കനത്ത മഴ: കേരളത്തിലേക്കുള്ള ട്രെയിനുകൾ വൈകുന്നു

മുംബൈ: നഗരത്തിലും കൊങ്കൺ മേഖലയിലും കനത്ത മഴയെ തുടർന്ന്​ മുംബൈയിൽനിന്ന്​ മംഗലാപുരത്തേക്കും കേരളത്തിലേക്കുമുള്ള ട്രെയിനുകൾ പുറപ്പെട്ടില്ല. രാവിലെ 11.40ന്​ ലോക്​മാന്യ തിലകിൽനിന്ന്​ പുറപ്പെടുന്ന നേത്രാവതി എക്​സ്​പ്രസ്​ മാത്രമാണ്​ നിശ്ചിത സമയത്ത്​ പുറപ്പെട്ടത്​.

ചൊവ്വാഴ്​ച ഉച്ചക്ക്​ 3.20ന്​ മംഗലാപുരം ജങ്​​ഷനിലേക്ക്​ പുറപ്പെടേണ്ട മത്സ്യഗന്ധ എക്​സ്​പ്രസും വൈകീട്ട്​ 4.55ന്​ കൊച്ചുവേളിയിലേക്കു പുറപ്പെടേണ്ട എൽ.ടി.ടി- കൊച്ചുവേളി എക്​സ്​പ്രസും വൈകീട്ട്​ ഏഴരയായിട്ടും പുറപ്പെട്ടിട്ടില്ല.

ആസൻഗാവിൽ നാഗ്​പുർ-മുംബൈ തുരന്തോ എക്​സ്​പ്രസ്​ പാളംതെറ്റിയതിനെ തുടർന്ന്​ നാസികിൽനിന്ന്​ വഴിതിരിച്ചുവിട്ട ഡൽഹി-നിസാമുദ്ദീൻ-എറണാകുളം മംഗള എക്​സ്​പ്രസ്​ (തിങ്കളാഴ്​ച ഡൽഹിയിൽനിന്ന്​ പുറപ്പെട്ടത്​) 13 മണിക്കൂർ വൈകി ചൊവ്വാഴ്​ച രാത്രി 10.25ന്​ പൻവേലിൽ എത്തുമെന്നാണ്​ പ്രതീക്ഷ. 

മൂന്ന് ട്രെയിനുകൾ റദ്ദാക്കി
തി​രു​വ​ന​ന്ത​പു​രം: ഉ​ത്ത​രേ​ന്ത്യ​ൻ സം​സ്​​ഥാ​ന​ങ്ങ​ളി​ൽ ക​ന​ത്ത​മ​ഴ തു​ട​രു​ന്ന സാ​ഹ​ച​ര്യ​ത്തി​ൽ മൂ​ന്ന്​ ട്രെ​യി​നു​ക​ൾ റ​ദ്ദാ​ക്കി​യ​താ​യി റെ​യി​ൽ​വേ അ​റി​യി​ച്ചു. ബു​ധ​നാ​ഴ്​​ച പു​റ​പ്പെ​ടേ​ണ്ട ഗു​വാ​ഹ​തി-​തി​രു​വ​ന​ന്ത​പു​രം എ​ക്​​സ്​​പ്ര​സ്​ (12516), വ്യാ​ഴാ​ഴ്​​ച പു​റ​പ്പെ​ടേ​ണ്ട ക​ന്യാ​കു​മാ​രി-​ദി​ബ്രു​ഗ​ർ എ​ക്​​സ്​​പ്ര​സ്​ (15905), സെ​പ്​​റ്റം​ബ​ർ മൂ​ന്നി​നു​ള്ള തി​രു​വ​ന​ന്ത​പു​രം-​ഗു​വാ​ഹ​തി എ​ക്​​സ്​​പ്ര​സ്​ (12515) എ​ന്നി​വ​യാ​ണ്​ റ​ദ്ദാ​ക്കി​യ​ത്.