കോൺഗ്രസ്​ താഴെത്തട്ടിലിറങ്ങി പ്രവർത്തിക്കണമെന്ന്​ മുനീർ

കോഴിക്കോട്​: 2015മായി താരതമ്യം ചെയ്യു​േമ്പാൾ 2020ൽ യു.ഡി.എഫ്​ നില മെച്ചപ്പെടുത്തിയിട്ടുണ്ടെന്ന്​ പ്രതിപക്ഷ ഉപനേതാവ്​ എം.കെ മുനീർ​. കഴിഞ്ഞ തവണത്തേക്കാൾ ഗ്രാമപഞ്ചായത്തുകളിലും നഗരസഭകളിലും യു.ഡി.എഫ്​ നേട്ടമുണ്ടാക്കി. സർക്കാർ വിരുദ്ധ ശക്​തികൾ ചിതറി പോയിട്ടുണ്ട്​. സർക്കാർ വിരുദ്ധ വോട്ടുകൾ പരിശോധിച്ചാൽ ഇത്​ മനസിലാകുമെന്നും മുനീർ പറഞ്ഞു.

ഐക്യജനാധിപത്യ മുന്നണിയെന്ന നിലയിൽ കൂടുതൽ സൂക്ഷ്​മതയോടെ പ്രവർത്തിക്കണം. പോരായ്​മകൾ വിലയിരുത്തണം. അപകടകരമായ അവസ്ഥ നിലവിലില്ല. കോൺഗ്രസ്​ താഴെത്തട്ടിലിറങ്ങി പ്രവർത്തക്കണം. ജോസ്​.കെ മാണി മുന്നണി വിട്ടത്​ ക്ഷീണമായോയെന്ന്​ പരിശോധിക്കണമെന്നും അദ്ദേഹം ആവശ്യപ്പെട്ടു.

നേരത്തെ തെരഞ്ഞെടുപ്പ്​ തോൽവിയിൽ കോൺഗ്രസിനെ പരോക്ഷമായി വിമർശിച്ച്​ പി.കെ കുഞ്ഞാലിക്കുട്ടി എം.പിയും രംഗത്തെത്തിയിരുന്നു. ലീഗിൻെറ കോട്ടകൾ ഭദ്രമാണെന്നായിരുന്നു കുഞ്ഞാലിക്കുട്ടിയുടെ പരാമർശം.