കൊല്ലത്ത് യുവാവ് ഭാര്യാപിതാവിനെ കുത്തിക്കൊന്നു

കൊല്ലം: അഞ്ചലിൽ ഭാര്യാ പിതാവിനെ യുവാവ് കുത്തിക്കൊന്നു. കൃത്യത്തിന് ശേഷം രക്ഷപെടാൻ ശ്രമിച്ച മരുമകനെ അഞ്ചൽ പൊലീസ് പിടികൂടി. കുടുംബവഴക്കാണ് കൊലപാതകത്തിൽ കലാശിച്ചതെന്ന് പൊലീസ് പറഞ്ഞു.

ഇടമുളക്കൽ സ്വദേശി സാംസണാണ് കൊല്ലപ്പെട്ടത്. സാംസണും മകളുടെ ഭർത്താവായ സജീറും തമ്മിൽ നിരന്തരം വഴക്ക് ഉണ്ടാകാറുണ്ടെന്ന് നാട്ടുകാർ പറയുന്നു. കഴിഞ്ഞ രാത്രിയുണ്ടായ വഴക്കാണ് കത്തിക്കുത്തിൽ കലാശിച്ചത്.