നികേഷ് കുമാർ സി.പി.എം ജില്ല കമ്മിറ്റിയിൽ പ്രത്യേക ക്ഷണിതാവ്

കണ്ണൂർ: മാധ്യമ പ്രവർത്തനം അവസാനിപ്പിച്ച എം.വി. നികേഷ് കുമാർ സി.പി.എം കണ്ണൂർ ജില്ല കമ്മിറ്റിയിൽ. പ്രത്യേക ക്ഷണിതാവായാണ് നികേഷിനെ ജില്ല കമ്മിറ്റിയിൽ ഉൾപ്പെടുത്തിയത്. തീരുമാനത്തിന് സംസ്ഥാന കമ്മിറ്റിയുടെ അനുമതി ലഭിച്ചതായി ജില്ല സെക്രട്ടറി എം.വി. ജയരാജൻ അറിയിച്ചു.

ഒന്നാം പിണറായി സര്‍ക്കാര്‍ അധികാരത്തിലെത്തിയ 2016ലെ നിയമസഭ തെരഞ്ഞെടുപ്പിൽ അഴീക്കോട് മണ്ഡലത്തിലെ എൽ.ഡി.എഫ് സ്ഥാനാർഥിയായിരുന്നു നികേഷ്.