കോൺഗ്രസിനെ ഐ.സി.യുവിലേക്ക് തിരികെ അയക്കാനുള്ള ശ്രമങ്ങളിൽ അതീവ ദുഃഖമുണ്ടെന്ന് കെ. മുരളീധരൻ

തിരുവനന്തപുരം: കോൺഗ്രസിനെ ഐ.സി.യുവിലേക്ക് തിരികെ അയക്കാനുള്ള ശ്രമങ്ങളിൽ അതീവ ദുഃഖമുണ്ടെന്ന് കെ.മുരളീധരൻ എം.പി. കഴിഞ്ഞ നിയമസഭ, തദ്ദേശസ്ഥാപനങ്ങളിലെ തെരഞ്ഞെടുപ്പുകളിലെ പരാജയത്തിൽ ഐ.സി.യുവിൽ ആയ പ്രസ്ഥാനത്തെ പൂർണ്ണ ആരോഗ്യത്തോടെ തൃക്കാക്കരയിൽ നമ്മൾ തിരികെ കൊണ്ടുവന്നിരുന്നുവെന്നും മുരളീധരൻ പറഞ്ഞു.

ഐക്യത്തോടെയുള്ള കൂട്ടായ പ്രവർത്തനത്തിന്റെ വലിയ വിജയമായിരുന്നു അത്.എന്നാൽ സ്ഥാനമാനങ്ങൾ വീതംവെച്ച് അതിനെ ഐ.സി.യുവിലേക്ക് തിരികെ അയക്കാനുള്ള ശ്രമങ്ങൾ ചില ഭാഗത്തുനിന്നും കാണുന്നതിൽ അതിയായ ദുഃഖമുണ്ടെന്ന് മുരളീധരൻ ഫേസ്ബുക്കിൽ കുറിച്ചു.

കോൺഗ്രസിൽ സംഘടന തെരഞ്ഞെടുപ്പ് വേണമെന്ന ആവശ്യം കെ.മുരളീധരൻ നേരത്തെ ഉയർത്തിയിരുന്നു. ഇതിന് പിന്നാലെയാണ് ഇക്കാര്യത്തിൽ വിമർശനവുമായി മുരളീധരൻ രംഗത്തെത്തുന്നത്.