പണപ്പിരിവ്​ മാത്രം പാർട്ടി പരിപാടിയാക്കിയ സി.പി.എം ആദർശം പറയണ്ട -മുല്ലപ്പള്ളി

തൃശൂർ: സുതാര്യതയില്ലാത്ത പണപ്പിരിവ്​ മാത്രം പാർട്ടിയുടെ ഏക പരിപാടിയാക്കിയ സി.പി.എം ആദർശം പറയരുതെന്ന്​ കെ.പി. സി.സി പ്രസിഡൻറ്​ മുല്ലപ്പള്ളി രാമചന്ദ്രൻ. കള്ളുഷാപ്പിൽ കത്തിക്കുത്തിൽ മരിച്ച രക്തസാക്ഷിക്ക് സ്​മാരകം നിർമിച ്ച്​ അതി​​​​െൻറ പേരിൽ പണപ്പിരിവ്​ നടത്തി കൊഴുക്കുന്ന സി.പി.എമ്മി​​​​െൻറ രാഷ്​ട്രീയ പ്രവർത്തനം ഇപ്പോൾ അമ്യൂ സ്​മ​​​െൻറ്​ സംസ്​കാരത്തിലാണ്​ എത്തി നിൽക്കുന്നതെന്നും മുല്ലപ്പള്ളി തൃശൂരിൽ വാർത്തസമ്മേളനത്തിൽ പറഞ്ഞു. കെ. പി.സി.സിയുടെ ജനമഹായാത്രയിലെ ഫണ്ട്​ സമാഹരണത്തെപ്പറ്റി സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണ​​​​െൻറ പരാമർശങ്ങൾക്ക്​ മറുപടി പറയുകയായിരുന്നു അദ്ദേഹം.

പാട്ടപ്പിരിവിൽനിന്ന്​ ബക്കറ്റ്​ പിരിവിലേക്ക്​ വളർന്ന സി.പി.എമ്മിന്​ മാ​ത്രമേ മണിക്കൂറിനകം കോടികൾ സമാഹരിക്കാനുള്ള മാന്ത്രികവിദ്യ വശമുള്ളൂ. ഇതി​​​​െൻറ രഹസ്യമൊന്ന്​ സി.പി.എം വെളിപ്പെടുത്തണം. കഴിഞ്ഞ നിയമസഭാ തെരഞ്ഞെടുപ്പ്​ കാലത്ത്​ പിണറായി വിജയൻ കേരളത്തിൽ ഉടനീളം നടത്തിയ യാത്രയിലെ ആശയ സംവാദമത്രയും നവ സമ്പന്നരോടായിരുന്നു. അതിലൊന്നും സി.പി.എം പറയുന്ന അധ്വാനിക്കുന്ന ജനവിഭാഗത്തെയും കർഷകരെയും കണ്ടില്ല. അത്​ സി.പി.എമ്മി​​​​െൻറ നിയമസഭാ സ്ഥാനാർഥികളിലും പ്രതിഫലിച്ചു. പാർട്ടിക്കുവേണ്ടി കാലങ്ങളായി കൊടി പിടിച്ച്​ നടന്നവരെ തഴഞ്ഞ്​ ഇത്തരക്കാർക്ക്​ സീറ്റ്​ കൊടുത്തതും ജയിപ്പിച്ചതും എന്തി​​​​െൻറ പേരിലായിരുന്നു?

കോടി​യേരിയുടെയും പിണറായിയുടെയും ഇപ്പോഴത്തെ സുഹൃത്തുക്കൾ സമ്പന്നരാണ്​. പ്രഭാത ഭക്ഷണം പോലും സഹസ്ര കോടീശ്വരന്മാർക്കൊപ്പമാണ്​. കോൺഗ്രസുകാർക്ക്​ ആ രീതിയില്ല. കള്ളക്കടത്തുകാര​​​​െൻറ കൂപ്പറിലല്ല ഞങ്ങളുടെ യാത്ര. മഹാരാജാസ്​ കോളജിൽ കാമ്പസ്​ രാഷ്​ട്രീയത്തിന്​ ഇരയായി മരിച്ച അഭിമന്യുവി​​​​െൻറ പേരിൽ മൂന്ന്​ കോടി രൂപ നാട്ടിൽനിന്ന്​ പിരിച്ചെടുത്തു. വീടുണ്ടാക്കാനും സഹോദരിയുടെ വിവാഹം നടത്താനുംകൂടി ചെലവാക്കിയ 35 ലക്ഷം. ബാക്കി എന്ത്​ ചെയ്​തുവെന്നും മുല്ലപ്പള്ളി ചോദിച്ചു.

പാർട്ടി ഫണ്ട്​ എന്ന പതിവ്​ പല്ലവി ആവർത്തിക്കണ്ട. ബ്രിട്ടീഷ്​ ഇൗസ്​റ്റ്​ ഇന്ത്യാ കമ്പനിയെക്കാൾ അധ:പതിച്ച കച്ചവട സംഘവും കറക്ക്​ കമ്പനിയുമായി സി.പി.എം മാറി. ഫാക്​ടറികളും അമ്യസ്​മ​​​െൻറ്​ പാർക്കുമൊക്കെയാണ്​ ഇപ്പോൾ പാർട്ടിക്ക്​ പത്ഥ്യം. പൈതൃക സമ്പത്തായ കോവളം കൊട്ടാരം കോടീശ്വരന്മാർക്ക്​ ചുളുവിലക്ക്​ വിറ്റു. ഹാരിസൺ കേസ്​ തോറ്റുകൊടുത്തു. ഇതെല്ലാം ചെയ്​തശേഷം പുരപ്പുറത്ത്​ കയറി ആദർശം പറയുന്നത്​ അവസാനിപ്പിക്കണമെന്ന്​ മുല്ലപ്പള്ളി ആവശ്യപ്പെട്ടു.

ശബരിമല വിഷയം അയോധ്യ പോലെ കൈകാര്യം ചെയ്യുമെന്ന ഉത്തർപ്രദേശ്​ മുഖ്യമന്ത്രി യോഗി ആദിത്യനാഥി​​​​െൻറ പത്തനംതിട്ടയിലെ പ്രസംഗം ആപത്​സൂചനയാണ്​. സംസ്ഥാനത്ത്​ കോൺഗ്രസി​​​​െൻറ സ്ഥാനാർഥി നിർണയം എത്രയും വേഗം പൂർത്തിയാക്കും. ഇൗമാസം 20-25നകം പൂർത്തിയാക്കണമെന്ന്​ ഹൈകമാൻഡ്​ ആവശ്യപ്പെട്ടിട്ടുണ്ട്​. ഘടകകക്ഷികളുമായുള്ള സീറ്റ്​ വിഭജന ചർച്ച 18ന്​ തുടങ്ങും. കൂടുതൽ സീറ്റ്​ ആവശ്യപ്പെടാൻ ഘടകകക്ഷികൾക്ക്​ അവകാശമുണ്ട്​. ചാലക്കുടിയിൽ മത്സരിക്കാൻ ആഗ്രഹമുണ്ടെന്ന കെ.പി. ധനപാല​​​​െൻറ പ്രസ്​താവന ദൗർഭാഗ്യകരമാണ്​. ആഭ്യന്തര ജനാധിപത്യമുള്ള പാർട്ടിയാണ്​ കോൺഗ്രസ്​. ആവശ്യങ്ങളും അഭ​ിപ്രായങ്ങളും അവിടെയാണ്​ പറയേണ്ടത്​. പരസ്യ പ്രസ്​താവന ശരിയായ നടപടിയ​െല്ലന്നും മുല്ലപ്പള്ളി പറഞ്ഞു.