ഹൈദരലി ശിഹാബ് തങ്ങളുടെ ആരോഗ്യനില തൃപ്തികരമാണെന്ന് മുനവ്വറലി ശിഹാബ് തങ്ങൾ

മലപ്പുറം: മുസ്​ലിം ലീഗ്​ സംസ്​ഥാന അധ്യക്ഷൻ ഹൈദരലി ശിഹാബ് തങ്ങളുടെ ആരോഗ്യനില തൃപ്തികരമാണെന്ന് സഹോദരപുത്രനും മുസ്‌ലിം യൂത്ത് ലീഗ് സംസ്ഥാന അധ്യക്ഷനുമായ മുനവ്വറലി ശിഹാബ് തങ്ങൾ. അസുഖത്തെ തുടർന്ന് എറണാകുളത്തെ ആശുപത്രിയിൽ ചികിത്സയിലാണ് ഹൈദരലി തങ്ങൾ​. ആരോഗ്യസ്ഥിതിയിൽ ആശങ്കാജനകമായ സാഹചര്യങ്ങൾ ഇപ്പോൾ ഇല്ലെന്ന് ഡോക്ടർമാർ അറിയിച്ചതായി മുനവ്വറലി ശിഹാബ് തങ്ങൾ വ്യക്തമാക്കി.

മുനവ്വറലി ശിഹാബ് തങ്ങളുടെ കുറിപ്പ് വായിക്കാം:

പ്രിയപ്പെട്ട സയ്യിദ് ഹൈദരലി ശിഹാബ് തങ്ങൾ (എളാപ്പ) ആരോഗ്യ പ്രശ്നങ്ങളാലുള്ള തുടർചികിത്സാർത്ഥം എറണാകുളത്തെ സ്വകാര്യ ആശുപത്രിയിലാണുള്ളത്.

അദ്ദേഹത്തിൻ്റെ ആരോഗ്യസ്ഥിതിയിൽ ആശങ്കാജനകമായ സാഹചര്യങ്ങൾ ഇപ്പോൾ ഇല്ലെന്ന് ഡോക്ടർമാർ അറിയിച്ചിട്ടുണ്ട്.

അൽഹംദുലില്ലാഹ്.