റോഡ്​ സുരക്ഷ: നിയമ പാലനം ഉറപ്പാക്കണം –ഹൈകോടതി

കൊച്ചി: റോഡ്​ സുരക്ഷയുമായി ബന്ധപ്പെട്ട നിയമങ്ങൾ പാലിക്കുന്നുണ്ടെന്ന്​ ഗതാഗത കമീഷണർ ഉറപ്പുവരുത്തണമെന്ന്​ ഹൈകോടതി. വാഹനങ്ങളുടെ രൂപ മാറ്റത്തിനും വിഭാഗവും ഉപയോഗവും മാറ്റാൻ നൽകുന്ന അപേക്ഷകളിൽ കൃത്യമായ പരിശോധനകൾ നട ത്തി വേണം തീരുമാനമെടുക്കാനെന്നും ജസ്​റ്റിസ്​ അനിൽ നരേന്ദ്ര​​െൻറ ഉത്തരവിൽ പറയുന്നു.

യാത്രാബസായി ഓടിയിരു ന്ന ബസ്​ സ്​കൂൾ കുട്ടികളുടെ യാത്രക്ക്​ ഉപയോഗപ്പെടുത്താനായി രൂപമാറ്റവും വിഭാഗ മാറ്റവും വരുത്താൻ നൽകിയ അപേക് ഷ രജിസ്​റ്ററിങ്​​ അതോറിറ്റി അനുവദിക്കാതിരുന്നതിനെതിരെ ഒറ്റപ്പാലം അടക്കപുത്തൂർ ശബരി പി.ടി.ബി സ്​മാരക എച്ച്​.എസ്​.എസ്​ പ്രിൻസിപ്പൽ നൽകിയ ഹരജി തീർപ്പാക്കിയാണ്​ ഉത്തരവ്​.

2018 മാർച്ചിൽ ബസി​​​െൻറ ഫിറ്റ്​നസ്​ സർട്ടിഫിക്കറ്റ്​ കാലാവധി കഴിഞ്ഞ സാഹചര്യത്തിൽ മോ​ട്ടോർ വാഹന ആക്​ടി​െലയും കേരള മോ​ട്ടോർ വെഹിക്കിൾ റൂൾസി​െലയും വ്യവസ്ഥകൾ പാലിച്ചിട്ടുണ്ടെങ്കിലേ മറ്റൊരു ഉപയോഗത്തിന്​ നൽകാനുള്ള അപേക്ഷ അനുവദിക്കാനാവൂവെന്ന്​ കോടതി വ്യക്​തമാക്കി.

പൊതുയാത്രക്ക്​ ഉപയോഗിച്ചുവന്ന ഫിറ്റ്​നസ്​​ കാലാവധി കഴിഞ്ഞ വാഹനങ്ങൾ സ്​കൂൾ ബസുകളാക്കുന്നത്​ നിയന്ത്രിക്കാനുള്ള നിയമം കുട്ടികളുടെ സുരക്ഷക്ക്​ പ്രാധാന്യം നൽകി കൊണ്ടുവന്നതാണ്​. കുട്ടികളുടെ സുരക്ഷ പ്രധാനമായതിനാൽ ഹരജിക്കാരുടെ അപേക്ഷ നിയമപരമായി തീർപ്പാക്കാൻ ​രജിസ്​റ്ററിങ്​​ അതോറിറ്റിക്ക്​ കോടതി നിർദേശം നൽകി. നിയമാനുസൃതമായല്ലാതെ ലൈറ്റുകൾ സ്​ഥാപിച്ച്​ ഓടുന്ന വാഹനങ്ങൾ നിരത്തിൽ അനുവദിക്കരുതെന്ന്​ കോടതി ഉത്തരവിൽ പറയുന്നു.

വിവിധ സേനകളിലെ മുതിർന്ന ഉദ്യോഗസ്​ഥർക്ക്​ മാത്രമാണ്​ ഔദ്യോഗിക കൊടിയും സ്​റ്റാറും കാറിൽ സ്ഥാപിക്കാൻ അനുമതിയുള്ളത്​. 2007ലെ സ്​റ്റേറ്റ്​ എംബ്ലം ഒാഫ്​ ഇന്ത്യ (റെഗുലേഷൻ ഓഫ്​ യൂസ്​) നിയമപ്രകാരം രണ്ടാം ഷെഡ്യൂളി​െല പാർട്ട്​ ഒന്ന്​, രണ്ട്​ വിഭാഗങ്ങളിൽ വരുന്ന ഭരണഘടനാ സ്​ഥാനങ്ങളിലുള്ളവർക്ക്​ മാത്രമേ വാഹനത്തിൽ അശോകച​ക്രവും ​പതാകയും ഉപയോഗിക്കാൻ അനുമതിയുള്ളൂ.

ഇക്കാര്യത്തിലും നിയമപരമായ നടപടികൾ ഉറപ്പാക്കണമെന്ന്​​ വ്യക്​തമാക്കിയ കോടതി ഏപ്രിൽ നാലിനകം ഇതുമായി ബന്ധ​പ്പെട്ട്​ സ്വീകരിച്ച നടപടികളുടെ റിപ്പോർട്ട്​ സമർപ്പിക്കാൻ ഗതാഗത കമീഷണർക്ക്​ നിർദേശം നൽകി.