മുല്ലപ്പെരിയാർ: അവസാന ഷട്ടറും അടച്ചു

തൊടുപുഴ: മുല്ലപ്പെരിയാർ ഡാമിൽ ജലനിരപ്പ് ഉയർന്നതിനെത്തുടർന്ന് തുറന്ന ഷട്ടറുകളിൽ അവസാനത്തേതും അടച്ചു. 10 സെൻറിമീറ്റർ ഉയർത്തിയിരുന്ന ഷട്ടറാണ് തിങ്കളാഴ്ച ഉച്ചക്ക് 12 മണിയോടെ അടച്ചത്.

നിലവിൽ 141.90 അടിയാണ് ഡാമിലെ ജലനിരപ്പ്. സെക്കൻറിൽ 600 ഘനയടി വെള്ളം തമിഴ്നാട് കൊണ്ടുപോകുന്നുണ്ട്. 169 ഘനയടി വെള്ളം സെക്കൻറിൽ ഡാമിലേക്ക് ഒഴുകിയെത്തുന്നുമുണ്ട്.