വടകര വിട്ട്​ തലസ്ഥാനത്ത്​ മുരളീധര​െൻറ പ്രചാരണം

തിരുവനന്തപുരം: വടകരയിലെ സ്ഥാനാർഥി നിർണയവുമായി ബന്ധ​െപ്പട്ട്​ പാർട്ടിനേതൃത്വവുമായി ഇടഞ്ഞ്​ മണ്ഡലത്തിലെ പ്രചാരണപരിപാടികളിൽനിന്ന്​ വിട്ടുനിൽക്കു​െമന്ന്​ പ്രഖ്യാപിച്ചതിന്​ പിന്നാ​െല കെ. മുരളീധരൻ എം.പി തലസ്ഥാനത്ത്​ യു.ഡി.എഫ്​ സ്ഥാനാർഥികളുടെ പ്രചാരണത്തിൽ സജീവമായി. എം.എൽ.എ ആയിരുന്നപ്പോൾ പ്രതിനിധീകരിച്ചിരുന്ന വട്ടിയൂർക്കാവ്​ മണ്ഡലത്തി​െല വിവിധ കേന്ദ്രങ്ങളിൽ വ്യാഴാഴ്​ച അദ്ദേഹം പ്രചാരണം നടത്തി. വരുംദിവസങ്ങളിലും വട്ടിയൂർക്കാവിൽ വിവിധ യോഗങ്ങളിൽ അദ്ദേഹം പ​െങ്കടുക്കുന്നുണ്ട്​. അതേസമയം, വടകരയിൽ മുരളി പ്രചാരണത്തിനിറങ്ങുമെന്ന്​ കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രൻ അറിയിച്ചു​.

വ്യാഴാഴ്​ച പ്രചാരണത്തിനിടെ മാധ്യമങ്ങളെ കണ്ട മുരളീധരൻ കോൺഗ്രസി​െല പ്രാ​േദശിക തർക്കങ്ങൾ തദ്ദേശഭരണ തെര​ഞ്ഞെടുപ്പിന്​ശേഷം ചർച്ചചെയ്യാമെന്ന്​ വ്യക്തമാക്കി. ​പ്രവർത്തകരുടെ ആത്മവീര്യം ചോർന്ന്​പോയിട്ടില്ല. നേതാക്കളും അതിനോട്​ സഹകരിക്കണം. എന്തായാലും താൻ പ്രവർത്തകരുടെ വികാര​േത്താടൊപ്പമാണ്​. പാട്ടിയിൽ ചില പ്രശ്​നങ്ങളുണ്ട്​. പ​േക്ഷ, അത്​ ചർച്ചചെയ്യേണ്ട സമയം ഇത​െല്ലന്നും അദ്ദേഹം പറഞ്ഞു.

കിഫ്ബി വരുന്നതിന്​ മുമ്പും കേരളത്തിൽ വികസനം ഉണ്ടായിട്ടുണ്ട്. വികസനത്തിൽ കിഫ്ബി ഒരു ഘടകം അല്ല. കു​േറ കടം തിരിച്ചുകൊടുക്കേണ്ട അവസ്ഥയാണ്. കിഫ്ബി ഒട്ടും സുതാര്യമല്ല. കേന്ദ്ര അന്വേഷണ ഏജൻസികളെ കത്തയച്ച്​ കേരളം ക്ഷണിച്ചുവരുത്തിയതാണെന്നും അ​േദ്ദഹം കൂട്ടിച്ചേർത്തു.