വീണ്ടും പിണറായി? സൂചനയുമായി എം.വി. ഗോവിന്ദൻ: ‘പാർട്ടിയുടെയും സർക്കാറിന്‍റെയും ശക്തി പിണറായി; യു.ഡി.എഫിൽ മുഖ്യമന്ത്രിമാർ അഞ്ചാറുപേർ, ഞങ്ങളിൽ അത്തരം പ്രശ്നങ്ങളില്ല’

തിരുവനന്തപുരം: പി​ണ​റാ​യിയുടെ ക​രു​ത്തു​റ്റ നേ​തൃ​ത്വമാണ് പാ​ർ​ട്ടി​യു​ടെ​യും സ​ർ​ക്കാ​റി​ന്‍റെ​യും ശ​ക്​​തി​യെന്നും ഒ​രു കാ​ര്യം പ​റ​ഞ്ഞാ​ൽ അ​ത്​ ന​ട​പ്പാ​ക്കു​മെ​ന്ന​തി​ന്‍റെ പ​ര്യാ​യ​മാ​ണ്​ പി​ണ​റാ​യിയെന്നും സി.പി.എം സംസ്ഥാന സെക്രട്ടറി എം.വി. ഗോവിന്ദൻ. ഭരണത്തുടർച്ച ലഭിച്ചാൽ പിണറായി വിജയൻ തന്നെ മൂന്നാമതും നയിക്കുമെന്നും അദ്ദേഹം ‘മാധ്യമ’ത്തിന് അനുവദിച്ച അഭിമുഖത്തിൽ സൂചന നൽകി.

‘പി​ണ​റാ​യി വി​ജ​യ​ന്‍റെ ക​രു​ത്തു​റ്റ നേ​തൃ​ത്വ​മാ​ണ്​ പാ​ർ​ട്ടി​യു​ടെ​യും സ​ർ​ക്കാ​റി​ന്‍റെ​യും ശ​ക്​​തി. ഒ​രു കാ​ര്യം പ​റ​ഞ്ഞാ​ൽ, അ​ത്​ ന​ട​പ്പാ​ക്കു​മെ​ന്ന​തി​ന്‍റെ പ​ര്യാ​യ​മാ​ണ്​ പി​ണ​റാ​യി. പി​ണ​റാ​യി സ​ർ​ക്കാ​ർ വ​ന്നി​ല്ലെ​ങ്കി​ൽ ദേ​ശീ​യ പാ​ത​യു​ണ്ടോ, ഗെ​യി​ൽ ഉ​ണ്ടോ., കൂ​ടം​കു​ളം വൈ​ദ്യു​തി വ​രു​മാ​യി​രു​ന്നോ..? അ​ത്​ ജ​ന​ങ്ങ​ൾ​ക്ക്​ ന​ല്ല ധാ​ര​ണ​യു​ണ്ട്. അ​തു​കൊ​ണ്ടു​ത​​ന്നെ ഭ​ര​ണ​ത്തു​ട​ർ​ച്ച ഉ​റ​പ്പാ​ണ്. യു.​ഡി.​എ​ഫി​ൽ മു​ഖ്യ​മ​ന്ത്രി​മാ​ർ അ​ഞ്ചാ​റു​പേ​രാ​ണ്. ഏ​റ്റ​വും അ​വ​സാ​നം കു​ഞ്ഞാ​ലി​ക്കു​ട്ടി​യും വ​ന്നി​രി​ക്കു​ന്നു. ഞ​ങ്ങ​ളി​ൽ അ​ത്ത​രം പ്ര​ശ്ന​ങ്ങ​ളൊ​ന്നു​മി​ല്ല’ -ഗോവിന്ദൻ പറഞ്ഞു.

ര​ണ്ടാം പി​ണ​റാ​യി സ​ർ​ക്കാ​റിന്റെ പ്ര​വ​ർ​ത്ത​നം വ​ള​രെ മി​ക​ച്ച​താ​ണെന്നും അദ്ദേഹം അഭിപ്രായപ്പെട്ടു. ‘ഇ​ട​തു​സ​ർ​ക്കാ​റി​ന്‍റെ വ്യ​വ​സാ​യ രം​ഗ​ത്തെ പു​രോ​ഗ​തി ആ​ഘോ​ഷി​ക്ക​ണ​മെ​ന്ന്​ പ​റ​ഞ്ഞ​ത്​ കോ​ൺ​ഗ്ര​സ്​ നേ​താ​വ്​ ശ​ശി ത​രൂ​രാ​ണ്. നി​ക്ഷേ​പ​ക സം​ഗ​മ​ത്തി​ൽ വ​ന്ന​ത്​ ഒ​ന്ന​ര ല​ക്ഷം കോ​ടി​യു​ടെ നി​ക്ഷേ​പ​മാ​ണ്. സി.​പി.​എ​മ്മി​ന്​ കേ​ര​ള​​ത്തെ പു​തു​ക്കി​പ്പ​ണി​യാ​നാ​കി​ല്ലെ​ന്നാ​ണ്​ എ​തി​രാ​ളി​ക​ൾ പ​റ​ഞ്ഞ​ത്. ഒ​ന്നാം പി​ണ​റാ​യി സ​ർ​ക്കാ​ർ ത​ന്നെ അ​തു തി​രു​ത്തി. 45,000 കോ​ടി​യു​ടെ കി​ഫ്​​ബി പ​ദ്ധ​തി​ക​ൾ വ​ഴി അ​ത്യാ​ധു​നി​ക റോ​ഡു​ക​ളും പാ​ല​ങ്ങ​ളും ആ​ശു​പ​ത്രി​ക​ളും ന​ട​പ്പാ​ക്കി​യ ഒ​ന്നാം പി​ണ​റാ​യി സ​ർ​ക്കാ​ർ പാ​ശ്ചാ​ത്യ രാ​ജ്യ​ങ്ങ​ളി​ലേ​തു​പോ​ലു​ള്ള അ​ടി​സ്ഥാ​ന സൗ​ക​ര്യ​ങ്ങ​ളാ​ണ്​ ഒ​രു​ക്കി​യ​ത്. വി​ജ്ഞാ​ന സ​മ്പ​ദ്​​വ്യ​വ​സ്ഥ​യാ​യി കേ​ര​ള​ത്തെ വ​ള​ർ​ത്താ​നാ​ണ്​ ര​ണ്ടാം പി​ണ​റാ​യി സ​ർ​ക്കാ​ർ ശ്ര​മി​ക്കു​ന്ന​ത്. 15,000 സ്റ്റാ​ർ​ട്ട​പ്പു​ക​ൾ, 1,55,000 മൂ​ല​ധ​ന നി​ക്ഷേ​പം, അ​ത​നു​സ​രി​ച്ച്​ വ്യ​വ​സാ​യി​ക ഇ​ട​നാ​ഴി​ക​ൾ എ​ന്നി​ങ്ങ​നെ തൊ​ഴി​ലി​ല്ലാ​യ്മ പ​രി​ഹ​രി​ക്കാ​ൻ ക​ഴി​യു​ന്ന വ​ലി​യ കാ​ര്യ​ങ്ങ​ളാ​ണ്​ ര​ണ്ടാം പി​ണ​റാ​യി സ​ർ​ക്കാ​ർ ചെ​യ്തു​പോ​രു​ന്ന​ത്. പി​ണ​റാ​യി സ​ർ​ക്കാ​റി​ന്‍റെ മൂ​ന്നാം ഭ​ര​ണ​ത്തു​ട​ർ​ച്ച ഉ​റ​പ്പാ​ണ്’ -എം.വി. ഗോവിന്ദൻ പറഞ്ഞു.

ഇന്ത്യയിലിപ്പോൾ ഫാഷിസം ഇല്ലെന്നും എന്നാൽ ആ​ർ.​എ​സ്.​എ​സി​ന്​ ഫാ​ഷി​സ്​​റ്റ്​ നി​ല​പാ​ടു​ണ്ടെന്നും അദ്ദേഹം പറഞ്ഞു. ഫാ​ഷി​സം വ​രു​ന്ന​തി​നു​മു​മ്പ്​ വ​ന്നു​വെ​ന്ന്​ പ​റ​യേ​ണ്ട കാ​ര്യ​മി​ല്ല. അ​ങ്ങ​നെ പ​റ​ഞ്ഞാ​ൽ നി​ല​പാ​ടു​ക​ൾ എ​ല്ലാം തെ​റ്റും. ഞ​ങ്ങ​ൾ​ക്ക്​ കൃ​ത്യ​മാ​യ നി​ല​പാ​ടു​ണ്ട്. അ​ത്​ പ​റ​ഞ്ഞു​കൊ​ണ്ടി​രി​ക്കും. ഇ​ന്ത്യ​യി​ലി​പ്പോ​ൾ ഫാ​ഷി​സം ആ​ണെ​ന്ന്​ പ​റ​ഞ്ഞാ​ൽ ആ​രെ​ങ്കി​ലും വി​ശ്വ​സി​ക്കു​മോ..? ഫാ​ഷി​സം നി​ല​വി​ലു​ണ്ടെ​ങ്കി​ൽ ന​മു​ക്ക്​ ഇ​ങ്ങ​നെ​യൊ​രു അ​ഭി​മു​ഖം പോ​ലും ന​ട​ത്താ​ൻ സാ​ധി​ക്കു​മോ​​? പൊ​ലീ​സും കോ​ട​തി​യു​മ​ട​ക്കം ഭ​ര​ണ​കൂ​ട സം​വി​ധാ​ന​ങ്ങ​ളെ​യാ​കെ കൈ​പ്പി​ടി​യി​ലൊ​തു​ക്കി, ഒ​രു പ്ര​തി​പ​ക്ഷ​ത്തെ​യും അം​ഗീ​ക​രി​ക്കാ​തെ ന​ട​ക്കു​ന്ന ക്ലാ​സി​ക്ക​ൽ ഫാ​ഷി​സ​ത്തി​നാ​ണ്​ ര​ണ്ടാം​ലോ​ക യു​ദ്ധ​കാ​ല​ത്ത്​ ലോ​കം സാ​ക്ഷ്യം വ​ഹി​ച്ച​ത്. അ​ങ്ങ​നെ​യൊ​രു ഫാ​ഷി​സം ഇ​പ്പോ​ൾ ഇ​ന്ത്യ​യി​ലു​ണ്ടോ..? ഇ​ല്ല. ഇ​ന്ന്​ പ​ഴ​യ ക്ലാ​സി​ക്ക​ൽ ഫാ​ഷി​സം ലോ​ക​ത്ത്​ എ​വി​ടെ​യു​മി​ല്ല. ഉ​ള്ള​ത്​ പു​ത്ത​ൻ ഫാ​ഷി​സ്റ്റ്​ സ​മീ​പ​ന​ങ്ങ​ളാ​ണ്. ആ​ദ്യം ത​ന്നെ ഭ​ര​ണ​കൂ​ട അ​ധി​കാ​രം പി​ടി​ച്ചെ​ടു​ക്കു​ക​യ​ല്ല ന​വ​ഫാ​ഷി​സം ചെ​യ്യു​ക. അ​വ​ർ ജ​നാ​ധി​പ​ത്യ രീ​തി​യി​ൽ അ​ധി​കാ​ര​ത്തി​ലേ​റും. ഭ​ര​ണം കി​ട്ടി​ക്ക​ഴി​ഞ്ഞാ​ൽ പ​ടി​പ​ടി​യാ​യി ഫാ​ഷി​സ​ത്തി​ലേ​ക്ക്​ നീ​ങ്ങും. അ​താ​ണ്​ ഇ​ന്ത്യ​യി​ൽ ന​ട​ക്കു​ന്ന​ത്. മ​താ​ടി​സ്ഥാ​ന​ത്തി​ൽ പൗ​ര​ത്വം, ഏ​ക സി​വി​ൽ കോ​ഡ്, ഏ​തു പ​ള്ളി​ക്ക​ടി​യി​ലും അ​മ്പ​ലം തി​ര​യു​ന്ന സാ​ഹ​ച​ര്യം, അ​തി​ന്​ കോ​ട​തി​യു​ടെ പി​ൻ​ബ​ലം എ​ന്നി​ങ്ങ​നെ​യു​ള്ള കാ​ര്യ​ങ്ങ​ൾ തു​ട​രാ​ൻ അ​നു​വ​ദി​ച്ചാ​ൽ രാ​ജ്യം ഫാ​ഷി​സ​ത്തി​ലേ​ക്ക്​ പോ​കും. അ​താ​ണ്​ രാ​ഷ്ട്രീ​യ പ്ര​മേ​യ​ത്തി​ൽ പ​റ​യു​ന്ന​ത്.

മോ​ദി സ​ർ​ക്കാ​ർ ഫാ​ഷി​സ്റ്റ്​ ആ​ണെ​ന്ന സി.​പി.​ഐ​യുടെയും സി.​പി.​ഐ (എം.​എ​ൽ)​ന്റെയും നിലപാട് അ​വ​ർ തന്നെ വി​ശ​ദീ​ക​രി​ക്ക​ട്ടെ. അ​ടി​യ​ന്ത​രാ​വ​സ്ഥ കാ​ല​ത്തു​പോ​ലും ഞ​ങ്ങ​ൾ അ​ർ​ധ ഫാ​ഷി​സം എ​ന്നേ പ​റ​ഞ്ഞി​ട്ടു​ള്ളൂ. പാ​ർ​ല​മെ​ന്‍റ​റി ജ​നാ​ധി​പ​ത്യം പൂ​ർ​ണ​മാ​യും ഇ​ല്ലാ​യ്മ ചെ​യ്ത കാ​ല​മാ​ണ​ത്. പ്ര​തി​പ​ക്ഷ നേ​താ​ക്ക​ളെ​യെ​ല്ലാം ജ​യി​ലി​ലാ​ക്കി​യ കാ​ല​മാ​ണ​ത്. ച​ർ​ച്ച തെ​റ്റി​ദ്ധ​രി​പ്പി​ക്കു​ന്ന​ത്​ മാ​ധ്യ​മ​ങ്ങ​ളാ​ണ്. ​കേ​ര​ള​ത്തി​ലേ​തു​പോ​ലെ ക​മ്യൂ​ണി​സ്റ്റ്​ വി​രു​ദ്ധ​ത പ്ര​ച​രി​പ്പി​ക്കു​ന്ന മാ​ധ്യ​മ ശൃം​ഖ​ല ലോ​ക​ത്ത്​ ഒ​രി​ട​ത്തു​മി​ല്ല -എം.വി. ഗോവിന്ദൻ പറഞ്ഞു.