എസ്.എഫ്.ഐ നേതാവിന്‍റെ കോളജ് പ്രവേശനത്തിൽ അന്വേഷണം ആവശ്യപ്പെട്ട് ഗവർണർക്ക് പരാതി

തിരുവനന്തപുരം: കാ​യം​കു​ളത്ത് എസ്.എഫ്.ഐ നേതാവിന്‍റെ വ്യാജ ഡിഗ്രി വിവാദത്തിൽ അന്വേഷണം ആവശ്യപ്പെട്ട് ഗവർണർക്ക് പരാതി. എം.എസ്.എഫ് സംസ്ഥാന കമ്മിറ്റിയാണ് ഗവർണർ ആരിഫ് മുഹമ്മദ് ഖാന് പരാതി നൽകിയത്. ആരോപണത്തിൽ സമഗ്ര അന്വേഷണം വേണമെന്ന് പരാതിയിൽ ആവശ്യപ്പെടുന്നു.

കേരളത്തിലെ സർവകലാശാലകൾ കേന്ദ്രീകരിച്ച് എസ്.എഫ്.ഐ നേതാക്കൾ വ്യാജ ഡിഗ്രികൾ സമ്പാദിക്കുന്നു. ഇത് സർവകലാശാലകളുടെ വിശ്വാസ്യതയെ ബാധിക്കുന്നു. അതിനാൽ വിഷയത്തിൽ അടിയന്തര ഇടപെടൽ വേണമെന്നും എം.എസ്.എഫ് ആവശ്യപ്പെടുന്നു.

എസ്.എഫ്.ഐ സംസ്ഥാന സെക്രട്ടറി പി.എം ആർഷോ, കായംകുളം എം.എസ്.എം കോളജ് എം.കോം വിദ്യാർഥി നിഖിൽ തോമസ് എന്നിവർക്കെതിരായ ആരോപണങ്ങളാണ് കത്തിൽ ചൂണ്ടിക്കാട്ടുന്നത്. ക്ലാസിൽ പോവാതെ ആർഷോ ഡിഗ്രി നേടിയെന്ന ആരോപണത്തിലും അന്വേഷണം വേണമെന്നും ആവശ്യമുണ്ട്.

എ​സ്.​എ​ഫ്.​ഐ ജി​ല്ല ക​മ്മി​റ്റി അം​ഗ​വും മു​ൻ ഏ​രി​യ സെ​ക്ര​ട്ട​റി​യു​മാ​യ നി​ഖി​ൽ തോ​മ​സ് കാ​യം​കു​ളം എം.​എ​സ്.​എം കോ​ള​ജി​ൽ എം.​കോ​മി​ന് പ്ര​വേ​ശ​നം നേ​ടി​യത്. അ​ന​ധി​കൃ​ത​മാ​യി പ​ഠി​ച്ച കാ​ല​യ​ള​വി​ൽ എ​സ്.​എ​ഫ്.​ഐ നേ​താ​വ് യൂ​നി​യ​ൻ കൗ​ൺ​സി​ല​റും സ​ർ​വ​ക​ലാ​ശാ​ല യൂ​നി​യ​ൻ ഭാ​ര​വാ​ഹി​യു​മാ​യ​താ​ണ് ച​ർ​ച്ച​യാ​കു​ന്ന​ത്.

എം.​എ​സ്.​എം കോ​ള​ജി​ലെ പ​ഠ​ന​കാ​ല​യ​ള​വി​ലെ പ​രീ​ക്ഷ​ക​ളി​ൽ പ​രാ​ജ​യ​പ്പെ​ട്ട​തോ​ടെ ഇ​ത് റ​ദ്ദാ​ക്കി ക​ലിം​ഗ സ​ർ​വ​ക​ലാ​ശാ​ല​യി​ൽ ബി​രു​ദ​ത്തി​ന് ചേ​ർ​ന്ന​താ​യാ​ണ് നി​ഖി​ലി​ന്‍റെ വാ​ദം. ഈ ​പ​റ​യു​ന്ന 2019ൽ ​എം.​എ​സ്.​എ​മ്മി​ലെ യൂ​നി​വേ​ഴ്സി​റ്റി യൂ​നി​യ​ൻ കൗ​ൺ​സി​ല​റും 2020ൽ ​സ​ർ​വ​ക​ലാ​ശാ​ല യൂ​നി​യ​ൻ ജോ​യ​ന്‍റ് സെ​ക്ര​ട്ട​റി​യു​മാ​യി പ്ര​വ​ർ​ത്തി​ച്ച​തി​ന്‍റെ സാ​ധു​ത​യാ​ണ് ഇ​തോ​ടെ ചോ​ദ്യം ചെ​യ്യ​പ്പെ​ടു​ന്ന​ത്.