യു.ഡി.എഫ്​ പ്രവർത്തനം കൂടുതൽ ഉഷാറാകണം -കുഞ്ഞാലിക്കുട്ടി

തിരുവനന്തപുരം: യു.ഡി.എഫ്​ പ്രവർത്തനത്തിൽ ലീഗിന്​ അസംതൃപ്​തിയി​െല്ലന്ന്​ മുസ്​ലിം ലീഗ്​ നേതാവ്​ പി.കെ. കുഞ്ഞാലിക്ക​ുട്ടി എം.പി.  എന്നാൽ, കൂടുതൽ ഉഷാറാകണം എന്നാണ്​ അഭി​പ്രായം. മുന്നണി പ്രവർത്തനം വ്യവസ്ഥാപിതമാക്കാൻ തീരുമാനമ​ുണ്ട്​. യു.ഡി.എഫിൽനിന്നും ചിലർ കൊഴിഞ്ഞുപോകുമെന്ന പ്രചാരണം തള്ളിയ അദ്ദേഹം ഇന്ന്​ കാണാത്തയാളെയും നാളെ യു.ഡി.എഫിൽ കാണുമെന്നും വാർത്തസമ്മേളനത്തിൽ പറഞ്ഞു.

എം. വിൻസ​​െൻറ്​ എം.എൽ.എക്ക്​ ന്യായമായ അവസരം കിട്ടിയില്ലെന്ന്​ കുഞ്ഞാലിക്കുട്ടി പറഞ്ഞു. വിഷയം നിയമപരമായതിനാൽ കൂടുതൽ പ്രതികരിക്കുന്നില്ല. കേന്ദ്ര-സംസ്ഥാന സർക്കാറുകളുടെ തെറ്റായ നടപടികൾക്കെതിരെ യു.ഡി.എഫി​​​െൻറ നേതൃത്വത്തിൽ സമരം ആരംഭിക്കും. കേന്ദ്ര സർക്കാറിൽ അഴിമതി ഉണ്ടോ ഇല്ലയോ എന്നറിയാൻ പോകുന്നതേയുള്ളൂവെന്ന്​ കേരളത്തിലെ സംഭവം വ്യക്തമാക്കുന്നു. കേരളത്തിൽ ചെറിയ അവസരം വന്നപ്പോൾ ബി.ജെ.പി അഴിമതിയുടെ വിശ്വരൂപം പുറത്തു വന്നു.

സംസ്ഥാനത്ത്​ ബി.ജെ.പി ബദലല്ല എന്ന്​ വ്യക്​തമായി. യുഡി.എഫ്​തന്നെയാണ്​ കേരളത്തിനും ബി.ജെ.പിക്കും നല്ലത്​ എന്ന വിലയിരുത്തൽ വന്നുകഴിഞ്ഞു. പ്രതിപക്ഷ പാർട്ടികളുമായി ​കോൺഗ്രസ്​ അധ്യക്ഷ സോണിയ ഗാന്ധി നടത്തുന്ന യോഗങ്ങൾ ഫലപ്രദമാ​െണന്ന്​ അദ്ദേഹം പറഞ്ഞു. അവിടെ ചർച്ച ചെയ്യുന്ന കാര്യങ്ങളാണ്​ പാർല​െമൻറിൽ ഉന്നയിക്കുന്നത്​. ബി.ജെ.പിക്ക്​ തിരിച്ചടി ഉണ്ടാകുംവിധം കർഷക പ്രക്ഷോഭം ശക്തി​െപ്പട്ടുവരുകയാണ്​. നോട്ട്​ നിരോധത്തി​​​െൻറ പ്രതിഫലനം പല സംസ്ഥാനങ്ങളിലും വന്നുതുടങ്ങി. ജനങ്ങളെ മതവും ജാതിയും പറഞ്ഞ്​ തരംതിരിക്കാനുള്ള ബി.ജെ.പിയുടെ ആത്മവിശ്വാസം പല സംസ്ഥാനങ്ങളിലും നഷ്​ടപ്പെട്ടു.

ഭാവിയിൽ ബി.ജെ.പിക്ക്​ തിരിച്ചടി വരും. മഅ്​ദനിക്ക്​ മാനുഷിക പരിഗണന നൽകണം എന്നാണ്​ ലീഗി​​​െൻറ അഭിപ്രായം. ഇത്രയും നാൾ ജയിലിൽ കിടന്ന ഒരാൾക്ക്​ നിയമം അനുശാസിക്കുന്ന അവസരം നൽകണം. വേങ്ങര ഉപതെരഞ്ഞെടുപ്പിന്​ ലീഗ്​ സന്നദ്ധമാണ്​. വിജ്ഞാപനം വന്നശേഷമാണ്​ സ്ഥാനാർഥിയെ തീരുമാനിക്കുക. മലപ്പുറത്തി​​​െൻറ ആവർത്തനമായിരിക്കും വേങ്ങര ഉപതെരഞ്ഞെടുപ്പിൽ ആവർത്തിക്കുകയെന്നും അദ്ദേഹം പറഞ്ഞു.