മുല്ലപ്പെരിയാർ ജലനിരപ്പ് 141.85 അടിയിലേക്ക് താഴ്ന്നു; തുറന്നിരിക്കുന്നത് ഒരു ഷട്ടർ മാത്രം

കുമളി: മുല്ലപ്പെരിയാർ അണക്കെട്ടിലെ ജലനിരപ്പ് 141.85 അടിയിലേക്ക് താഴ്ന്നു. ഇതേതുടർന്ന് തുറന്ന ഒമ്പത് സ്പിൽവേ ഷട്ടറുകൾ ഇന്നലെ രാത്രിയോടെ തമിഴ്നാട് അടച്ചു. നിലവിൽ V3 ഷട്ടർ 10 സെന്‍റീമീറ്റർ ഉയർത്തിയിട്ടുണ്ട്. സെക്കൻഡിൽ 142.48 ഘനയടി ജലമാണ് ഈ ഷട്ടറിലൂടെ പെരിയാറിലേക്ക് ഒഴുക്കുന്നത്.

ടണൽ വഴി സെക്കൻഡിൽ 1200 ഘനയടി ജലമാണ് വൈഗ ഡാമിലേക്ക് തമിഴ്നാട് കൊണ്ടു പോകുന്നത്. സെക്കൻഡിൽ 2442 ഘനയടിയാണ് സംഭരണിയിലേക്കുള്ള നീരൊഴുക്ക്. വൃഷ്ടിപ്രദേശത്ത് മഴ തുടരുന്നതായാണ് റിപ്പോർട്ട്.

അതേസമയം, മു​ല്ല​പ്പെ​രി​യാ​ർ അ​ണ​ക്കെ​ട്ടി​ൽ​ നി​ന്ന്​ മു​ന്ന​റി​യി​പ്പി​ല്ലാ​തെ കൂ​ടി​യ അ​ള​വി​ൽ ജ​ലം തു​റ​ന്നു​വി​ട്ട തമിഴ്നാട് നടപടിക്കെതിരെ പ്രതിഷേധം ഉയരുകയാണ്. വ്യാഴാഴ്ച പ്ര​തി​ഷേ​ധ​വു​മാ​യി തെ​രു​വി​ലി​റ​ങ്ങി​യ നാ​ട്ടു​കാ​ർ ദേ​ശീ​യ​പാ​ത ഉ​പ​രോ​ധി​ക്കു​ക​യും വ​ണ്ടി​പ്പെ​രി​യാ​ർ പൊ​ലീ​സ് സ്​​റ്റേ​ഷ​നി​ലേ​ക്ക് മാ​ർ​ച്ച് ന​ട​ത്തു​ക​യും ചെ​യ്തു.

വ്യാ​ഴാ​ഴ്ച പു​ല​ർ​ച്ച 2.30നാ​ണ് മു​ല്ല​പ്പെ​രി​യാ​റി​ൽ​ നി​ന്ന്​ 6413 ഘ​ന അ​ടി ജ​ലം മു​ന്ന​റി​യി​പ്പി​ല്ലാ​തെ തു​റ​ന്നു​വി​ട്ട​ത്. സ്പി​ൽ​വേ​യി​ലെ എ​ട്ട്​ ഷ​ട്ട​റു​ക​ൾ തു​റ​ന്നാ​ണ് ജ​ലം ഇ​ടു​ക്കി​യി​ലേ​ക്ക് ഒ​ഴു​ക്കി​യ​ത്. അ​ണ​ക്കെ​ട്ടി​ലു​ണ്ടാ​യി​രു​ന്ന കേ​ര​ള​ത്തിന്‍റെ ജീ​വ​ന​ക്കാ​രും വി​വ​രം മു​ൻ​കൂ​ട്ടി ജി​ല്ല ഭ​ര​ണ​കൂ​ട​ത്തെ അ​റി​യി​ച്ചി​ല്ല.

വ​ള്ള​ക്ക​ട​വ്, ക​റു​പ്പു​പാ​ലം ഭാ​ഗ​ത്തെ നി​ര​വ​ധി വീ​ടു​ക​ളി​ൽ വെ​ള്ളം ക​യ​റി​യ​തോ​ടെ പ​രി​ഭ്രാ​ന്ത​രാ​യ നാ​ട്ടു​കാ​ർ കു​ട്ടി​ക​ളെ​യും കൈ​യി​ൽ കി​ട്ടി​യ സാ​ധ​ന​ങ്ങ​ളു​മാ​യി പ​ല ഭാ​ഗ​ത്തേ​ക്കും പാ​ഞ്ഞു.