മൂ​വാ​റ്റു​പു​ഴ വാഹനാപകടം: ചികിത്സ‍യിലായിരുന്ന അമർനാഥും മരിച്ചു

മൂ​വാ​റ്റു​പു​ഴ: എം.​സി റോ​ഡി​ലെ മൂ​വാ​റ്റു​പു​ഴ തൃ​ക്ക​ള​ത്തൂ​രി​ൽ ലോ​റി​യും കാ​റും കൂ​ട്ടി​യി​ടി​ച്ചുണ്ടായ അപകടത്തിൽ ഒരാൾ കൂടി മരിച്ചു. തൊടുപുഴ പുറപ്പുഴ സ്വദേശി മുക്കിലകാട്ടിൽ രാജേന്ദ്രന്‍റെ മകൻ അമർനാഥ് ആർ. പിള്ള (20) ആണ് മരിച്ചത്. അപകടത്തിൽ ഗു​രു​ത​ര പ​രി​ക്കു​ക​ളേറ്റ അമർനാഥ്, കോ​ല​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ചികിത്സ‍യിലായിരുന്നു.

തിങ്കളാഴ്ചയുണ്ടായ അപകടത്തിൽ മരിച്ച ആദിത്യന്‍ ആ​ർ. പി​ള്ളയുടെ സഹോദരനാണ് അമർനാഥ്. അമർനാഥിന്‍റെ അമ്മ സ​ജി​നി​യു​ടെ​ സ​ഹോ​ദ​രി ര​ജ​നി​യു​ടെയും പുറപ്പുഴ സ്വദേശി കുന്നേൽ ബാബുവിന്‍റെയും മക്കളായ വിഷ്ണു (24), സഹോദരൻ അരുൺ ബാബു (22) എന്നിവരും അപകടത്തിൽ മരിച്ചിരുന്നു.

തി​ങ്ക​ളാ​ഴ്ച പു​ല​ർ​ച്ച 3.30ഓ​ടെ തൃ​ക്ക​ള​ത്തൂ​ർ കാ​വും​പ​ടി​ക്ക് സ​മീ​പ​ത്തെ ത​ടി​മി​ല്ലി​നു മു​ന്നി​ലാ​യി​രു​ന്നു അ​പ​ക​ടം. മ​ണ്ണു​മാ​ന്തി യ​ന്ത്രം ക​യ​റ്റി തൃ​ശൂ​രി​ലേ​ക്ക് പോ​കു​ക​യാ​യി​രു​ന്ന ലോ​റി​യും മൈ​സൂ​രു​വി​ൽ​ നി​ന്ന്​ പു​റ​പ്പു​ഴ​ക്കു മ​ട​ങ്ങു​ക​യാ​യി​രു​ന്ന യു​വാ​ക്ക​ൾ സ​ഞ്ച​രി​ച്ച കാ​റു​മാ​ണ്​ കൂ​ട്ടി​യി​ടി​ച്ച​ത്. ഇ​ടി​യു​ടെ ആ​ഘാ​ത​ത്തി​ൽ കാ​റിന്‍റെ മു​ൻ​ഭാ​ഗം പൂ​ർ​ണ​മാ​യി ത​ക​ർ​ന്നു.

വ​ൻ ശ​ബ്​​ദം കേ​ട്ട് ഓ​ടി​യെ​ത്തി​യ നാ​ട്ടു​കാ​ർ കാ​റി​നു​ള്ളി​ൽ കു​ടു​ങ്ങി​യ​വ​രെ പു​റ​ത്തെ​ടു​ത്ത് സ​മീ​പ​ത്തെ സ്വ​കാ​ര്യ ആ​ശു​പ​ത്രി​യി​ലും തു​ട​ർ​ന്ന് കോ​ല​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലും എ​ത്തി​ച്ചെ​ങ്കി​ലും മൂ​ന്നു​പേ​രെ​യും ര​ക്ഷി​ക്കാ​നാ​യി​ല്ല. കാ​ർ വെ​ട്ടി​പ്പൊ​ളി​ച്ച് ഇ​വ​രെ പു​റ​ത്തെ​ടു​ക്കു​മ്പോ​ൾ ത​ന്നെ ര​ണ്ടു​പേ​ർ മ​രി​ച്ചി​രു​ന്നു. ബം​ഗ​ളൂ​രു​വി​ൽ​ നി​ന്ന്​​ ഇ​വ​ർ തി​രി​ച്ചു​പോ​ന്ന റി​ട്സ് ഉ​ൾ​പ്പെ​ടെ ര​ണ്ട് കാ​ർ എ​ടു​ത്ത​ശേ​ഷം മ​ട​ങ്ങു​ക​യാ​യി​രു​ന്നു യു​വാ​ക്ക​ൾ. ഇ​വ​രു​ടെ കാ​റി​നു പി​ന്നി​ൽ ബം​ഗ​ളൂ​രു​വി​ൽ ​നി​ന്ന്​ വാ​ങ്ങി​യ ഇ​ന്നോ​വ കാ​റി​ൽ അ​മ്മാ​വ​ൻ ഉ​ണ്ണി​കൃ​ഷ്ണ​നും കു​ടും​ബ​വും ഉ​ണ്ടാ​യി​രു​ന്നു.

ഉ​റ​ക്കം വ​ന്ന​തി​നെ തു​ട​ർ​ന്ന് പെ​രു​മ്പാ​വൂ​രി​ൽ​വെ​ച്ച് ചാ​യ കു​ടി​ച്ച് വി​ശ്ര​മി​ച്ച ​ശേ​ഷ​മാ​ണ് വീ​ണ്ടും യാ​ത്ര തു​ട​ർ​ന്ന​ത്. അ​മി​ത​വേ​ഗ​ത്തി​ലാ​യി​രു​ന്ന കാ​ർ നി​യ​ന്ത്ര​ണം വി​ട്ട് ലോ​റി​യി​ൽ ഇ​ടി​ക്കു​ക​യാ​യി​രു​ന്നു. കു​റ​ഞ്ഞ വി​ല​യ്​​ക്ക് കാ​ർ കി​ട്ടാ​നു​​ണ്ടെ​ന്ന​റി​ഞ്ഞ് മൂ​ന്നു ദി​വ​സം മു​മ്പാ​ണ് ഇ​വ​ർ ബം​ഗ​ളൂ​രു​വി​ലേ​ക്ക് പോ​യ​ത്. വാ​ഹ​നം വാ​ങ്ങി​യ ശേ​ഷം മൈ​സൂ​രു അ​ട​ക്ക​മു​ള്ള വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ സ​ന്ദ​ർ​ശ​നം ന​ട​ത്തി മ​ട​ങ്ങു​ന്ന​തി​നി​ടെ​യാ​ണ് അ​പ​ക​ടം.