നമ്പി നാരായണന്​ എല്ലാ കാലവും പറ്റിക്കാനാവില്ല - സെൻകുമാർ

കോഴിക്കോട്​: ഐ.എസ്​.ആർ.ഒ ചാരക്കേസിൽ കുറ്റവിമുക്​തനായ നമ്പി നാരായണനും പിണറായി സാർക്കാറിനും എതിരെ രൂക്ഷമായ ആ രോപണങ്ങളുമായി മുൻ പൊലീസ്​ മേധാവി ടി.പി. സെൻകുമാർ. ഡി.സി ബുക്​സ്​ പുറത്തിറക്കുന്ന ‘എൻറെ പോലീസ്​ ജിവിതം’ എന്ന സർവീസ്​ സ്​റ്റോറിയുടെ പ്രകാശനാനന്തരം ഡി.സി ബുക്​സിൻെറ ഫേസ്​ബുക്​ പേജിൽ നൽകിയ വീഡിയോ അഭിമുഖത്തിലാണ്​ സെൻകു മാർ ആഞ്ഞടിച്ചത്​. സംസ്​ഥാന സർക്കാറിനെ പിതൃശൂന്യ സർക്കാർ എന്നു വിശേഷിപ്പിച്ച സെൻകുമാർ നമ്പി നാരായണൻ ജനങ്ങളെ വ ഞ്ചിക്കുകയാണെന്നും ആരോപിച്ചു.

സെൻകുമാറിൻറെ വാക്കുകൾ:

‘നമ്പി നാരായണന്​ ചാരക്കേസിലുള്ള പങ്കിനെ ക്കുറിച്ച്​ പൊലീസ്​ ഉദ്യോഗസ്​ഥന്മാർക്ക്​ നന്നായി അറിയാം. അതിനൊക്കെ രേഖകളുമുണ്ട്​. അങ്ങനെയൊരാൾക്ക്​ ശാസ ്​ത്രജ്​ഞൻ എന്ന പേരിൽ അവാർഡ്​ കൊടുക്കുകയും എനിക്കു കി​ട്ടേണ്ട നീതി നിഷേധിക്കുന്ന രീതിയിൽ ആ ശാസ്​ത്രജ്​ഞൻ പ്രവർത്തിക്കുകയും യാതൊരു നീതി ബോധവുമില്ലാതെ തികഞ്ഞ അസത്യം സംസ്​ഥാന സർക്കാർ കേന്ദ്ര സർക്കാറിലേക്ക്​ അയക്കുകയും ചെയ്​തപ്പോഴാണ്​ എനിക്ക്​ പ്രതികരിക്കേണ്ടിവന്നത്​. അതിനു വേണ്ട എല്ലാ തെളിവുകളും കൈയിൽ വെച്ച​ുകൊണ്ടാണ്​ ഞാൻ ​പ്രതികരിച്ചത്​. അതിനു ശേഷം നമ്പി നാരായണൻ ഇതുവരെ ആ വിഷയത്തിൽ പ്രതികരിച്ചിട്ടില്ലല്ലോ...അദ്ദേഹത്തിൻെറ കൂട്ടുപ്രതിയായിരുന്ന ശശികുമാറുമായും ഞാൻ വളരെയേറെ സംസാരിച്ചിട്ടുണ്ട്​.

നമ്പി നാരായണൻ ഒരു ശാസ്​ത്രജ്​ഞനല്ലായിരുന്നുവെന്നും ഒരു ശാസ്​ത്ര കണ്ടുപിടുത്തവും അദ്ദേഹം നടത്തിയിട്ടില്ലെന്നും ശാസ്​ത്ര മാഗസിനുകളിലൊന്നും അദ്ദേഹത്തിൻെറ ലേഖനങ്ങൾ പ്രസിദ്ധീകരിക്കപ്പെട്ടിട്ടുപോലുമില്ലെന്നും ‘From the fishing hamlet to Red Planet’ എന്ന പുസ്​തകത്തിൽ ഐ.എസ്​.ആർ.ഒ തന്നെ പറഞ്ഞിട്ടുണ്ട്​. 1974 മുതൽ 19 വർഷമെടുത്ത്​ വൈക്കിങ്​ എഞ്ചിൻ ‘വികാസ്​’ എഞ്ചിൻ എന്ന പേരിൽ 1993ൽ പകർത്തിയെടുത്ത മൂന്നു ടീമിലെ ഒരു ടീമിനെ നയിച്ചിരുന്നയാളാണ്​ നമ്പി നാരായണൻ. ഡോ. മുത്തുനായകം എഴുതിയ നമ്പി നാരായണൻറെ കോൺഫിഡൻഷ്യൽ റിപ്പോർട്ട്​ ഞാൻ കണ്ടിട്ടുണ്ട്​. 1982 മുതൽ 1994 വരെ, ഈ കേസുണ്ടാകുന്നതുവരെ നമ്പി ഐ.എസ്​.ആർ.ഒയിൽ സംശയിക്കപ്പെടുന്ന വ്യക്​ത്വമായിരുന്നുവെന്ന്​ ആ റിപ്പോർട്ടിൽ പറഞ്ഞിരിക്കുന്നത്​ ഞാൻ കണ്ടിട്ടുണ്ട്​.

ചാരക്കേസ്​ സംഭവം നടക്കുന്നതിന്​ 10 ദിവസം മുമ്പ്​ അദ്ദേഹത്തിന്​ വളണ്ടറി റിട്ടയർമ​​െൻറ്​ നൽകണമെന്ന്​ പറയുന്ന റിപ്പോർട്ടും ഞാൻ കണ്ടതാണ്​. 1998ൽ വീണ്ടും ജോലിയിൽ പ്രവേശിച്ച്​ നാല്​ വർഷം സർവീസിൽ ഉണ്ടായിരുന്നിട്ടും ക്രയോജനിക്​ എഞ്ചിനുവേണ്ടി നമ്പി നാരായണൻ യാതൊന്നും ചെയ്​തിട്ടില്ല. ക്രയോജനിക്​ എഞ്ചിനു വേണ്ടി ജീവിതം ഉഴിഞ്ഞുവെച്ച ഡോ. മുത്തുനായകത്തെപ്പോലെ നിരവധിപേർ ഐ.എസ്​.ആർ.ഒയിൽ ഉണ്ടായിരുന്നിട്ടും അവർക്കൊന്നും അവാർഡ്​ കിട്ടിയിട്ടില്ല. അതേസമയം, മറ്റ്​ തെറ്റിദ്ധാരണകളാൽ നമ്പി നാരായണന്​ നേരിട്ട്​ പത്​മഭൂഷൺ കൊടുക്കുന്നു. അതുകൊണ്ട്​ സത്യങ്ങൾ പുറത്തുവരണം. കോടതി, വിധി പറയുന്നത്​ മുന്നിൽ എത്തുന്ന തെളിവുകളുടെ അടിസ്​ഥാനത്തിലാണ്​. അത​ുകൊണ്ട്​ എല്ലായ്​പോഴും കോടതി വിധികൾ സത്യങ്ങളും ശരിയുമായിരിക്കണമെന്നില്ല. പക്ഷേ, അത്​ എങ്ങനെയായിരുന്നാലും അനുസരിക്കുക എന്നത്​ ജനാധിപത്യ സ​മ്പ്രദായത്തിൽ ഭരണഘടന അനുസരിച്ച്​ ഏതൊരു പൗരൻെറയും ബാധ്യതയാണ്​.

കോടതി വിധികൾ അനുസരിക്കേണ്ടവയാണ്​. എന്നാൽ, അത്​ സത്യങ്ങൾ ആണെന്ന്​ വിശ്വസിക്കേണ്ട ആവശ്യമില്ല. അത്​ കോടതിയുടെ കുറ്റമല്ല, കോടതിയുടെ മുന്നിൽ കൊടുക്കുന്ന തെളിവുകളുടെയും നിയമങ്ങളുടെയും അപര്യാപ്​തതകളുടെ അടിസ്​ഥാനത്തിലാണ്​ അത്തരം വിധികൾ ഉണ്ടാകുന്നത്​. അതുകൊണ്ട്​ ഐ.എസ്​.ആർ.ഒ കേസിലെ സത്യം അറിയുന്ന ഞങ്ങൾക്ക്​ ബോധ്യമുള്ള കാര്യമാണ്​ അതിൽ ഒരുപാട്​ മൂടിവെക്കലുകൾ നടന്നിട്ടുണ്ട്​ എന്ന്​. അതിലെ കൃത്യമായ സത്യങ്ങൾ ഒരുപക്ഷേ എനിക്കൊരിക്കലും ​കണ്ടെത്താൻ കഴിയില്ല. ഞാൻ എൻെറ പുസ്​തകത്തിൽ പറയുന്ന കാര്യങ്ങളെല്ലാം അറിയാവുന്നയാളാണ്​ ഡോ. സിബി മാത്യു. അദ്ദേഹം ഈ കാര്യങ്ങൾ തുറന്ന്​ പ്രതികരിക്കാൻ തയാറായാൽ സത്യാവസ്​ഥ പുറത്തുവരും.

ഒന്നും പറയാതിരുന്ന എന്നെ സംസ്​ഥാന സർക്കാറും നമ്പി നാരായണനുമാണ്​ പ്രകോപിപ്പിച്ചത്​. അതുകൊണ്ടാണ്​ എനിക്കിത്​ തുറന്നുപറയേണ്ടിവന്നത്​. അദ്ദേഹത്തിൻറെ കേസിൽ എന്നെ ഒരു പ്രതി എന്നാണ്​ വിശേഷിപ്പിച്ചിരിക്കുന്നത്​. വാസ്​തവത്തിൽ നമ്പി നാരായണൻ കൊടുത്തത്​ ഒരു സിവിൽ കേസാണ്​. അതിൽ എതിർ കക്ഷി സർക്കാറാണ്​. ആ കേസിൽ റിപ്പോർട്ട്​ ​കൊടുത്ത ഒരു ഉദ്യോഗസ്​ഥൻ മാത്രമായ ഞാനതിൽ പ്രതിയാവുകയില്ല. അതുപോലും അറിയാത്തയാളാണ്​ നമ്പി നാരായണൻ. മാധ്യമങ്ങളും ​അതേറ്റുപാടുകയായിരുന്നു. നമ്പി നാരായണന്​ വളരെയധികം തെറ്റിദ്ധാരണ പരത്താൻ കഴിഞ്ഞു എന്നതാണ്​ യാഥാർഥ്യം. ജസ്​റ്റിസ്​ ജയൻ കമ്മിറ്റിയിൽ ഡോ. സിബി മാത്യുസും മറ്റ്​ രണ്ട്​ ഉദ്യോഗസ്​ഥരും ശരിയായ കാര്യങ്ങൾ അവതരിപ്പിക്കുകയാണെങ്കിൽ ഐ.എസ്​.ആർ.ഒയിൽ ചാരവൃത്തി നടന്നിട്ടുണ്ടോ എന്ന്​ തെളിയിക്കാൻ കഴിയില്ലെങ്കിലും നമ്പി നാരായണൻ ഉന്നയിക്കുന്ന കാര്യങ്ങളിലെ സത്യാവസ്​ഥ പുറത്തുവരും. എല്ലാവരെയും എല്ലാ കാലത്തും നമ്പി നാരായണന്​ പറ്റിക്കാനാവില്ല..’’