ഡാം ബലപ്പെടുത്തൽ തമിഴ്​നാടി​െൻറ കള്ളക്കളി തുറന്നുകാട്ടിയ റിപ്പോർട്ട്​ കേരളം അവഗണിച്ചു

തൊ​ടു​പു​ഴ: മു​ല്ല​പ്പെ​രി​യാ​റി​ൽ മ​ര​ങ്ങ​ൾ മു​റി​ച്ച്​ ബേ​ബി ഡാം ​ബ​ല​പ്പെ​ടു​ത്താ​ൻ ത​മി​ഴ്​​നാ​ട്​ മു​റ​വി​ളി കൂ​ട്ടു​േ​മ്പാ​ൾ ബ​ല​പ്പെ​ടു​ത്ത​ലി​െൻറ പൊ​ള്ള​ത്ത​ര​ങ്ങ​ളും അ​ണ​ക്കെ​ട്ടി​െൻറ ബ​ല​ഹീ​ന​ത​ക​ളും തു​റ​ന്നു​കാ​ട്ടി 10​ വ​ർ​ഷം മു​മ്പ്​ സ​മ​ർ​പ്പി​ച്ച റി​പ്പോ​ർ​ട്ട്​ അ​വ​ഗ​ണി​ക്ക​പ്പെ​ട്ട​ത്​ ച​ർ​ച്ച​യാ​കു​ന്നു. സു​പ്രീം​കോ​ട​തി ഉ​ന്ന​താ​ധി​കാ​ര സ​മി​തി​യു​ടെ നി​ർ​ദേ​ശ​പ്ര​കാ​രം അ​ന്ത​ർ​സം​സ്ഥാ​ന ജ​ല ഉ​പ​ദേ​ശ​ക സ​മി​തി അം​ഗ​വും കെ.​എ​സ്.​ഇ.​ബി​യു​ടെ ഡാം ​സു​ര​ക്ഷ വി​ഭാ​ഗം മു​ൻ ചീ​ഫ്​ എ​ൻ​ജി​നീ​യ​റു​മാ​യ എം. ​ശ​ശി​ധ​ര​ൻ ഉ​ൾ​പ്പെ​ടെ​യു​ള്ള​വ​രാ​ണ്​ ശാ​സ്​​ത്രീ​യ പ​ഠ​നം ന​ട​ത്തി​യ​ത്. ഡാം ​നേ​രി​ടു​ന്ന ഭീ​ഷ​ണി​ക​ളും ത​മി​ഴ്​​നാ​ടി​െൻറ വ്യാ​ജ അ​വ​കാ​ശ​വാ​ദ​ങ്ങ​ളും അ​ക്ക​മി​ട്ട്​ നി​ര​ത്തി​യ റി​പ്പോ​ർ​ട്ട്​ 2011 ജൂ​ൺ 13നാ​ണ്​ അ​ന്ന​ത്തെ ജ​ല​വി​ഭ​വ മ​ന്ത്രി പി.​ജെ. ​േജാ​സ​ഫി​ന്​ സ​മ​ർ​പ്പി​ച്ച​ത്.

റി​പ്പോ​ർ​ട്ടി​ലെ ക​ണ്ടെ​ത്ത​ലു​ക​ൾ സു​പ്രീം​കോ​ട​തി​യി​ലെ കേ​സി​ൽ വാ​ദ​മു​ഖ​ങ്ങ​ളാ​യി ഉ​യ​ർ​ത്ത​ാ​നോ യ​ഥാ​സ​മ​യം പു​റ​ത്തു​വി​ട്ട്​ പൊ​തു​ച​ർ​ച്ച​ക്ക്​ വി​ധേ​യ​മാ​ക്ക​ാ​നോ കേ​ര​ളം ത​യാ​റാ​യി​ല്ല. ഇ​ത്​ പി​ന്നീ​ട്​ കാ​ര്യ​ങ്ങ​ൾ സ​ങ്കീ​ർ​ണ​മാ​ക്കി​യെ​ന്ന്​ പ​ഠ​ന​ത്തി​ന്​ നേ​തൃ​ത്വം ന​ൽ​കി​യ​വ​ർ പ​റ​യു​ന്നു. അ​ണ്ട​ർ​വാ​ട്ട​ർ സ്​​കാ​നി​ങ്​ ഉ​ൾ​പ്പെ​ടെ ഉ​പ​യോ​ഗി​ച്ച്​ മു​ല്ല​പ്പെ​രി​യാ​ർ അ​ണ​ക്കെ​ട്ടി​െൻറ ഗാ​ല​റി​യി​ല​ട​ക്കം ഇ​റ​ങ്ങി വി​ശ​ദ പ​ഠ​നം ന​ട​ത്തി​യി​രു​ന്നു. 1200 അ​ടി നീ​ള​മു​ള്ള അ​ണ​ക്കെ​ട്ടി​െൻറ മി​ക്ക ഭാ​ഗ​ങ്ങ​ളി​ലും നേ​രി​യ വി​ള്ള​ൽ ക​ണ്ടെ​ത്തി. 10​ മീ​റ്റ​ർ ഉ​യ​ര​ത്തി​ൽ​ ര​ണ്ട്​ ഭി​ത്തി നി​ർ​മി​ച്ച്​ അ​തി​നു​ള്ളി​ൽ കോ​ൺ​ക്രീ​റ്റ്​ നി​റ​ച്ചാ​ണ്​ '80ക​ളു​ടെ ആ​ദ്യം പ്ര​ധാ​ന ഡാം ​ബ​ല​പ്പെ​ടു​ത്തി​യ​ത്. കേ​ബി​ൾ ആ​ങ്ക​റി​ങ്ങും ന​ട​ത്തി.

എ​ന്നാ​ൽ, സു​ർ​ക്കി മി​ശ്രി​തം ഉ​പ​യോ​ഗി​ച്ച്്​ നി​ർ​മി​ച്ച അ​ണ​ക്കെ​ട്ടി​ന്​ കോ​ൺ​ക്രീ​റ്റ്​ മി​ശ്രി​തം ഉ​പ​േ​യാ​ഗി​ച്ചു​ള്ള ബ​ല​പ്പെ​ടു​ത്ത​ൽ ഗു​ണം ചെ​യ്യി​ല്ലെ​ന്നും നി​ർ​മാ​ണ സാ​മ​ഗ്രി​ക​ൾ ര​ണ്ടും വ്യ​ത്യ​സ്​​ത​മാ​യ​തി​നാ​ൽ ഭൂ​ക​മ്പം പോ​ലു​ള്ള പ്ര​തി​ഭാ​സ​ങ്ങ​ളെ ചെ​റു​ക്കാ​ൻ ക​ഴി​യി​ല്ലെ​ന്നു​മാ​യി​രു​ന്നു പ​ഠ​ന​സം​ഘ​ത്തി​െൻറ ക​ണ്ടെ​ത്ത​ൽ. റി​ക്​​ട​ർ സ്​​കെ​യി​ലി​ൽ നാ​ലോ അ​തി​നു മു​ക​ളി​ലോ രേ​ഖ​പ്പെ​ടു​ത്തു​ന്ന ഭൂ​ക​മ്പ​മു​ണ്ടാ​യാ​ൽ അ​ണ​ക്കെ​ട്ടി​ന്​ ഭീ​ഷ​ണി​യാ​ണ്. പു​തി​യ അ​ണ​ക്കെ​ട്ട്​ മാ​ത്ര​മാ​ണ്​ ശാ​ശ്വ​ത പ​രി​ഹാ​ര​മെ​ന്നും സം​ഘ​ത്തി​ലെ വി​ദ​ഗ്​​ധ​ർ ചൂ​ണ്ടി​ക്കാ​ട്ടി.