അണികളെ ലീഗ്​ നേതാക്കൾ നിയന്ത്രിച്ചില്ലെങ്കിൽ കനത്ത വില നൽകേണ്ടിവരും –സി.പി.എം ജില്ലാ കമ്മിറ്റി

മലപ്പുറം: മന്ത്രി കെ. ടി. ജലീലിനെതിരായ പ്രതിഷേധത്തിൽ നിന്ന‌് അണികളെ നിലക്കുനിർത്താൻ മുസ്​ലിം ലീഗ‌് നേതൃത്വം തയ്യാറാകണമെന്ന‌് സി.പി.എം മലപ്പുറം ജില്ലാകമ്മിറ്റി. വിവാഹമടക്കം സ്വകാര്യപരിപാടിയിൽ മന്ത്രിയെ തടയാനുള്ള നീക്കം അനുവദിക്കാനാവില്ല. അണികളെ കയറൂരിവിട്ട‌് കലാപത്തിനും അതിക്രമത്തിനുമാണ‌് ലീഗ‌് ശ്രമിക്കു​ന്നത്​. അതിരുവിടുന്ന അണികളെ ലീഗ‌് നേതാക്കൾ നിയന്ത്രിക്കണം. ഇല്ലെങ്കിൽ കനത്ത വില നൽകേണ്ടിവരുമെന്ന്​ ജില്ലാ സെക്രട്ടറി ഇ. എൻ. മോഹൻദാസ‌് പറഞ്ഞു.

ജനാധിപത്യ രീതിയിലുള്ള പ്രതിഷേധമല്ല മുസ്​ലിം യൂത്ത്​ ലീഗുകാർ നടത്തുന്നത‌്. ഞായറാഴ‌്ച കല്ല്യാണത്തിന‌് പോകുമ്പോഴായിരുന്നു കുഴപ്പത്തിനുള്ള നീക്കം. സ്വകാര്യസന്ദർശനങ്ങൾക്ക‌് പോകവേ മന്ത്രിയെയൊ ജനപ്രതിനിധിയേയോ എന്ത‌് പ്രതിഷേധമുണ്ടായാലും തടയാറില്ല.

യുഡിഎഫ‌് ഭരണത്തിൽ നാണം കെട്ട കേസുകളിൽപ്പെട്ട‌് ജനരോഷം നേരിടേണ്ടിവന്ന അനുഭവം മന്ത്രിമാരായിരുന്ന ലീഗ‌് നേതാക്കൾക്കുണ്ടായിട്ടുണ്ട്​. എന്നാൽ അന്നവരെ സ്വകാര്യ പരിപാടികളിൽ വിലക്കിയിട്ടില്ലെന്നത‌് മറക്കരുതെന്നും അവർ വ്യക്​തമാക്കി.