കമലിന്​ തീവ്രവാദ സംഘടനകളുമായി ബന്ധം, രാജ്യം വിട്ടുപോകണം –എ.എൻ രാധാകൃഷ്​ണൻ

കോഴിക്കോട്​: സംവിധായകൻ കമലിന്​​ തീവ്രവാദ സംഘടനകളുമായി ബന്ധമുണ്ടെന്നും ഇന്ത്യയിൽ ജീവിക്കാൻ കഴിയില്ലെ​​​ങ്കിൽ അദ്ദേഹം രാജ്യം വിട്ടുപോകണമെന്നും ബി.ജെ.പി നേതാവ്​ എ.എൻ രാധാകൃഷ്​ണൻ. കമൽ എസ്​.ഡി.പി​.െഎ പോലുള്ള തീവ്രസംഘടനകളുമായി ബന്ധപ്പെട്ട്​ പ്രവർത്തിക്കുന്നയാളാണ്​. . ദേശിയഗാനം ആലപിക്കു​േമ്പാൾ എഴുന്നേറ്റ്​ നിൽക്ക​ണമോയെന്ന്​ സംശയമുള്ളയാളാണ്​ കമൽ.  പ്രധാനമന്ത്രി നരേന്ദ്രമോദിയെ വിമർശിച്ചതാണ്​ ചലച്ചിത്ര അക്കാദമി ചെയർമാൻ സ്​ഥാനം ലഭിക്കാനുള്ള കമലിൻെറ യോഗ്യതയെന്നും രാധാകൃഷ്​ണൻ ആരോപിച്ചു.

തിരുവനന്തപുരം അന്താരാഷ്ട്ര ചലച്ചിത്രമേളയിലെ ദേശീയഗാന വിവാദത്തോടെയാണ് കമലിനെതിരെ സംഘപരിവാര്‍ തിരിഞ്ഞത്. ദേശീയഗാനത്തിന് എ‍ഴുന്നേല്‍ക്കാത്ത ഡെലിഗേറ്റുകളെ കസ്റ്റഡിയില്‍ എടുത്ത പോലീസ് കസ്റ്റഡിയിലെടുത്ത രീതിക്കെതിരെയായിരുന്നു കമല്‍ പ്രതിഷേധിച്ചിരുന്നു. ദേശീയഗാനത്തെ കമല്‍ അപമാനിച്ചെന്നാരോപിച്ച്​ കൊടുങ്ങല്ലൂരിലെ കമലിന്റെ വീടിനു മുന്നില്‍ ദേശീയഗാനം ചൊല്ലി യുവമോര്‍ച്ച പ്രതിഷേധിക്കുകയും കമലിനെ രാജ്യദ്രോഹിയെന്ന് വിളിക്കുകയും ചെയ്തിരുന്നു.