എം.വി. ഗോവിന്ദൻ ഇനി പാർട്ടിയിൽ രണ്ടാമൻ

ക​ണ്ണൂ​ർ: സി.​പി.​എം സം​സ്ഥാ​ന​ഘ​ട​ക​ത്തി​ലെ അ​ധി​കാ​ര​ശ്രേ​ണി​യി​ൽ എം.​വി. ഗോ​വി​ന്ദ​ൻ ഇ​നി ര​ണ്ടാ​മ​ൻ. പി​ണ​റാ​യി വി​ജ​യ​ൻ ക്യാ​പ്​​റ്റ​നാ​യി ന​യി​ക്കു​ന്ന കേ​ര​ള​ത്തി​ലെ സി.​പി.​എ​മ്മി​ൽ ര​ണ്ടാ​മ​നാ​യി നി​ല​കൊ​ണ്ട​ത്​ കോ​ടി​യേ​രി ബാ​ല​കൃ​ഷ്ണ​നാ​യി​രു​ന്നു. ആ ​സ്ഥാ​ന​മാ​ണ്​ എം.​വി. ഗോ​വി​ന്ദ​നി​ലേ​ക്ക്​ കൈ​മാ​റ​പ്പെ​ടു​ന്ന​ത്.

ആ​രോ​ഗ്യ​നി​ല മോ​ശ​മാ​യ​തി​നെ തു​ട​ർ​ന്ന്​ കോ​ടി​യേ​രി സം​സ്ഥാ​ന സെ​ക്ര​ട്ട​റി സ്ഥാ​ന​മൊ​ഴി​ഞ്ഞ​​പ്പോ​ൾ പ​ക​രം വ​ന്ന എം.​വി. ഗോ​വി​ന്ദ​ൻ കോ​ടി​യേ​രി​യു​ടെ വി​യോ​ഗ​ത്തോ​ടെ വ​ന്ന ഒ​ഴി​വി​ലാ​ണ്​ പോ​ളി​റ്റ്​ ബ്യൂ​റോ​യി​ലേ​ക്ക്​ ഉ​യ​ർ​ത്ത​പ്പെ​ട്ട​ത്. സം​ഘ​ട​നാ​സം​വി​ധാ​ന​ത്തി​ൽ ഒ​ന്നാ​മ​ൻ, ര​ണ്ടാ​മ​ൻ എ​ന്നി​ല്ലെ​ങ്കി​ലും പ്ര​യോ​ഗ​ത​ല​ത്തി​ൽ അ​ധി​കാ​ര​ഘ​ട​ന​യു​ടെ നി​ല​യ​നു​സ​രി​ച്ചാ​ണ്​ അ​ത്ത​രം വി​ശേ​ഷ​ണ​ങ്ങ​ൾ ക​ൽ​പി​ക്ക​പ്പെ​ടു​ന്ന​ത്. നീ​ണ്ട​കാ​ലം സം​സ്ഥാ​ന ​സെ​ക്ര​ട്ട​റി സ്ഥാ​നം കൈ​കാ​ര്യം​ചെ​യ്ത മു​തി​ർ​ന്ന പോ​ളി​റ്റ്​ ബ്യൂ​റോ അം​ഗ​മെ​ന്ന​നി​ല​ക്കും പാ​ർ​ട്ടി​യി​ലും മു​ഖ്യ​മ​ന്ത്രി​യെ​ന്ന നി​ല​ക്ക്​ ഭ​ര​ണ​ത്തി​ലും പൂ​ർ​ണ നി​യ​ന്ത്ര​ണം കൈ​യാ​ളു​ന്ന പി​ണ​റാ​യി വി​ജ​യ​ൻ​ത​ന്നെ ഒ​ന്നാ​മ​ൻ.

വി​ദ്യാ​ർ​ഥി​കാ​ലം മു​ത​ൽ പി​ണ​റാ​യി​യു​ടെ പി​ൻ​ഗാ​മി​യാ​യി​വ​ന്ന കോ​ടി​യേ​രി ഉ​ണ്ടാ​യി​രു​ന്ന​പ്പോ​ൾ ര​ണ്ടാ​മ​നാ​യി മ​റ്റൊ​രു പേ​ര്​ ഉ​ണ്ടാ​യി​രു​ന്നി​ല്ല. ക​ണ്ണൂ​രു​കാ​ര​നാ​യ കോ​ടി​യേ​രി ബാ​ക്കി​വെ​ച്ച ഇ​ടം ക​ണ്ണൂ​രി​ൽ​നി​ന്നു​ള്ള എം.​വി. ഗോ​വി​ന്ദ​ൻ നി​ക​ത്തു​മ്പോ​ൾ അ​ത്​ സി.​പി.​എ​മ്മി​ൽ ക​ണ്ണൂ​ർ ആ​ധി​പ​ത്യ​ത്തി​ന്‍റെ തു​ട​ർ​ച്ച​യു​മാ​ണ്. ഈ ​തു​ട​ർ​ച്ച​യി​ൽ ക​ണ്ണൂ​ർ ലോ​ബി​യി​ലെ മു​തി​ർ​ന്ന നേ​താ​വാ​യ ഇ.​പി. ജ​യ​രാ​ജ​നെ ഉ​ൾ​പ്പെ​ടെ എം.​വി. ഗോ​വി​ന്ദ​ൻ മ​റി​ക​ട​ന്നു എ​ന്ന​തും ശ്ര​ദ്ധേ​യ​മാ​ണ്. ഇ.​പി. ജ​യ​രാ​ജ​ൻ, പി.​കെ. ശ്രീ​മ​തി, തോ​മ​സ്​ ഐ​സ​ക്, എ​ള​മ​രം ക​രീം തു​ട​ങ്ങി​യ​വ​രെ മ​റി​ക​ട​ന്ന്​ എം.​വി. ഗോ​വി​ന്ദ​നെ പാ​ർ​ട്ടി​യു​ടെ പ​ര​മോ​ന്ന​ത സ​മി​തി​യി​ലേ​ക്ക്​ തെ​ര​ഞ്ഞെ​ടു​ക്കാ​ൻ കേ​ന്ദ്ര​നേ​തൃ​ത്വം തീ​രു​മാ​നി​ക്കു​മ്പോ​ൾ അ​ദ്ദേ​ഹം വ​ഹി​ക്കു​ന്ന സം​സ്ഥാ​ന സെ​ക്ര​ട്ട​റി പ​ദ​വി​കൂ​ടി ക​ണ​ക്കി​ലെ​ടു​ത്തി​രി​ക്ക​ണം.

സി.​പി.​എ​മ്മി​ന്‍റെ സൈ​ദ്ധാ​ന്തി​ക​മു​ഖ​മാ​യ എം.​വി. ഗോ​വി​ന്ദ​ൻ ഏ​റ്റ​വും ഉ​യ​ർ​ന്ന ക​മ്മി​റ്റി​യി​ലെ​ത്തു​മ്പോ​ൾ പാ​ർ​ട്ടി ന​യ​സ​മീ​പ​ന​ങ്ങ​ളി​ലും സ്വാ​ധീ​നം ചെ​ലു​ത്തി​യേ​ക്കാ​മെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്. ഇ​ട​തു​പ​ക്ഷ നി​ല​പാ​ടി​ൽ ഉ​റ​ച്ചു​നി​ൽ​ക്കാ​റു​ള്ള ഗോ​വി​ന്ദ​ൻ വ​ല​തു​പ​ക്ഷ വ്യ​തി​യാ​ന​ങ്ങ​ളെ​ക്കു​റി​ച്ച്​ പാ​ർ​ട്ടി​യി​ലും പു​റ​ത്തും തു​റ​ന്ന​ടി​ക്കാ​റു​മു​ണ്ട്. അദ്ദേഹത്തിൽ സി.​പി.​എ​മ്മി​ന്‍റെ ഭാ​വി കേ​ര​ള ക്യാ​പ്​​റ്റ​നെ കാ​ണു​ന്ന​വ​രു​മു​ണ്ട്. ഇ​രി​ങ്ങ​ല്‍ യു.​പി സ്‌​കൂ​ളി​ല്‍ പാ​ർ​ട്ട്​ ടൈം ​കാ​യി​കാ​ധ്യാ​പ​ക​നാ​യി​രു​ന്ന ഗോ​വി​ന്ദ​ന്‍ ക​മ്യൂ​ണി​സ്​​റ്റ്​ പാ​ർ​ട്ടി​യി​ൽ സ​ജീ​വ​മാ​യ​തോ​ടെ 1992ൽ ​ജോ​ലി​യി​ല്‍നി​ന്ന് സ്വ​യം വി​ര​മി​ച്ചു. ഡി.​വൈ.​എ​ഫ്.​​ഐ​യു​ടെ ആ​ദ്യ​രൂ​പ​മാ​യ കെ.​എ​സ്.​വൈ.​എ​ഫി​​ലൂ​ടെ​യാ​ണ്​ തു​ട​ക്കം. കെ.​എ​സ്.​വൈ.​എ​ഫ്​ ക​ണ്ണൂ​ര്‍ ജി​ല്ല പ്ര​സി​ഡ​ൻ​റും സെ​ക്ര​ട്ട​റി​യു​മാ​യി​രു​ന്നു.

ഡി.​വൈ.​എ​ഫ്.​​ഐ പ്ര​ഥ​മ സം​സ്ഥാ​ന പ്ര​സി​ഡ​ൻ​റാ​യും പി​ന്നീ​ട് സെ​ക്ര​ട്ട​റി​യാ​യും പ്ര​വ​ര്‍ത്തി​ച്ചു. 1991ല്‍ ​കോ​ഴി​ക്കോ​ട്ട് ന​ട​ന്ന സ​മ്മേ​ള​ന​ത്തി​ല്‍ സി.​പി.​എം സം​സ്ഥാ​ന ക​മ്മി​റ്റി​യി​ലേ​ക്ക്​ തെ​ര​ഞ്ഞെ​ടു​ക്ക​പ്പെ​ട്ടു. 2002 മു​ത​ല്‍ 2006വ​രെ ക​ണ്ണൂ​ര്‍ ജി​ല്ല സെ​ക്ര​ട്ട​റി​യാ​യി. 2006ല്‍ ​സം​സ്ഥാ​ന സെ​ക്ര​ട്ടേ​റി​യ​റ്റി​ലേ​ക്കും 2018ൽ ​കേ​ന്ദ്ര ക​മ്മി​റ്റി​യി​ലേ​ക്കും തെ​ര​ഞ്ഞെ​ടു​ക്ക​പ്പെ​ട്ടു. 1996ലും 2001​ലും ത​ളി​പ്പ​റ​മ്പി​ല്‍നി​ന്ന് നി​യ​മ​സ​ഭാം​ഗ​മാ​യി. 2021ലെ ​തെ​ര​ഞ്ഞെ​ടു​പ്പി​ൽ വീ​ണ്ടും ത​ളി​പ്പ​റ​മ്പി​ൽ​നി​ന്ന്​ ജ​യി​ച്ച ര​ണ്ടാം പി​ണ​റാ​യി മ​ന്ത്രി​സ​ഭ​യി​ൽ ത​ദ്ദേ​ശ, എ​ക്​​സൈ​സ്​ മ​ന്ത്രി​യാ​യി. പാ​ർ​ട്ടി സം​സ്ഥാ​ന സെ​​ക്ര​ട്ട​റി​യാ​യ​തോ​ടെ സെ​പ്റ്റം​ബ​റി​ലാ​ണ് മ​ന്ത്രി​പ​ദ​മൊ​ഴി​ഞ്ഞ​ത്. മൊ​റാ​ഴ​യി​ലെ പ​രേ​ത​നാ​യ കെ. ​കു​ഞ്ഞ​മ്പു​വി​ന്റെ​യും എം.​വി. മാ​ധ​വി​യു​ടെ​യും മ​ക​നാ​ണ്. ആ​ന്തൂ​ര്‍ ന​ഗ​ര​സ​ഭ മു​ൻ ചെ​യ​ര്‍പേ​ഴ്‌​സ​നും മ​ഹി​ള അ​സോ​സി​യേ​ഷ​ൻ ജി​ല്ല സെ​ക്ര​ട്ട​റി​യു​മാ​യ​ പി.​കെ. ശ്യാ​മ​ള​യാ​ണ്​ ഭാ​ര്യ. ശ്യാം​ജി​ത്ത്, രം​ഗീ​ത് എ​ന്നി​വ​ർ മ​ക്ക​ൾ.