ച്ച്​ പു​തി​യ സം​ഘ​ട​ന​യാ​യി രം​ഗ​ത്തു​വ​രാ​നാ​ണ്​ ആ​ലോ​ച​ന.

പി.​ടി.​എ. റ​ഹീം എം.​എ​ൽ.​എ​യും മു​സ്​​ലിം ലീ​ഗി​ൽ​നി​ന്ന്​ പു​റ​ത്താ​ക്ക​പ്പെ​ട്ട കെ.​എ​സ്. ഹം​സ​യു​മാ​ണ്​ പു​തി​യ രാ​ഷ്ട്രീ​യ​നീ​ക്ക​ത്തി​ന്​ ചു​ക്കാ​ൻ​പി​ടി​ക്കു​ന്ന​ത്. പി.​ഡി.​പി​യെ​യും കൂ​ട്ടാ​യ്മ​യി​ലേ​ക്ക്​ കൊ​ണ്ടു​വ​രാ​ൻ ശ്ര​മം​ന​ട​ത്തു​ന്നു​ണ്ട്. എ​ന്നാ​ൽ, പി.​ഡി.​പി നേ​തൃ​ത്വം ഇ​തി​ന്​ പ​ച്ച​ക്കൊ​ടി കാ​ട്ടി​യി​ട്ടി​ല്ല.

പി.​ടി.​എ. റ​ഹീ​മി​ന്‍റെ നാ​ഷ​ന​ൽ സെ​ക്യു​ല​ർ കോ​ൺ​ഫ​റ​ൻ​സ്​ ഐ.​എ​ൻ.​എ​ല്ലി​ൽ ല​യി​ച്ചി​രു​ന്നെ​ങ്കി​ലും ഐ.​എ​ൻ.​എ​ല്ലി​ൽ ഉ​ട​ലെ​ടു​ത്ത വി​ഭാ​ഗീ​യ​ത​യും പ്ര​ശ്ന​ങ്ങ​ളും കാ​ര​ണം ല​യ​നം പ്രാ​വ​ർ​ത്തി​ക​മാ​യി​രു​ന്നി​ല്ല. ഇ​തി​നി​ട​യി​ലാ​ണ്​ ഐ.​എ​ൻ.​എ​ൽ പി​ള​ർ​ന്ന​തും വ​ഹാ​ബ്​ വി​ഭാ​ഗ​വും ദേ​വ​ർ​കോ​വി​ൽ വി​ഭാ​ഗ​വും വെ​വ്വേ​റെ പ്ര​വ​ർ​ത്ത​ന​ങ്ങ​ളു​മാ​യി മു​ന്നോ​ട്ടു​​പോ​യ​തും.

ഇ​ട​ത്​ മ​ന്ത്രി​സ​ഭ​യി​ൽ അം​ഗ​മാ​യി​ട്ടും ഐ.​എ​ൻ.​എ​ല്ലി​ലെ ആ​ഭ്യ​ന്ത​ര പ്ര​ശ്ന​ങ്ങ​ൾ കാ​ര​ണം അ​നു​കൂ​ല അ​ന്ത​രീ​ക്ഷം​ രാ​ഷ്ട്രീ​യ​മാ​യി ഉ​പ​യോ​ഗ​പ്പെ​ടു​ത്താ​ൻ പാ​ർ​ട്ടി​ക്കാ​യി​ല്ല. ഇ​രു​വി​ഭാ​ഗ​ങ്ങ​ൾ ത​മ്മി​ലെ പ്ര​ശ്ന​ങ്ങ​ൾ കോ​ട​തി ക​യ​റി​യ അ​വ​സ്ഥ​യി​ലു​മാ​ണ്. ഈ ​സാ​ഹ​ച​ര്യ​ത്തി​ലാ​ണ്​ പു​തി​യ കൂ​ട്ടാ​യ്മ രൂ​പ​പ്പെ​ടു​ത്തു​ന്ന​തി​ൽ ഐ.​എ​ൻ.​എ​ൽ വ​ഹാ​ബ്​ വി​ഭാ​ഗ​ത്തി​ന്‍റെ കൂ​ടി പ​ങ്കാ​ളി​ത്തം.

സ​മ​സ്ത​യി​ലെ ലീ​ഗ്​ വി​രു​ദ്ധ​രു​ടെ പ​രോ​ക്ഷ പി​ന്തു​ണ​യും കാ​ന്ത​പു​രം വി​ഭാ​ഗ​ത്തി​ന്‍റെ കേ​ര​ള മു​സ്​​ലിം ജ​മാ​അ​ത്തി​ന്‍റെ സ​ഹ​ക​ര​ണ​വും ഇ​വ​ർ​ക്കു​ണ്ടെ​ന്ന്​ ചൂ​ണ്ടി​ക്കാ​ണി​ക്ക​പ്പെ​ടു​ന്നു. തി​ങ്ക​ളാ​ഴ്ച കോ​ഴി​ക്കോ​ട്​ ന​ട​ത്തു​ന്ന ഫ​ല​സ്തീ​ൻ പ​രി​പാ​ടി​യി​ൽ സ​മ​സ്ത സെ​ക്ര​ട്ട​റി മു​ക്കം ഉ​മ​ർ ഫൈ​സി​യും കേ​ര​ള മു​സ്​​ലിം ജ​മാ​അ​ത്ത്​ നേ​താ​വ്​ ഖ​ലീ​ലു​ൽ ബു​ഖാ​രി ത​ങ്ങ​ളും മു​ജാ​ഹി​ദ്​ പ്ര​തി​നി​ധി​ക​ളും പ​​ങ്കെ​ടു​ക്കു​ന്നു​ണ്ട്.

ഹ​രി​ത വി​ഷ​യ​ത്തി​ൽ പു​റ​ത്താ​ക്ക​പ്പെ​ട്ട എം.​എ​സ്.​എ​ഫ്​ നേ​താ​വ്​ ല​ത്തീ​ഫ്​ തു​റ​യൂ​രി​ന്‍റെ നേ​തൃ​ത്വ​ത്തി​ലു​ള്ള​വ​രും നി​ല​വി​ൽ കൂ​ട്ടാ​യ്മ​യു​മാ​യി സ​ഹ​ക​രി​ക്കു​ന്നു​ണ്ട്. കൂ​ട്ടാ​യ്മ ഔ​ദ്യോ​ഗി​ക​മാ​യി നി​ല​വി​ൽ വ​രു​ന്ന​തോ​ടെ മു​സ്​​ലിം ലീ​ഗി​ൽ​നി​ന്നു​ള്ള കൂ​ടു​ത​ൽ അ​തൃ​പ്ത​രെ ആ​ക​ർ​ഷി​ക്കാ​നാ​കു​മെ​ന്നാ​ണ്​ ക​ണ​ക്കു​കൂ​ട്ട​ൽ. ഇ​ട​തു മു​ന്ന​ണി​യി​ൽ ന്യൂ​ന​പ​ക്ഷ രാ​ഷ്ട്രീ​യം പ്ര​തി​നി​ധാ​നം ചെ​യ്യു​ന്ന വി​ധം കൂ​ട്ടാ​യ്മ വി​ക​സി​പ്പി​ക്കാ​നാ​ണ്​ അ​ണി​യ​റ നീ​ക്കം.